Yann Guillamot
| Reizh pe jener | paotr  |
|---|---|
| Bro ar geodedouriezh | Frañs |
| Yezhoù komzet pe skrivet | galleg, brezhoneg |
| Micher | kelenner, Kalvez |
| Karg | chairperson |
Yann Guillamot (Yann Gwilhamod), bet ganet e 1949 e Ploveilh, zo ur c'honter brezhonek hag un arbennigour war al lennegezh dre gomz. Aet eo d'an Anaon d'an 18 a viz Even 2025 e Pont 'n Abad.
Buhez
[kemmañ | kemmañ ar vammenn]Ganet en ur familh kouerien, Yann Gwilhamod a voe desavet e brezhoneg. Mont a reas da vezañ munuzer betek ma voe paouezet ober goude ur gwallzarvoud, hag eñ en e oad gour. Pa oa o klask gouzout petra ober e tivizas adstagañ gant e studioù war ar brezhoneg, p'en doe tapet un testeni war ar studioù keltiek e Skol-veur Roazhon er mare ma plije dezhañ mont da enrollañ traoù a bep seurt a veze kontet dezhañ gant tud e gumun. Renket en doa ar c'hontadennoù dastumet e-pad un tregont vloaz bennak ha diwar an dafar-se en doe soutenet ur c'hounskrid ken e tapas ur vestroniezh pa voe tri-ugent vloaz.
Kelennet en deus da c'houde evit Kelenn (Kreizenn stummañ Diwan), Mervent ha Roudour.
Embannet en deus 5 barzhoneg, un danevell hag ur gontadenn er gelaouenn lennegel Al Liamm. Diwar e zorn ez eus deuet ivez daou levr koñchennoù ha marvailhoù e ti-embann Al Liamm.
Embannet en deus meur a studiadenn er gelaouenn a yezhoniezh "Hor Yezh" ha kaset 682 enrolladur da Zastum[1]. Echuet en deus ur mell "Geriaoueg Glazig ha Bigouden" a vo embannet gant Al Liamm.[2]
Oberennoù
[kemmañ | kemmañ ar vammenn]- Krouidigezh ar vaouez, Komz hag arz Breizhek, 1975. Lenn en linenn war lec'hiad an I.D.B.E.
- Straed ar sec'hedien ha koñchennoù all, Al Liamm, 2017
- Ar vuhez diamzeriet ha marvailhoù all, Al Liamm, 2020
- Youenn Drezen dastumer en e amzer, in E koun Youenn Drezen, Al Lanv, 2023
Levrlennadur
[kemmañ | kemmañ ar vammenn]- Camille Pineau, Pas une heure sans que je pense en breton; Ouest-France, 24 Ebrel 2023.
- Bernez Rouz, L'humour cornouaillais de Yann Guillamot, 10/12/2017, Lire en ligne sur le site Trésor du breton écrit.
Daveennoù
[kemmañ | kemmañ ar vammenn]- ↑ https://www.dastumedia.bzh/dyn/portal/index.seam?fonds=&req=18&page=listalo&va_0=Guillamot+%28Yann%29
- ↑ Emañ an dornskrid gant rener Al Liamm.