Wikipedia:Kumuniezh/An davarn
Aliañ a reomp start ar genlabourerien nevez da lenn ar mod implij.
Mod implij
|
Tavarnioù all :
Tavarnioù all e brezhoneg : Wikeriadur, Kannadig ar verourien, Wikimammenn. Tavarnioù e yezhoù all : galleg, saozneg, kembraeg, galiseg, katalaneg, euskareg, spagnoleg, alamaneg, kerneveureg |
Liammoù dedennus
Kuzuilhoù evit an deraouidi : Kammedoù kentañ, Pennad heñchañ eeun, Pajenn skoazell, Foar ar Goulennoù, Fallvarchoù boas, Sevel ur bajenn nevez. Pajennoù pouezus all : Porched ar gumuniezh, Sevel ur goulenn ouzh ar verourien, Roll ar patromoù, Geriaoueg ar Wiki brezhonek. |
Evit respont d'ur gemenadenn, klikit war al liamm "kemmañ" e tu-dehou titl pep rann. Krogit ho respont gant ":". Sinit ho respont dre ouzhpennañ ~~~~ e fin ho kemennadenn. Evit ouzhpennañ ur gemenadenn nevez, war un tem nevez, klikit war "Ouzhpennañ ur gemenadenn", a-us. Arabat disoñjal lakaat un titl resis d'ho kemennadenn.
Evel e pep lec'h war wikipedia, arabat kunujenniñ na tagañ an dud. Bezit fiziañs en dud all. Na vagit ket ar roñfled. Ma sav ur gudenn etrezoc'h hag ur c'henlabourer all goulennit ali ur merour.
(20:12:16 CET)
Kaozeadeg eus ar 5vet sizhunvezh diwezhañ (sizhun 06, bloaz 2026)
02/02/2026 — 08/02/2026
- Skrivañ un dra bennak er c’hwec’hvet sizhun eus 2026 | An davarn | sizhun a-raok — sizhun war-lerc’h
Kaozeadeg eus ar 4re sizhunvezh diwezhañ (sizhun 07, bloaz 2026)
09/02/2026 — 15/02/2026
Gourc'hemennoù d'an holl
Demat, Ne bado ket marteze met tremenet omp dirak ar Wiki belaruseg hag a-benn nebeut e vo tro d'ar Wikipedia okitaneg (79vet plas). A galon Dishual (kaozeal) 12 C'hwe 2026 da 20:16 (UTC)
Pennadoù ar miz
Arko (k・d) ha Dishual (k・d) o deus kinniget dibab « pennadoù ar miz » nevez, ur soñj vat eo. Ezhomm hon eus neuze eus daouzek pennad savet mat, adlennet, gwiriet, skeudennaouet, difaziet, gant daveoù solut. Ma ra pep hini war-dro ur pennad pe zaou e c’hallomp kaout a-walc’h anezho. Mat e vefe deoc’h? Huñvreüs (kaozeal) 13 C'hwe 2026 da 08:14 (UTC)
- Demat,
- ya met ezhomm e vefe ivez eus un adaozadur/freskaat/modernaat eus ar bajenn degemer.
- Ouzhpennañ ul lodenn "Ha gouzout a rit...".
- Piv a ouife en ober?
- A galon Dishual (kaozeal) 14 C'hwe 2026 da 18:46 (UTC)
- @Dishual Taol ur sell amañ. Petra a soñj dit? Huñvreüs (kaozeal) 15 C'hwe 2026 da 12:33 (UTC)
- Demat,
- Ya kalz modernoc'h hag aesoc'h da lenn!
- Sapre labour ganez, mil bennozh dit!
- @ Arko, @Kestenn, ho soñj Dishual (kaozeal) 15 C'hwe 2026 da 14:19 (UTC)
- Demat, dibar eo da labour @Huñvreüs, kalz aesoc'h da lenn !
