An Oriant

An Oriant
Morlenn an Oriant gwelet diwar nij.
Anv gallek (ofisiel)	Lorient
Bro istorel	Bro-Gwened
Melestradurezh
Departamant	Mor-Bihan (isprefeti)
Arondisamant	an Oriant (pennlec'h)
Kanton	Pennlec'h daou ganton : kanton an Oriant-1 kanton an Oriant-2
Kod kumun	56121
Kod post	56100
Maer Amzer gefridi	Fabrice Loher 2020-2026
Etrekumuniezh	An Oriant tolpad-kêrioù
Bro velestradurel	Bro an Oriant
Lec'hienn web	www.lorient.bzh
Poblañsouriezh
Poblañs	57 412 ann. (2020)
Stankter	3 284 ann./km²
Douaroniezh
Daveennoù lec'hiañ	47° 45′ Norzh 3° 22′ Kornôg
Uhelderioù	kreiz-kêr : 16 m bihanañ 0 m — brasañ 46 m
Gorread	17,48 km²
An Oriant

An Oriant a zo ur gêr hag ur porzh-mor eus Bro-Wened ha departamant ar Mor-Bihan. Pennlec'h arondisamant an Oriant eo ivez, ha dre-se sez un isprefeti.

Diazezet e voe e 1666 pa voe aotreet da Gompagnunezh an Indez en em staliañ eno gant ar roue gall Loeiz XIV, dre-se anv ar gêr. En XX^vet kantved e teuas da vezañ ur porzh-pesketa bras. Peogwir e oa bet staliet eno brasañ bon splujerezioù Europa gant an Nazied e voe bombezet taer ar gêr gant ar Gevredidi, ha damzistrujet e voe.

Bremañ eo troet armerzh An Oriant war ar mor, dre he arsanailh milourel, he forzh-pesketa, he forzh-kenwerzh, he fol redadegoù en donvor. Kampus Skol-veur Kreisteiz Breizh (SKB) a voe krouet e 1995. Emvod meur ar Gelted, festival brasañ Breizh, a sach kantadoù a viliadoù a dud bep miz Eost.

Ardamezioù

En gul e deirgwern greiet, goueliet ha flammet en argant, war ur mor en geoted, eilet a-zehoù gant un heol en aour savant a-drek tri menez en argant difoupant diouzh ar mor, e grenngonk en erminig ; e gab gwriet en glazur bezantet en aour. Ger-ardamez: Ab oriente refulget Diwar ardamezeg d'Hozier (1744) Lejion a Enor

Kantonioù

Lenn-vor an Oriant

Kartenn eus an Oriant

Abaoe 2014 ez eus daou ganton ouzh hec'h ober :

• Kanton An Oriant-1 (Lorient-1 ez-ofisiel)
• Kanton An Oriant-2 (Lorient-2 ez-ofisiel)

Brezhoneg

Deskadurezh

• Ur skol Diwan a zo en Oriant.
• Klasoù divyezhek e div skol bublik, en ur skol brevez hag en ur skolaj prevez Dihun a zo e en Oriant.
• E distro-skol 2022 e oa enskrivet er skol Diwan hag er c'hlasoù divyezhek 409 skoliad (7,8 % eus skolidi ar gumun evit a sell ouzh ar c'hentañ derez)

Ya d'ar brezhoneg

• 

  Panell-henchañ.

• D'ar 25 a viz Genver 2007 e oa bet votet ar garta Ya d'ar brezhoneg gant kuzul-kêr ar gumun ha roet oa bet war un dro d'ar gumun al label Ya d'ar brezhoneg live 1.

Istor

Dispac'h Gall

• Krouet e voe ar gumun e 1790; hervez un dekred bet kemeret gant ar Vodadeg Vroadel d'an 22 a viz Kerzu 1789 e voe lakaet da bennlec'h kanton an Oriant; ar c'hanton a oa ur rann velestradurel ha lezvarnel hag ur bastell-vro dilenn eus Bann Henbont, an Oriant a oa e gumun nemeti; al lez-varn a vann a voe lakaet en Oriant: start e oa bet an tabutoù etre kumunioù an Oriant hag Henbont, klasket gante o-div kaout penn ar bann war tachennoù ar velestradurezh hag ar justis. E 1794 e voe tennet parrez Kergroaz eus kumun Plañvour, lakaet e voe e kumun an Oriant. Krouet e voe daou ganton nevez en Oriant, an Oriant-1 hag an Oriant-2, gant lezenn an 8 pluviôse an IX (28 a viz Genver 1801), dezhi an titl loi portant réduction du nombre de justices de paix. E 1800 e voe krouet Arondisamant an Oriant ha lakaet an Oriant en e benn.
• Dekred eus ar 26 a viz Du 1790 war al le ret: e penn-kentañ 1791 e voe graet al le ouzh ar Roue, ar vro hag al lezennoù gant seitek beleg katolik diwar triwec'h eus An Oriant.

