Enez Karn
Un danvez pennad eo ar pennad-mañ diwar-benn inizi Breizh ha Gwitalmeze ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.
| Enez Karn | |
|---|---|
 An enez gwelet eus an douar-bras. Gwelet a reer mat ar c'harn warni. | |
| Anv(ioù) all | Karn |
| Anv gallek | Île Carn |
| Geografiezh | |
| Lec'hiadur | Mor Breizh (Meurvor Atlantel) |
| Daveennoù lec'hiañ | 48° 35′ N, 4° 42′ K |
| Gorread | 0,015 km² |
| Lein uhelañ | 18 m (ar c'harn) |
| Geologiezh | Enez kevandirel |
| Melestradurezh | |
| Bro |  Breizh
|
| Bro hengounel |  Bro-Leon
|
| Departamant |  Penn-ar-Bed
|
| Kumunioù | Gwitalmeze |
| Poblañs | |
| Poblañs | 0 ann. |
| Titouroù all | |
| Dizoloadenn | Ragistor |
| Gwerzhid-eur | UTC+01:00 |
kemmañ  |
|
Enez Karn, pe Karn[1][2], zo un enezennig tost d'an douar-bras e Mor Breizh, e kumun Gwitalmeze. Pa vez tre e c'haller mont betek enni war droad.
Pont traezh pe Pont Karn[3] a reer eus an erv draezh a stag an enezennig ouzh an douar-bras pa vez izelvor.
Istor
[kemmañ | kemmañ ar vammenn]War an enezenn ez eus ur c'harn ragistorel, savet war-dro 4 200 vloaz a-raok J.-K[4]. En amzer-hont e oa izeloc'h live ar mor ha stag e oa an enezenn ouzh an douar-bras. E 1954 e oa bet addizoloet an hini gentañ eus an teir c'hambr zo er c'harn. Savet e voent evit beziañ tud varv moarvat. Hervez ar pezh zo bet kavet enno gant ar furcherien e oa bet implijet ar bezioù-se betek ar bloaz 2 500 a-raok J.-K.
Mojenn
[kemmañ | kemmañ ar vammenn]Kontañ a reer e oa ur c'hastell gwechall war an enezenn. Ar c'hastell-se a oa d'un aotrou, Roue Karn, a oa gantañ divskouarn marc'h. Digenvez e veve-eñ ha gervel a rae tud yaouank eus an douar-bras evit troc’hañ e vlev hag e varv. Met morse hini ebet ne zeue en-dro. Lazhet e vezent holl gantañ, ur wech m'o doa gwelet e zivskouarn. A-benn ar fin e voe lazhet an aotrou gant un troc'her-blev a droc'has dezhañ e c'houzoug gant e aotenn, kentoc'h eget bezañ muntret eñ ivez, evel e ziaraogerien[5]. Ar vojenn-se a reer anezhi, e lec'hioù all e Breizh, mojenn ar Roue Marc'h.
Levrlennadur
[kemmañ | kemmañ ar vammenn]- L'île Carn, dindan renerezh Hervé Jézéquel, Créaphis Editions, 2002, 252 bajenn
Notennoù
[kemmañ | kemmañ ar vammenn]- ↑ Per Pondaven ha Mikael Madeg, Renabl anoiou lehiou arvor Bro-Leon. Goueled Leon : levrenn 2 : Etre an Aberig hag an Aod Vraz Lambaol : Gwitalmeze, Lambaol, Emgleo Breiz
- ↑ "Enez Karn" pe "Karn" hervez KerOfis (Ofis Publik ar Brezhoneg)
- ↑ Per Pondaven ha Mikael Madeg, Renabl anoiou lehiou arvor Goueled Leon : levrenn 2. Gwitalmeze, Lambaol
- ↑ L'île Carn, lec'hienn kumun Gwitalmeze (e galleg)
- ↑ Mojenn Enez Karn e lec'hienn kumun Gwitalmeze (e galleg)
.svg){kind=small}
|
|
Porched Breizh – Adkavit pennadoù ha rummadoù Wikipedia a denn da Vreizh. |