- M'en dare ivez hag-eñ ne vije ket "re" a ditouroù war ar bajenn degemer.
- Hor renkoù e-keñver Wikioù e yezhoù all da skouer : plijus eo gouzout ez eomp war-raok, met daoust hag eo ken a bouez-se evit ur bajenn degemer ?
- Div wech e kaver al liamm war-zu ar pennadoù nevez-savet (e Keleier ar Wiki, hag e "A bep seurt") ;
- ar fazioù yezh stankañ, an alioù war al live yezh, goulenn diverkañ ur pennad hag all... zo ostilhoù talvoudus-tre : daoust ha ne lakaont ket ar bajenn degemer da vezañ "ponneroc'h" ivez ?
- Kendeuzet e c'hallfe bezañ "Keleier ar wiki" hag "Ostilhoù", marteze ?
- Kinnigoù hepken eveljust.
- Ur soñj vat eo ul lodenn "Ha gouzout a rit", ha modernoc'h ha plijusoc'h eo da ginnig @Huñvreüs, trugarez dit. Kestenn (kaozeal) 15 C'hwe 2026 da 16:03 (UTC)
- @Llydawr ha Dakbzh: o kemenn ac'hanoc'h ivez. Huñvreüs (kaozeal) 15 C'hwe 2026 da 16:04 (UTC)
- @Dishual Taol ur sell amañ. Petra a soñj dit? Huñvreüs (kaozeal) 15 C'hwe 2026 da 12:33 (UTC)
- Gwellaet am eus an traoù un tammig, dreist-holl evit ar pellgomzoù hezoug. Ober a ran gant Codex, ur benveg eus ar c’hentañ. En ma unan e vijen c’hoazh o klask penaos ober tra pe dra.
- A-du emaon gant Kestenn. Kinnig a ran:
- Dilemel an div elfenn e penn Keleier ar wiki ("war gresk…" ha "e renkadur…").
- En A bep seurt, derc’hel "Porched ar gumuniezh", "Tavarn", "Roll ar porchedoù", ha dilemel ar peurrest. Marteze lakaat an Davarn e penn ar rann, homañ eo al lec’h ma vo kavet titouroù ha sikour.
- A-du emaoc’h? Huñvreüs (kaozeal) 16 C'hwe 2026 da 13:38 (UTC)
- A-du emaon ! Kestenn (kaozeal) 16 C'hwe 2026 da 14:42 (UTC)
- Demat, ha gouzet a rez e-pelec'h e vez tu kavout e peseurt renk omp-ni a-fed Wiki?
- Tenent eo bet diouzh ar bajenn degemer ar pezh a zo mat re bonner e oa, met pelec'h e vije bremañ?
- A galon Dishual (kaozeal) 17 C'hwe 2026 da 09:23 (UTC)
- Demat,
- a-du penn-da-benn!
- A galon Dishual (kaozeal) 16 C'hwe 2026 da 14:47 (UTC)
- A-du emaon ! Kestenn (kaozeal) 16 C'hwe 2026 da 14:42 (UTC)
- Setu amañ ar pezh a ginnnigan ober:
- adenvel Keleier ar Wiki e A-zivout ar Wiki (n’eo ket keleier a weler en takad-mañ)
- dilemel al linenn diwar-benn ar raktresoù all eus A-zivout ar Wiki rak liammoù war o zu zo a-is
- kendeuziñ A bep seurt gant A-zivout ar Wiki (ha derc’hel ur meneg eus an Davarn nemetken)
- embann ar brouilhed evel pajenn degemer nevez 🎉
- A-du emaoc’h? Huñvreüs (kaozeal) 17 C'hwe 2026 da 12:00 (UTC)
- Dispar, a-du emaon. A galon, Kestenn (kaozeal) 17 C'hwe 2026 da 13:14 (UTC)
- Evel-se bezet great.
