David ar Gall

Eus Wikipedia
Mont da : merdeiñ, klask

David ar Gall a zo kelenner ha skrivagner.

Emañ hiziv o kelenn e Skolaj Diwan Gwened. Bet eo rener ar skolaj-se ivez. Bet en deus Priz Emglev Bro an Oriant e 2000 ha Priz Imram 2010.

Golo Ar Gwenedour hag an Inuitez

Skrivañ a ra barzhonegoù ha danevelloù. Skrivet en deus ur levr danevelloù embannet e 2008, e ti TRES : Ar Gwenedour hag an Inuitez. Hag un eil levr "hent Arkadius" embannet e ti Al Liamm e 2009.

Ar Gwenedour hag an Inuitez zo ul levr danevelloù bet embannet e fin ar bloaz 2006 get David Ar Gall, kelenner brezhoneg er skolaj Diwan Gwened, liv brezhoneg Bro Pourlet, e vro orin, getañ. Mont a ra pemzek danevell d'e ober a-hed 170 pajenn. Beajiñ a ra al lenner ag an amzer vremañ betek mare an dispac'h ; a Vreizh betek ar Greunland, pe betek un enezenn kollet get ur meuriad debrerion tud... Istorioù kriz 'vez savet get David Ar Gall, get ur sell hag ur fent du... Ar skrivagner a ouia penaos sevel un istoer, tudennoù, un aergelc'h. E "Karr... m'ho kar", da skouer, e tanevell istor un paotr yaouank skoet get e dad ha, war-lerc'h, get krennarded er skol. Skoet betek bout kaset d'an ospital, met n'eus ket kement-se a dud da sikour getañ. Istorioù evel-se a c'hellehe bout gwir da vat. "Dasson an taboulin" a zo ivez istor ur paotr yaouank, digourdi met paour-razh, da vare an Dispac'h. Mont a ra da soudard er morlu, ha David ar Gall a ro un tañva, e-barzh un nebeud pajennoù, eus ar vuhez e-barzh ar bagoù-brezel d'ar c'houlz-se. Kant skouerenn hepken zo bet tennet ag al levr-se na vez ket gwerzhet er stalioù-levrioù.

Hent Arkadius (2009)

Gant an tolpad danevelloù-mañ e laka war-wel ur bed liesliv : a-wezhioù teñval ha du, livañ a ra bedoù kriz, amzerioù da zont goulazhet, bedoù pulluc’het, gant fent ur gwenedour evel-just. Gwezhioù all e vo trec’h ar vuhez, ar garantez. War hent Arkadius ne c’hell ket an enoe bout trec’h gwezh ebet.

An avel en ho plev (2012)

Levr kenskrivet hag embannet er blez 2012 e ti Al Liamm.

Bara Brith (2015)

Ur romant, embannet e ti Al Liamm ivez.

Maelig hag ar vorlaeron (2015)

Edan e anv pluenn "Gabriel Goubin" eo bet savet ar romant-mañ. Un istoer morlaeron savet evit ar grennarded.

Kanennoù :

Krouer kanennoù ofisiel ar Redadeg 2010 ha 2016

Levrlennadur[kemmañ | kemmañ ar vammenn]

  • Ar Gwenedour hag an Inuitez, emb. TRES, 2006.
  • Hent Arkadius, Embannadurioù Al Liamm, 2009.
  • An avel en ho plev, Embannadurioù Al Liamm, 2012.
  • Bara Brith, embannadurioù Al Liamm, 2015.
  • Maelig hag ar vorlaeron, embannadurioù Keit Vimp Bev, 2016

Mammennoù[kemmañ | kemmañ ar vammenn]

Liammoù[kemmañ | kemmañ ar vammenn]