XIX^vet kantved

• 
• 

• 1862: erruet al linenn hent-houarn Landerne Savenneg er gumun.

XX^vet kantved

Brezel-bed kentañ

• 1 579 den ag ar gumun a gollas o buhez abalamour d'ar brezel, d.l.e. 3,22 % eus he foblañs e 1911, div glañdiourez en o mesk.
• Fuzuilhet e voe daou vilour breizhat, bet ganet en Oriant, gant al Lu gall, unan d'an 10 a viz C'hwevrer 1915 e Proven (Flandrez Belgia), egile d'ar 7 a viz Gwenholon 1916 en Oujda (Maroko).

Eil Brezel Bed

1940

• Bombezet e voe an Oriant gant al Luftwaffe en noz etre an 19 hag an 20 a viz Even;
  • d'an 21 a viz Even e tegouezhas al lu alaman en Oriant goude un emgann e Gwidel.

1944

• Fuzuilhet e voe ur paotr yaouank ag ar gumun e Kernevez-Zinzeg e Berne, d'ar 16 a viz Gouhere 1944 abalamour d'e berzh er Rezistañs.

1945

Anv P. Hervé, un den eus an Oriant, ouzh monumant ar re fuzuilhet e Porzh-Loeiz

• D'an 23 a viz Mae e voe kavet korf marv tri den eus ar gumun e-tal gwikadell Porzh-Loeiz. Er Rezistañs e oant; fuzuilhet e oant bet gant al lu alaman.

Porzhioù

Ur porzh-brezel hag un arsanailh

• Ul lec'h talvoudek eo evit ober war dro bigi-brezel hag evit aozañ ar varteloded hag an traoù kempennet da lestriñ. Un arsanailh a c’helle ober sevel ha kendal'ch e ratre bigi war-un-dro. Rummadoù tud en doa desket micherioù da sevel/ratreañ bigi-brezel. An arsanailh en doa an implijer keñtan gant 4000 oberourien war dro. Goude 1990, ez a kuit ar Merdeadurezh rak ratre ar lec'h a zo re kaer. Goude-se eo gouloet diazez ar bigi-spluj eus Keroman hag an arsanailh gostez An Oriant.

Ur porzh-kenwerzh

• Savet er bloavezh 1910, eo bet brasaet ar porzh goude ar brezel, pa 'z eo adsavet ar gêr. Atredoù a zo impljet da leuniañ ouf Kergroas. E gae a zo brasaet e bloavezh 1970 ha peurvezadurioù nevez a c'hell anezhañ liesaat e obererezhioù. An obererezh geñtan a zo enporzhadur.

Oberezhioù Kergroas a zeu da heul d‘ar gêr An Oriant. Kibelloù eoul-maen a harzh sevel-kêrioù e lec'h-mañ. Diskargerezh simant, soja pe tro-heol a boultrenn ar porzh.

Ur porzh-pesketa

• Pesketa araok Keroman : Er fin an XIXvet kantved pe deroù xxvet kantved, e touara bigi-pesketa el lenn-borzh, e kreiz An Oriant, evel ar bigi-kenwerzh pe bigi-mor. E 1889,eo krouet ur kec'hu-pesked e lec'h ma'z eo hiziv ar bag "Thalassa", kae Roc'han.

E xxvet kantved, en em treuzlakaet listri roueder e lec'h bad-dre-lien. Met re blas a gemeront. E 1927 e tilog ar porzh-pesketa betek ul lec'h anvet Keroman (Ker-homañ ?). Ar porzh-pesketa Keroman a zo ganet. Etre an daou vrezel e voe krouet porzh Keroman en Oriant a-benn diorren an obererezh-se war ul live greantel. Ar porzh-pesketa a ya d'arnevezaat a-nebeudoù.

Ur porzh-bageal

• Ar porzh-bageal a grog da zisplegañ e 1975. 115 bag a oa d'ar mare-se. E lenn-borzh e oant, e-kreiz ar gêr. 400 bag a zo bremañ. Un ti-mor a zo bet savet ha digoret a-hed hennezh.