- A galon Dishual (kaozeal) 17 C'hwe 2026 da 14:00 (UTC)
- Graet eo
- @Dishual, gallout a rez ober war-dro Ha gouzout a raec’h? amañ (ar re all a c’hall ober ivez, evel-just!).
- Lavarit din ma kavit kudennoù pe traoù da gemmañ. Huñvreüs (kaozeal) 17 C'hwe 2026 da 19:51 (UTC)
- Bennozh! Penaos e vez tu da gemm al lodenn "Ha gouzout a raec’h?".
- N'eo ket en dastumadenn patromoù.
- A galon Dishual (kaozeal) 17 C'hwe 2026 da 20:05 (UTC)
- @Dishual: klik amañ. Huñvreüs (kaozeal) 17 C'hwe 2026 da 20:08 (UTC)
- Bennozh!
- Ha gouzout a rez e-pelec'h e vez tu kavout stadegoù ar Wiki bremañ?
- Na pegen brav eo ar bajenn bremañ! Dishual (kaozeal) 17 C'hwe 2026 da 20:35 (UTC)
- Laouen on o welout e plij dit ar bajenn nevez.
- Eus peseurt stadegoù ez eus anv? Evel em eus lavaret a-üs e kavi ar re a oa er bajenn degemer e Porched ar gumuniezh, rann Renkadurioù. A-hend all ez eus Dibar:Stadegoù. Huñvreüs (kaozeal) 17 C'hwe 2026 da 20:41 (UTC)
- Ar re-se ya https://br.wikipedia.org/wiki/Dibar:Stadego%C3%B9, na vije ket tu adlakaat anezho en ur glikañ war an niver a bajennoù?
- Pep tra a zo ampart e mod all. Dishual (kaozeal) 17 C'hwe 2026 da 21:13 (UTC)
- Brav-tre an disoc'h, trugarez dit !
- Un esaouenn a vije marteze da lakaat a-raok ar pik goulennata e "Ha gouzout a raec'h ?". Ur "fed" am eus ouzhpennet dija.
- Trugarez, ur wech ouzhpenn, kalz modernoc'h eo an degemer evel-se !
- Kestenn (kaozeal) 17 C'hwe 2026 da 22:23 (UTC)
- @Dishual ha Kestenn: liammoù war-du ar stadegoù hag esaouenn a-raok ar pik goulennata ouzhpennet Huñvreüs (kaozeal) 18 C'hwe 2026 da 09:08 (UTC)
- Trugarez ! Kestenn (kaozeal) 18 C'hwe 2026 da 17:08 (UTC)
- Trrugarez evit al labour graet. Arko (kaozeal) 4 Meu 2026 da 19:16 (UTC)
- Trugarez ! Kestenn (kaozeal) 18 C'hwe 2026 da 17:08 (UTC)
- @Dishual ha Kestenn: liammoù war-du ar stadegoù hag esaouenn a-raok ar pik goulennata ouzhpennet
- @Dishual: klik amañ. Huñvreüs (kaozeal) 17 C'hwe 2026 da 20:08 (UTC)
- Graet eo
- Dispar, a-du emaon. A galon, Kestenn (kaozeal) 17 C'hwe 2026 da 13:14 (UTC)
A-BOUEZ: Ensell war oberiantiz ar verourien
Demat deoc'h. Kemeret eo bet ur politikerezh a-zivout tennañ ar "gwirioù araokaet" (merour, bureviad, merour etrefas, h.a.) gant emglev hollek ar gumuniezh e 2013. Hervez ar politikerezh-mañ emañ ar stewarded o sellet ouzh obereriantiz ar verourien war holl wikioù an Diazezadur Wikimedia hep politikerezh dioberiantiz ebet. Hervez a ouzomp, n'eus ket gant ho wiki eus un argerzh ofisiel evit tennañ ar "gwirioù araokaet" diouzh ar c'hontoù dioberiant. Kement-se a dalvez e vo graet war-dro gant ar stewarded hervez ensell war oberiantiz ar verourien.
