Embannadurioù Al Liamm

Eus Wikipedia
Sauter à la navigation Sauter à la recherche

Embannadurioù Al Liamm zo un ti-embann brezhonek krouet gant Ronan Huon, stag ouzh ar gelaouenn Al Liamm.

Asambles gant ar gelaouenn, skipailh Al Liamm en deus meret un obererezh embann brezhonek eus ar re bouezusañ, p'o deus klasket heuliañ an hent boulc'het gant Skridou Breiz, an ti-embann meret gant Florentin Goinard, hemañ tost ouzh Strollad Broadel Breiz. Prenet en deus Ronan Huon e 1959 an holl levrioù brezhonek a oa bet chomet e-kerz ar merour.

E 1957 e seblant bezañ bet yezh kentañ an embannerezh p'eo bet lakaet e gwerzh Geotenn ar Werc'hez ha danevelloù all gant Jakez Riou ha trede embannadur Grammaire bretonne (Yezhadur brezhoneg) gant Roparz Hemon (an embannadurioù kentañ dindan anv Skridou Breiz e 1940 ha 1948).
En Al Liamm e fizias Roparz Hemon, hag eñ harluet en Iwerzhon, un darn vras eus e oberenn hag an darn vuiañ eus ar romantoù hag an danevelloù skrivet gantañ.

Embannerezh geriadurioù, hentennoù (Cours élémentaire de breton ha goude Méthode rapide de breton) ha yezhadurioù Roparz Hemon zo bet ul labour a-bouez, koulz e-keñver ledanaat implij ar brezhoneg ha degas arc'hant d'an embanner. Pa veze moullet 500 skouerenn eus ul levr faltazi gwerzhet e-pad dek vloaz e veze gwerzhet kantadoù a levrioù deskiñ e levrdioù kar-o-bro ha dre lizher gant an Dimezell Jeanne Queillé o chom e Gwengamp.

E 1999 e oa bet adkemeret gant An Here. Pan eas An Here d'ar strad e 2001 e voe adstaget ouzh ar gelaouenn.

Embannadurioù[kemmañ | kemmañ ar vammenn]

E-touez ar skrivagnerien vrudetañ: