Breiz Atao

Eus Wikipedia
Breiz Atao
magazine
Deiziad krouiñ1919 Kemmañ
TitlBreiz Atao, An Avel Kemmañ
StadFrañs Kemmañ
Lec'h embannRoazhon Kemmañ
Bro orinFrañs Kemmañ
Yezh an oberenn pe an anvbrezhoneg, liesyezhek Kemmañ
Deiziad divodadur1939 Kemmañ
Lec'hienn ofisielhttp://bibliotheque.idbe-bzh.org/document.php?id=an-avel-1816&l=fr Kemmañ


Un niverenn eus Breiz Atao e 1944, oc'h ober brud evit ar Bezen Perrot hag ur pennad gant Frañsez Debauvais.

Breiz Atao zo anv meur a gelaouenn bet embannet etre 1919 ha 1939, hag e 1944. Dre astenn-ster e servijas ar ger "Breiz Atao" da lesenvel an emrenerion etre an daou vrezel-bed. Ur stagadenn lennegel a vo adal 1925 anvet Gwalarn ha renet gant Roparz Hemon, distaget e vezo Breiz Atao gant Gwalarn adal 1926 goude e seizhvet niverenn[1]

Krouet e voe gant Unvaniez Yaouankiz Breiz hag an emsaverion gentañ a gemeras perzh enni a voe Kamilh ar Merser, Job de Roincé, Morvan Marchal, Job Loyant ha Henri Prado. War-lerc’h e teuas Yann Bricler, Olier Mordrel ha Frañsez Debauvais. Skrivet e veze e galleg peurliesañ.

Tog Breiz Atao embannadur d'an 12 a viz C'hwevrer 1933

Doare skrivañ Breiz Atao a vez lies: pe dindan un doare flemmus ha tagus betek feuls war ar memes-tro, pe dindan ur stumm skiantel ha preder.

Breiz Atao Niverenn 1-146 - miz du 1931

Breiz Atao a baouez e embann pa grog an Eil Brezel-bed, an niverenn diwezhañ a vez embannet d'ar 27 a viz Eost 1939 (Sekretour an embann Louis Maubré a vez harzet sizun war-lec'h). Strollad Broadel Breizh a grouo en e blas ar gazetenn L'Heure Bretonne.

Krouidigezh[kemmañ | kemmañ ar vammenn]

Ar gazetenn Breiz Atao a zo bet krouet gant Strollad ranvroelourien Breizh (Galleg: Groupe régionaliste breton), ur strollad politikel enaouet er bloavezh 1918. Kentañ niverenn ar gelaouenn a vo embannet e miz Genver 1919. Ar strollad a zeuio da vezañ Unvaniez Yaouankiz Vreiz e Mae 1920.

Prezidanted an unvaniezh a vezo Frañsez Debauvais e 1920 hag Olier Mordrel e 1922.

Ludresadenn embannet en Breiz Atao e miz C'hwevrer 1929 o goapaat difenn ar Gwenn-ha-du e-kerzh Emvod-meur Strollad Emrenerien Vreiz an hañvezh a-raok.

Miziek ez eo embannadur ar gazetenn.

Breiz Atao kazetenn ar PAB[kemmañ | kemmañ ar vammenn]

Ouest-Eclair, 24 a viz Mae 1938, harzadenn Ronan Caerleon evel sekretour melestradurel ar gazetenn Breiz Atao.

Goude emvod-meur Rosporden ez eo krouet Strollad Emrenerien Vreiz (PAB, Parti Autonomiste Breton) e miz Gwengolo 1927. E 1929 ez eo Breiz Atao kazetenn ar strollad, n'eo ket mui ur gazetenn viziek met sizhuniek embannet bep sul. Istitlet eo adal ar mare-se "Organe hebdomadaire du Parti Autonomiste Breton".

Pennlec'h Breiz Atao, straed ar Francs Bourgeois e Roazhon e 1938

Doare skridoù Breiz Atao[kemmañ | kemmañ ar vammenn]

Linenn bolitikel ar gazetenn a oa boulc'hañ an hent evit krouiñ ur Stad da Vreizh disrannet diouzh bro C'hall. Selloù Breiz Atao a oa neuze:

  • Broadelour breton o stourm evit dieubidigezh Breizh
  • Enep c'hall a-grenn
  • Enep Jakobinour
  • Evit modernaat Breizh war an holl tachennoù (Brezhoneg, labour-douar, ekonomiezh...)
  • Enep estrenien
  • Enep Yuzev
  • Difenn ar ouenn brezhon

Breiz Atao ha Becassine[kemmañ | kemmañ ar vammenn]

D'an 18 a viz Mezheven 1939, da deir eur hanter goude merenn, tri broadelour breton izili eus skours Pariz ar strollad Breiz Atao hag eus Strollad Broadel Breizh (PNB) a zistrujas delwenn Bécassine er Mirdi Grévin. Taolet e voe an delwenn war al leur ha gant ur morzhol e voe distrujet ar penn, an divhar hag an divrec'h[2]

An tri broadelour yaouank a glaskas tec'hout sioul met siwazh, dre ma oa kamm unan anezho e voent tapet. An hini kamm gant un evezhier d'ar mirdi an daou all gant sekretourez rener ar mirdi dres pa oant o tapout un taksi.

Kaset da di an archerien e chomjont un devezh hag un nozvezh-pad hep rannañ ger gallek ebet. An deiz war-lec'h e tisklêrjont e oa bet sevenet an taol-dreist evit emsevel a-enep ar film Bécassine a oa da vezañ skignet hag a roe ur skeudenn vezhus eus Breizh hag eus ar merc'hed brezhon anezhi.

Kement-mañ a voe embannet gant aozerien an taol-dreist er gazetenn Breiz Atao, an tri c'hañfard a oa Patrick Guerin, Jadé ha Mahé[3]. Dre ma oa avel an Eil Brezel-bed o c'hwezhañ, prezidant ar c'huzul ha ministr ar brezel Daladier, a roas urzhioù evit "chom hep kaout kudennoù gant ar Vretoned", aozerien an taol a voe kondaonet da baeañ un tailh-kastiz izel. Lizhiri gourc'hemennoù a voe kaset gant Bretoned, merc'hed yaouank dreist-holl betek klasadoù skolajidi a-bezh, da vBreiz Atao a-benn diskleriañ e oa un taol a zoare hag a oa bet sevenet[4].

Kenlabourerien[kemmañ | kemmañ ar vammenn]

Liamm diavaez[kemmañ | kemmañ ar vammenn]

Notennoù ha daveennoù[kemmañ | kemmañ ar vammenn]

  1. [1], Gwalarn war ar wiki Brezhoneg.
  2. Dalc'homp Soñj Niverenn 4 bloavezh 1983.
  3. https://books.google.fr/books?id=42-
  4. http://buan1.chez.com/buanbecassine.htm


Porched Breizh – Adkavit pennadoù ha rummadoù Wikipedia a denn da Vreizh.