Kavet hon eus ez eo dioberiant an implijerien-mañ (kemm ebet nag ober marilhet ebet abaoe muioc’h evit 2 vloaz):
- User:Lekemok (merour, merour etrefas)
A-benn nebeut e resevo an implijerien-mañ ur gemmennadenn a c’houlenno outo boulc’hañ ur gaozeadenn gant ar gumuniezh ma fell dezho derc’hel o gwirioù, pe lod anezho. Ma ne respont ket an implijerien e vo tennet o gwirioù araoket diouto gant ar stewarded.
Koulskoude, ma fell d’ho kumuniezh krouiñ hoc’h ensell war oberiantiz ar verourien-c’hwi, e lec’h an hini hollek, ober un diviz all a-zivout an dud gant gwirioù araoket dioberiant, pe m’ho peus un doare ensell dija dianavez ganeomp, kemennit ar stewarded war Meta-Wiki mar plij evit ma ouzimp chom hep ober an ensell war ar gwirioù en ho wiki. Trugarez, EPIC (kaozeal) 14 C'hwe 2026 da 17:18 (UTC)
"Diazezadur" Wikimedia
Hervez un evezhiadenn e Kaozeal:Diazezadur Wikimedia (un adkas): Foundation zo fondezon e brezhoneg pa gomzer eus un aozadur nann-kenwerzhel. Implijet eo an dro-lavar-mañ e lec'hioù zo. Petra a soñj deoc'h ? Huñvreüs (kaozeal) 15 C'hwe 2026 da 16:04 (UTC)
- "Diazezadur" hepken zo kinniget gant TermOfis evit un aozadur, "diazez" pe "fondezon" gant M. Ménard hep ne vefe resisaet ar ster. N'on ket feuket gant implij "diazezadur" amañ - s.o. ensavadur, aozadur hag all. A galon, Kestenn (kaozeal) 15 C'hwe 2026 da 16:18 (UTC)
Kaozeadeg eus an 3de sizhunvezh diwezhañ (sizhun 08, bloaz 2026)
16/02/2026 — 22/02/2026
Filmlennadur
Demat, Meur a-wech eo bet embannet gant Lydawr ne 'z ae ket gant ar ger "filmlennadur". Gwir eo ne vez ket lennet ur film sañset. "Filmgweladur" a vije iskis. Preder ha Termofis a embann "filmadurezh". Da gemmañ an holl filmlennadur gant filmadurezh? (ezhomm e vo ur bot ken niverus ar pajennoù) A galon Dishual (kaozeal) 17 C'hwe 2026 da 20:30 (UTC)
- Ya, gwelloc'h e vefe kemmañ. O lenn traoù diwar-benn ar "boted" bet kaset din gant @Huñvreüs emaon, met n'ouzon ket penaos ober c'hoazh. Graet em eus dre zorn en nebeud pajennoù a oa "Filmlennadur" en o zitl dija. A galon, Kestenn (kaozeal) 17 C'hwe 2026 da 20:38 (UTC)
- Evit se e vefe aesoc’h ober gant Javascript Wiki Browser (JWB).
- Evit staliañ anezhañ, krou ar bajenn Implijer:Kestenn/common.js ha laka an dra-mañ e-barzh:
mw.loader.load('//en.wikipedia.org/w/index.php?title=User:Joeytje50/JWB.js/load.js&action=raw&ctype=text/javascript');
- Emichañs e ranki digevreañ hag adkevreañ. Goude se, klik amañ (ul liamm war-zu ar bajenn-mañ a vo ouzhpennet en da veuziad Ostilhoù).
- Evit implijout ar benveg-se: E Setup, klik war Generate. Er prenestr, klik war Wiki search, laka insource:/Filmlennadur/, ha klik war Generate. Klik war Sort (diret met gwelloc’h e kavan ober ar c’hemmoù en urzh al lizherenneg). Klik war Edit. Goude Replace, laka Filmlennader, ha goude With, laka Filmadurezh. Klik war Start. N’eo ket aes da zeskiñ… met pegen galloudus!.
