Lenn-vor Brest

Kartenn eus lenn-vor Brest.

Lenn-vor Brest, pe Morlenn Brest, zo ur pleg-mor bihan, pe ur bae bras, e Breizh, digor er c'hornôg war ar meurvor Atlantel gant Mulgul Brest, ha bevennet er c'hreisteiz gant gourenez Kraozon ha Beg ar Spagnoled, hag en hanternoz gant arvor kreisteiz Leon. Kêr Vrest eo ar gêr vrasañ hag ar porzh bras enni.

Stêrioù

Lenn-vor Brest, e Landevenneg

Aod kornaouek Breizh. Lenn-vor Brest, en hanternoz da Gourenez Kraozon, ha bae Douarnenez er c'hreisteiz.

En hanternoz, e tu Leon, ec'h aber:

• ar Penfell

E reter lenn-vor Brest ec'h aber ar stêrioù-mañ, eus an hanternoz d'ar c'hreisteiz:

• an Elorn
• richer Zaoulaz
• richer ar Faou
• ar stêr Aon

Inizi

Un toullad inizi, pe enezigoù, zo er bae:

• an Enez Krenn, dirak Plougastell
• Enez Tibidi, dirak Landevenneg
• an Enez-Hir, e Kraozon