Maered

Emmanuel Svob, maer ar gumun, a zilezas e gargoù maer ha kuzulier-kêr d'ar 27 a viz Genver 1941, anvet e voe Auguste Donval, ur mezeg-jeneral, mignon gant François Darlan, en e blas d'an 2 a viz Ebrel 1941, met dav e voe dezhañ dilezel d'an 8 a viz Mae 1942 dre ma tape e begement a bep tu abalamour d'ar c'hudennoù pourvezañ, e eilvet eilmaer, Eugène Gallois-Montbrun, a gemeras e lec'h d'an 19 a viz Even 1942.

Listri-spluj

Diazlec'h al listri-spluj

• E 1940 e krogas an Alamaned da sevel diazlec'h listri-spluj an Oriant e Kerroman.
• Eus deroù ar brezel tremenet, e sav an diazez listri-spluj. Al labourioù keñtan a gkrog er e miz Genver 1940. Padout a reont betek 1942 da nebeutañ. An darn Keroman I eo bet savet e c'hwevrer 1940. An darn Keroman II, tri miz goude, e miz Mae 1940. Devehatoc'h e vo savet un darn nevez : Keroman III.

Al lec'h gourenez Keroman a oa dibabet da zegemer un diazez bigi-spluj german "U-boot ". An diazez dindanvor eus An Oriant eo adimpmlijet gant ar Merdeadurezh-brezel betek d'an 11 a viz C'hwevrer 1997, araok bezañ daskoret evit obererezhioù disoudard. A-vremañ, eo digor gant an holl dud ar weladenn an darn Keroman III hepken. Darnoù all a zo diimplijet pe implijet gant embregerezh.

• Listri-spluj alaman ha diazlec'h Kerroman (luc'hskeudennoù graet evit ar propaganda nazi)

• 
• 
• 
• 
• 
• 
• 
• 
• 
• 
• 
• 

• Bazenn al listri-spluj Alaman hiziv-an-deiz

• 

  Bazenn listri-spluj Alaman an Oriant, Plan al lec'h

• 

  Bazenn listri-spluj Alaman an Oriant, ur Blockhaus

• 

  Bazenn listri-spluj Alaman an Oriant, kanol Flak 88

Bombezadegoù ar Re Gevredet

• Distrujoù bras a voe en Oriant gant bombezadegoù Aerluioù ar Rouantelezh-Unanet ha SUA. Lazhet e voe kantadoù a dud nann-soudard ha milourion alaman. Degadoù a garrnijourion a gollas o buhez ivez.

• 

  Ar c'harr-nij Bristol Beaufort Mark I, L4474 MW-E 217 o c'hedrediñ a-us d'ar Meurvor Atlantel.

• 1940: bombezet e voe ar porzh gant ar Royal Air Force d'an 20-21 a viz Du ha d'an 2-3 a viz Kerzu;
• 1942: bombezet e voe an Oriant gant nijerezioù B-17 eus an VIII^vet USAAF (United States Army Air Forces) d'an 16 a viz Gwengolo, d'an 18 ha d'an 22 a viz Du ha d'an 30 a viz Kerzu; teir nijerez a voe kollet d'an 16 a viz Gwengolo, hini ebet en tagadennoù all.
• 1943:
  • d'ar 14 a viz Genver e voe roet urzh gant Winston Churchill da zistrujañ kement tra a c'hell servijout d'al listri-spluj alaman diazezet e Kerroman, d.l.e. bombezañ stank ha didruez an Oriant, Lannarstêr hag ar c'humunioù tro-war-dro; kerkent, d'ar 14 a viz Genver, e krogas ar bombezadegoù, padout a rejont betek ar 16 a viz C'hwevrer;
  • d'an 23 a viz Genver e kouezhas ur c'harr-nij B-17, eus aerlu SUA (United States Army Air Forces) er mor, e donvor d'an Oriant; lazhet e voe an dek nijour a oa en e vourzh;
  • Munudoù ar bombezadegoù e mizioù Genver ha C'hwevrer 1943

Deiziad	Aerlu	Niver a nijerezioù	Tonennoù a vombezennoù	Niver a vombezennoù-entanañ
14 a viz Genver	Royal Air Force	99	73,6	83 548
15 a viz Genver	Royal Air Force	132	140,4	87 163
23 a viz Genver	United States Army Air Forces	36
23 a viz Genver	Royal Air Force	47
26 a viz Genver	Royal Air Force	136	80	56 687
29 a viz Genver	Royal Air Force	130	50,7
4 a viz C'hwevrer	Royal Air Force	120	90,6	63 376
7 a viz C'hwevrer	Royal Air Force	296	254,1
13 a viz C'hwevrer	Royal Air Force	422	524,3	26 168
16 a viz C'hwevrer	Royal Air Force	360	461,9	230 916

• Roet e voe ar Groaz-brezel 1939-1945 d'ar gumun.