- Ma rez gant Windows ez eus AutoWikiBrowser ivez, n’am eus ket implijet anezhañ peogwir e ran gant Linux. VIGNERON a oar anezhañ mat-kenañ.
- Digudenn eo ober 100-200 kemm gant ur gont ordinal, met evit kantadoù a c’hemmoù damemgefre eo gwelloc’h ober gant ur gont robot. Huñvreüs (kaozeal) 17 C'hwe 2026 da 20:58 (UTC)
Kaozeadeg eus an eil sizhunvezh diwezhañ (sizhun 09, bloaz 2026)
23/02/2026 — 01/03/2026
Kantikoù brezhonek
Un tamm kempenn a vefe da ober er c’hantikoù brezhonek.
Tri anezho a zo er Wikimammenn, hag ar pennad Wikipedia ne zegas tamm titour ouzhpenn ebet. Da ziverkañ amañ, neuze.
- An Oferenn: s: Kinnigomp ar sakrifis-man
- Kantik ar Baradoz s:Ar Baradoz
- Kantikou brezonek eskopti Zan-Briek ha Landreger s:Kantikou brezonek eskopti Zan-Briek ha Landreger
Lod all n’eus nemet pozioù er pennad. N’eo ket Wikipedia un dastumad pozioù, dleout a rafent bezañ kaset d’ar Wikimammenn.
- Itron Varia Vulad
- Kantik Sant Eginer Plouziri
- Kantik Sant Gwenole
- Kantik Sant Loup
- Pé trouz zo ar en Douar ?
- Salud deoc'h, iliz ma farrouz
Petra a soñj deoc’h? Huñvreüs (kaozeal) 23 C'hwe 2026 da 09:28 (UTC)
- A-du emaon. Emaon o paouez lakaat an holl a vanke war wikimamenn. A galon, Kestenn (kaozeal) 23 C'hwe 2026 da 10:18 (UTC)
- Demat,
- Kudenn ebet.
- A galon Dishual (kaozeal) 25 C'hwe 2026 da 09:24 (UTC)
Gourc’hemennoù
Dilennet eo bet VIGNERON (k・d) da steward (s.o. dilennadegoù ar stewarded 2026). Gourc’hemennoù! Huñvreüs (kaozeal) 27 C'hwe 2026 da 15:19 (UTC)
- Trugarez, bezañ steward ne cheñcho ket kalz evit ar Wikipedia e brezhoneg met prest on da sikour ma vez ezhomm. A galon, VIGNERON (kaozeal) 27 C'hwe 2026 da 15:32 (UTC)
- Demat,
- Gourc’hemennoù.
- A galon Dishual (kaozeal) 27 C'hwe 2026 da 20:44 (UTC)
Kaozeadeg eus ar sizhunvezh diwezhañ (sizhun 10, bloaz 2026)
02/03/2026 — 08/03/2026
Vioù Pask
Souezhadennoù a vo kavet e pajennoù zo.
