Erwan Hupel
Erwan Hupel (*1975) zo kelenner ha skrivagner brezhonek ha gallek.
Ganet eo Erwan Hupel e 1975. Bet eo o kelenn e Stumdi, a-raok dont da vezañ skolaer divyezhek er bloavezhioù 2000 ha kelenner war ar brezhoneg en eil derez hag e Skol-Veur Roazhon 2. Arbennikaet eo war studi al lennegezh vrezhonek. Doktor eo war ar C'heltieg (brezhoneg), ha kenezel eus Kreizenn Enklaskerezh Breizhat ha Kelt Skol-veur Roazhon 2. Goude bezañ graet ur memor DEA diwar-benn Strollad ar Vro Bagan, ur strollad c'hoariva en deus adroet lañs d'ar sevenadur er Vro-Bagan, en deus aozet en anv Labourva Breizh hag ar Broioù Keltiek e 2005 (bremañ anvet CRBC – Rennes 2) devezhiadoù gouestlet da Oaled ar Vro-Bagan kement ha kompren gwelloc'h treuzkas an identelezh, hag o klozañ gant ar soñj ez eus un emdroadur reneveziñ "mitologel" ur vro.
Savet en deus ivez un dezenn e 2010 diwar-benn ar gelaouenn lennegel holl-vrezhonek Gwalarn ha kinniget dielfenniñ ar prantad a-bouez evit savidigezh ur bennskouer yezhoniel ha lennegel e Breizh hag e brezhoneg.
Bet eo ivez e penn Radio Kerne. Perzh en deus kemeret e-pad meur a vloaz e strollad c'hoariva Ar Vro Bagan.
Taolenn
Oberennoù[kemmañ | kemmañ ar vammenn]
Lennegezh[kemmañ | kemmañ ar vammenn]
- Yudal!, Embannadurioù al Liamm, 2013, Priz Langleiz 2013.(ISBN 978-2-7368-0097-0)
- Penaos dont da vezañ brezhoneger a-vihanik ?, Embannadurioù Al Liamm, 2018. (ISBN 978-2-7368-0130-4)
- Gevred ha skridoù diechu all, Roparz Hemon, aozet ha kinniget gant Erwan Hupel, Embannadurioù Al Liamm, 2018 (ISBN 978-2-7368-0127-4)
Levrioù bugale[kemmañ | kemmañ ar vammenn]
- Ar brammoù, TES, 2007 (ISBN 978-2-912905-84-0)
- Barzhaz an naon du, Al Liamm, 2009 (ISBN 978-2-7368-0078-9)
- Istor du ar familh yar, embannadurioù Goater, 2012 (ISBN 978-2-918647-15-7)
Yezh[kemmañ | kemmañ ar vammenn]
- Parler breton comme un Breton, Ixelles éditions, 2013 : ouzhpenn 2 000 tro-lavar a vremañ (ISBN 978-2875151865)
- Le breton pour les nuls, First edition, 2014 (ISBN 2754064133)
- Ribinoù, Les degrés bretons de l'écriture, TIR, 2018 (ISBN 978-2-9176-8142-8)
Troidigezhioù[kemmañ | kemmañ ar vammenn]
Lennegezh[kemmañ | kemmañ ar vammenn]
- Kêr al loened (troet diwar "Animal farm" gant George Orwell), Skrid, 2011 ;
- An estren (troet diwar "L'étranger" gant Albert Camus), Skrid, 2016.
Bannoù treset[kemmañ | kemmañ ar vammenn]
- Ar vBidochoned o veajiñ a-stroll (troet diwar "Les Bidochons en voyage organisé" gant Christian Binet), An Dalar, 2002