Monumantoù ha traoù heverk

Roet eo bet al label Kêrioù ha Broioù Arz hag Istor dezhi.

Bezioù ar C'hommonwealth e bered Kerantreizh

Bro	Niver a soudarded
Aostralia	3
Kanada	3
Polonia	9
Rouantelezh-Unanet	17
Zeland-Nevez	1
Dianav	5
Hollad	38

Karrnijourion e oant holl. Marvet int e-pad an Eil Brezel Bed.

Tud

Tud bet ganet eno

• Mathurin Alfred-Brard, senedour ar Mor-Bihan, d'an 26 a viz Gouere 1867;
• Jacques Cambry, kronikour, politikour ha tudoniour, diazezer an Akademiezh Keltiek, d'an 2 a viz Here 1749;
• Henri Camenen, d'ar 17 a viz Even 1885, soudard er 4 Batailhon Kerzhet Troadegiezh skañv Afrika, barnet d'ar marv d'an 9 a viz C'hwevrer 1915 evit bout dilezet e bost ha dizertet dirak an enebour div wezh, bet fuzuilhet gant al lu gall d'an 10 a viz C'hwevrer 1915 e Proven (Flandrez Belgia) e-pad ar Brezel-bed kentañ;
• Fernand de Langle de Cary, milour gall (Brezel 1870-1871 ha Brezel-bed kentañ), 4 a viz Gouere 1849;
• François de la Rocque, ofiser ha politikour gall, d'ar 6 a viz Here 1885;
• Iwan an Diberder, skrivagner brezhonek, 1887;
• Jean Baptiste Le Garff (21 a viz Du 1887-30 a viz Here 1916), soudard breizhat, soudardaet en Oriant, bet fuzuilhet gant al Lu gall en Oujda (Maroko) e-pad ar Brezel-bed kentañ;
• Jules Simon (1814 - Pariz 1896), prederour, kelenner ha politikour;
• Jacques Vaché, mignon da André Breton, skrivagner gall, d'ar 7 a viz Gwengolo 1895.

Tud bet marvet eno

• 1907 : René Kerviler, ijinour, henoniour ha levrrollour
• 1909 : Zoé Berthier, skrivagnerez c'hallek.
• 1928 : René Scordia, gourener.
• 1964 : Gwenfrewi, skrivagnerez vrezhonek
• 1972 : Youenn Drezen, skrivagner brezhonek

Luc'hskeudennoù

• 

  Gwel eus porzh an Oriant, gant Berthe Morisot, 1869, The National Gallery of Art, Washington, DC