Graet eo bet evit lidañ 25vet deiz-ha-bloaz Wikipedia. Huñvreüs (kaozeal) 2 Meu 2026 da 10:55 (UTC)
Brav da welet! A galon--Dishual (kaozeal) 3 Meu 2026 da 19:51 (UTC)
- Ya, farsus ! Kestenn (kaozeal) 3 Meu 2026 da 20:40 (UTC)
"a viz"
Salud deoc'h ! Lenn a ran e vez graet amañ gant ur stumm "10 Genver" evit titl nesañ pennadoù an deiziadoù, hag e korf un dornadig pennadoù. Ar braz eus ar pennadoù a ra gant ar stumm "10 a viz Genver". Souezhet on bet gant ar stumm kentañ atav ; din-me eo ur fazi ; n'em eus ket james lennet er-maez eus wikipedia, na klevet james. Kaer am bez klask er yezhadurioù ha geriadurioù zo ganin, ne gavan roud ebet eus an doare-mañ d'ober. Soñj am eus bezañ lennet un diviz kozh etre implijerien war se e wikipedia, met ne adkavan ket. Piv a ouife hiroc'h ? Trugarez. A galon, Kestenn (kaozeal) 3 Meu 2026 da 20:39 (UTC)
- Adlakaat a ran amañ respont @T42N24T e kaozeadenn ar pennad 1917 evit ma vo gwelet gant an holl :
- "Berroc'h, ha doare brwiki eo da verkañ an deiziadoù (1 Meu 2026 evit hiziv !)"
- Anat eo berroc'h, met n'eo ket evit se eo reizh din-me. Ha skouerioù deiziadoù skrivet evel-se a gaver er-maez eus Wikipedia ? A galon, Kestenn (kaozeal) 3 Meu 2026 da 20:52 (UTC)
- Ne anavezan ar stumm-mañ nemet evel ur stumm berraet implijet e meziantoù zo, ha n'eo ket e korf ar pennadoù. Kefluniet eo amañ:
::'dmy date' => 'j M Y', ::'dmy both' => 'j M Y "da" H:i',
- Gallout a rafemp dibab ar stumm hiroc'h "3 a viz Meurzh 2026 da 20:52 (UTC)" evel-se :
::'dmy date' => 'j "a viz" F Y', ::'dmy both' => 'j "a viz" F Y "da" H:i',
- Un tamm barzhoniezh stlennegel ne ra ket poan 🤣
- Ret e vefe kemmañ kefluniadur ar wiki, pezh a rank bezañ goulennet dre ur pull request gant Gerrit : n'eo ket an dra aesañ da ober er bed-mañ. Met gallout a ra bezañ graet mard emañ ar gumuniezh a-du. Notenn : ar wikioù saoznek ha gallek, da skouer, a ra gant stumm klok ar mizioù ha n'eo ket gant o stumm berraet. Huñvreüs (kaozeal) 3 Meu 2026 da 22:07 (UTC)
- Gwir eo ez eo ar stumm hir an doare reizh nemetañ da zeiziata, met un doare all zo bet dibabet gant Brwiki abaoe 2005 : gwelit Rummad:Deizioù ar bloaz. T42N24T (kaozeal) 4 Meu 2026 da 16:56 (UTC)
- Evel-mañ eo bet graet, sur ha n’eo ket marteze, met n’ouzon ket ha « dibabet » eo bet. Ne rafen ket gant ar stumm-mañ e korf ur pennad, setu ar pezh a ouzan. Huñvreüs (kaozeal) 4 Meu 2026 da 20:28 (UTC)
- Gwir eo ez eo ar stumm hir an doare reizh nemetañ da zeiziata, met un doare all zo bet dibabet gant Brwiki abaoe 2005 : gwelit Rummad:Deizioù ar bloaz. T42N24T (kaozeal) 4 Meu 2026 da 16:56 (UTC)
Fañch, setu amañ da zildenn
Fañch : le ministère de la Justice demande de ne plus poursuivre les parents qui utilisent le tilde sur un prénom. Ici Bretagne (Meurzh 2026).. Huñvreüs (kaozeal) 4 Meu 2026 da 07:21 (UTC)
Pennadoù ar miz (c'hoazh)
