Jack Kerouac

Jack Kerouac
Jack Kerouac e-tro 1956 (skeudenn gant Tom Palumbo)
Anv ofisiel	Jean-Louis Kerouac
Obererezh	romantoù, barzhonegoù
Ganedigezh	12 a viz Meurzh 1922 e Lowell (Massachusetts)
Marv	21 a viz Gwengolo 1969 e St. Petersburg (Florida)
Yezh skrivañ	saozneg (ha galleg)
Luskad lennegel	Beat Generation
Oberennoù pennañ
On the Road (1957) The Dharma Burns (1958) Mexico City Blues (1959) Satori in Paris (1962)

Sinadur
kemmañ

Jack Kerouac (distaget: [ˈkɛruːæk] pe [ˈkɛrɵæk]), ganet Jean-Louis Kérouac d'an 12 a viz Meurzh 1922 e Lowell (Massachusetts) ha marvet d'an 21 a viz Here 1969 e St. Petersburg (Florida), a zo un arzour, ur skrivagner hag ur barzh stadunanat lakaet da vezañ e-touez ar re bennañ eus an XX^vet kantved, arouezius eus ar Beat Generation.

E anv[kemmañ | kemmañ ar vammenn]

Ganet e oa Jean-Louis Kérouac ent-ofisiel, ha lesanvet e oa "Ti-Jean" gant e familh. Goude e roas da c'houzout e oa e anv Jean-Louis Lebris de Kérouac peogwir en doa disklêriet e hendad an anv « Maurice-Louis-Alexandre Le Bris de Kervoach » e 1732 p'en doa dimezhet^[1]. An holl dud anvet Kirouac, Keroack, Kerouac, etc, e Kebek a ziskenn eus an Kervoach-se.

E vuhez[kemmañ | kemmañ ar vammenn]

Tad Kerouac, Leo a oa ganet en ur familh a blanterien patates e parez Saint-Hubert-de-Rivière-du-Loup, Kebek.

En e vugaleaj pa oa 4 bloaz, e voe mantret gant marvidigezh e vreur ennañ a oa 9 vloaz. Da c'houde e kontas, e oa e vreur, hañval ouzh un ael en oabl, oc'h ambroug anezhañ.

Galleg a gomze Kerouac hepken, kent stagañ da zeskiñ ar saozneg da 6 vloaz, neoazh ne oa ket ampart c'hoazh war ar saozneg a-barzh bout 10. Er feiz katolik e voe desket gant e vamm, devot ma oa hi.

Barrek e oa Kerouac evit redek er mell-droad amerikan, ha neuze e voe tapet gant skipailh Columbia University.

Pa voe echu gant e garierenn melldroader amerikan, e yeas maez ar skol-veur. En em stummañ a reas d'al lennegezh ha d'ar sevenadur e unan. Bevañ reas neuze e Upper West Side e New York gant e vignonez Edie Parker. Dar c'houlz-hont e deroù ar bloavezioù 40 e reas anaoudegezh gant tudennoù ar Beat Generation, a voe ur skol evit 'n em stummañ. Kavout a raer alies anv anezho en e zanevelloù : Allen Ginsberg, Neal Cassady, John Clellon Holmes, Herbert Huncke, Lucien Carr ha William S. Burroughs.

E 1942, e yeaz Kerouac el lu stadunanat, hag e 1943 e yeas en US Navy.

E 1951 e voe embannet e levr "On the road", a zanevell e avanturioù, pa oa war an hent, o treizañ ar SUA, ambrouget gant e geneil Neal Cassady. Al levr a zo dre vras ur skridbuhez o kontañ troioù, ha distroioù Kerouac o vont evel ur beajour ergerzhour etre reter ha kornôg ar SU. A-wechoù 'mañ oc'h ober biz meud, pe war kein un tren noz, pe war droad. Evelkent, n'eo nemet da 34 e teskas bleinañ, ha n'en doe biskoaz a aotre bleinañ, Neal a vleine ar c'hirri avat.

Brudet eo da vezañ skrivet dizehan, e-doug 20 devez, "On the road", war ur folenn baber, hir spontus, 37 metrad. Evit chom gant ul lusk ha bezañ bagol ha divrall rak ar skuizhder e tapas a bep seurtoù dramm : benzedrin, sigaretennoù, tasadoù kafe, ha bolennadoù soubenn.

Ar stumm-se da skrivañ dizehan a voe unan eus perzhioù heverk e zoare skritur. Ar stil a ro da grediñ e oa deuet trumm war e spered an eñvorennoù a skrivas dillo war e vekanik skrivañ, hogen priented e oant bet en araok, skrivet ma oant bet gantañ ende war karnedoù bihan e-kerz e veajoù.

Oberennoù[kemmañ | kemmañ ar vammenn]

Danevelloù ha romantoù[kemmañ | kemmañ ar vammenn]

The Sea is My Brother (1942)
Orpheus Emerged (1944–1945; embannet e 2002)
And the Hippos Were Boiled in Their Tanks, gant William S. Burroughs (1945; embannet 2008)
The Town and the City (1946–1949; embannet 1950)
On the Road (1947–1951; embannet 1957)
La nuit est ma femme skrivet e C'hwevrer-Meurzh 1951 e galleg Kebek, 56 pajenn, diembann.
Visions of Cody (1951–1952; embannet 1960)
Pic, danevell (1951 & 1969; embannet 1971)
Sur le chemin skrivet e miz Kerzu 1952 e galleg Kebek, 60 pajenn, diembann.
Doctor Sax (1952; embannet 1959)
Book of Dreams (1952–1960; embannet 1960)
Maggie Cassidy (1953; embannet 1959)
The Subterraneans, danevell (1953; embannet 1958)
Tristessa, danevell (1955–1956; embannet 1960)
Visions of Gerard (1956; embannet 1963)
Desolation Angels (1965)
The Dharma Bums (1958)
Lonesome Traveler (1960)
Big Sur (1962)
Satori in Paris, danevell (1965)
Vanity of Duluoz (1968)