Gant ar bajenn degemer nevez-flamm brav hon eus bremañ e c'hallomp dibab ar pennadoù ar miz nevez. Gallout a rafemp kinnig ur pennad bep eil sizhun zoken d'am soñj, evit cheñch an traoù aliesoc'h war ar bajenn. "Pennad ar pempkektevezh" a vefe an titl neuze. Ret eo dibab ar pennadoù bepred, 24 anzeho eta, pennaodù "mat" evel bet lavaret gant Hunvreus (klok, skeudennet, daveet...) Kinnig a ran kaout re a bep seurt : skiantoù "kalet" (fizik, matematikoù, kimiezh...), loened, istor, douaroniezh, teknikoù ha teknologiezhioù, arzoù (sinema, livouriezh, sonerezh...), sport, tud, ekonomiezh, steredoniezh, relijionoù... Sellet am eus un tammig ouzh ar pennadoù hag em eus kavet ar re-mañ : atom, gwenan, Enkadenn Veur, inizi Kalzenez, keflusker dre enleskiñ, Paths of Glory (film), AC/DC, Fernando Alonso, Hayao Miyazaki, priz, Meurzh (planedenn), daoegezh..; Kinnigoù n'int ken, surawalc'h ez eus pennadoù hir awalc'h all.--Arko (kaozeal) 4 Meu 2026 da 20:58 (UTC)
- Salud dit, trugarez evit da labour enklask ! Mat eo ar pennadoù kinniget ganit a gav din. Evit cheñch ar pennadoù e ranker kemmañ mammenn Wikipedia:Degemer/Pennad ar miz/Ebrel evit ar miz a zeu da skouer, en ur deurel evezh adlakaat an evezhiadenn a zo er penn-kentañ. Klask a rin ober un nebeud anezhe pa gavin amzer.
- N'on ket a-enep kinnig "pennad ar pemzektevezh", met ret eo kaout a-walc'h a bennadoù a galite enne ar c'hriterioù meneget gant @Huñvreüs, ha gwelet penaos cheñch kod ar bajenn degemer evit se. A galon, Kestenn (kaozeal) 4 Meu 2026 da 21:47 (UTC)
- Pennadoù all a c'hallfe klotañ ganti : Karamel gant amann sall, Gwalennoù a c'halloud, Eoul-maen, C'hoarzh, Karrez, Tro-vale, Gwepard, Kilimanjaro, Koadeg trovanel c'hleb, Toutanc'hamon, Machu Pikchu. Arko (kaozeal) 4 Meu 2026 da 23:27 (UTC)
Tud brudet (sic)
Gwelloc’h bezañ sur a-raok reizhañ: skrivet a vez tud vrudet ha n’eo ket tud brudet ? N’eus reolenn ebet a rofe aotre da skrivañ an daou, pe un dra bennak eus ar seurt-se ? Huñvreüs (kaozeal) 7 Meu 2026 da 12:45 (UTC)
- "Tud vrudet" zo reishoc'h sañset, met ar stumm hep kemmadur a lenner ivez. N'ouzon ket hiroc'h, ha ne gavan netra e yezhadur Kervella. Kestenn (kaozeal) 7 Meu 2026 da 16:17 (UTC)
- Tud vrudet eo ; gwelit F. Ꝃvella §125, p. 81, rummad 2a (atav e kemm B en anv-gwan goude un anv oc'h echuiñ gant forzh pe lizherenn). T42N24T (kaozeal) 7 Meu 2026 da 16:56 (UTC)
Charlotte
Penaos treiñ ar ouenn avaloù-douar Charlotte ? "Charlotte" ha "charlotez" a viz kinniget gant an Ofis. N'em eus kavet netra er geriadurioù. Peseurt hini dibab hervezoc'h ? Trugarekaat en a-raok.--Arko (kaozeal) 7 Meu 2026 da 16:36 (UTC)
- Gant Roger Salaun e kastell Trevarez eo bet ijinet ar seurtad pato-se, a zo bet anvet Charlotte gantañ (Ouest-France). Koulz lezel an anv evel m'emañ neuze. T42N24T (kaozeal) 7 Meu 2026 da 16:51 (UTC)
Kaozeadeg eus ar sizhunvezh (sizhun 11, bloaz 2026)
09/03/2026 — 15/03/2026