• 

  Koc'hu Merville

• 

  Un eoul-lestr er porzh-eoul-maen

• 

  Porzh-pesketa Kerroman

• 

  Ur sammlestr o tiskargañ kolza er porzh-kenwerzh

• 

  Kêr ar gwelioù Eric Tabarly en Oriant

Emdroadur ar boblañs abaoe 1793

Roll maered an Oriant

Ti-kêr An Oriant

Norbert Métairie, bet maer An Oriant

Anv	Penn prantad	Dibenn prantad
Étienne Perault	12 a viz Gwengolo 1736	11 a viz Meurzh 1762
Jean-Michel Ferrand	22 a viz Mae 1762	7 a viz Meurzh 1774
Jean-Marie Esnoult Deschatelets	22 a viz Gouere 1774	8 a viz Gwengolo 1789
Benoît Dorce de Najac	8 a viz Gwengolo 1789	15 a viz Here 1789
Jean-Marie Kerlero de Rosbo du Carno	15 a viz Here 1789	14 a viz Genver 1790
Arnoult Le Conte	14 a viz Genver 1790	1añ a viz C'hwevrer 1790
Jean-Jacques Lecointe	1añ a viz Genver 1790	10 a viz Mezheven 1790
Louis François Galabert	17 a viz Gouere 1790	19 a viz Du 1791
Louis Marie Dusaulchoy	21 a viz Du 1791	1añ a viz Kerzu 1792
Jean Jacques Trentinian	19 a viz Kerzu 1792	5 a viz Gwengolo 1793
Jean Jacques Duquesnel	20 frimaire Bloaz II	4 floréal Bloaz III
Jean Garnier	6 frimaire Bloaz III	10 frimaire Bloaz IV
Jean Jacques Trentinian	10 frimaire Bloaz IV	8 germinal Bloaz V
Louis Toussaint Archin	8 germinal Bloaz V	29 fructidor Bloaz V
Pierre Jean Jaffré	Bloaz V	29 fructidor Bloaz VIII
François Louis Monistrol	15 a viz Ebrel 1809	23 a viz Ebrel 1821
Casimir Eugène Audren de Kerdrel	28 a viz Gouere 1821	10 a viz Genver 1830
Charles Louis Ducouedic de Kergoualer	19 a viz Meurzh 1830	6 a viz Eost 1830
Betrand Louis Antoine Charles Marie Villemain	15 a viz Gwengolo 1830	10 a viz Meurzh 1836
Jean Marie Galabert	Meurzh 1836	29 a viz Meurzh 1839
Auguste Charpentier	13 a viz Eost 1839	Meurzh 1848
Édouard Beauvais	Meurzh 1848	Meurzh 1850
Antoine Peyronnel	Meurzh 1850	Eost 1850
Joseph Honorat André Le Melvrel Hachois	24 a viz Gwengolo 1850	Genver 1869
Jean Charles Perint	22 a viz Genver 1869	16 a viz Mezheven 1869
Jean Eugène Laurent	16 a viz Mezheven 1869	6 a viz Eost 1870
Évariste Louis Aubin	6 a viz Eost 1870	17 a viz Eost 1871
Édouard Beauvais	13 a viz Mae 1871	23 a viz C'hwevrer 1874
Ludovic Paulinier	23 a viz C'hwevrer 1874	27 a viz Even 1876
Édouard Beauvais	27 a viz Mezheven 1876	5 a viz Gwengolo 1877
Simon François Marie Gustave Ratier	15 a viz Meurzh 1878	13 a viz Ebrel 1880
Jean Louis Henri Canier	15 a viz Ebrel 1880	19 a viz C'hwevrer 1881
Adolphe Charles Augustin Rondeaux	19 a viz C'hwevrer 1881	15 a viz Here 1883
Alfred Maingnan	9 a viz Kerzu 1883	18 a viz Mae 1884
Eugène Charles	18 a viz Mae 1884	28 a viz Meurzh 1886
Laurent Roux-Lavergne	28 a viz Meurzh 1886	23 a viz Kerzu 1888
François Jean Rio	27 a viz Genver 1889	29 a viz Mezheven 1890
Frédéric Delory	29 a viz Mezheven 1890	2 a viz Meurzh 1892
Adolphe Charles Augustin Rondeaux	15 a viz Mae 1892	24 a viz Mae 1893
Edouard Broni	15 a viz Mezheven 1893	21 a viz Du 1897
Adolphe L'Hegouarc'h	21 a viz Du 1897	15 a viz Mae 1904
Joseph Honorat André Talvas	15 a viz Mae 1904	5 a viz Du 1904
Louis Nail	18 a viz Kerzu 1904	19 a viz Mae 1912
Pierre Louis Esvelin	19 a viz Mae 1912	10 a viz Kerzu 1919
Édouard Labes	10 a viz Kerzu 1919	17 a viz Mae 1925
Emmanuel Svob	17 a viz Mae 1925	19 a viz Mae 1929
Jules Legrand	19 a viz Mae 1929	19 a viz Mae 1935
Emmanuel Svob	19 a viz Mae 1935	27 a viz Genver 1941
Auguste Donval	2 a viz Ebrel 1941	8 a viz Mae 1942
Eugène Gallois-Montbrun	19 a viz Mae 1942	31 a viz Eost 1944
Emmanuel Svob	1añ a viz Gwengolo 1944	20 a viz Mae 1946
Jean Baco	1añ a viz Mae 1946	23 a viz Mae 1946
Julien Le Pan	23 a viz Mae 1946	2 a viz Here 1951
Alphonse Le Bourhis	2 a viz Here 1951	2 a viz Kerzu 1951
Charles Le Samedy	2 a viz Kerzu 1951	3 a viz Mae 1953
Jean Le Coutaller	3 a viz Mae 1953	21 a viz Meurzh 1959
Louis Glotin	22 a viz Meurzh 1959	20 a viz Meurzh 1965
Yves Allainmat	21 a viz Meurzh 1965	5 a viz Gouere 1973
Jean Lagarde	6 a viz Gouere 1973	3 a viz Gouere 1981
Jean-Yves Le Drian	4 a viz Gouere 1981	2 a viz Ebrel 1998
Norbert Métairie	2 a viz Ebrel 1998	2020
Fabrice Loher	2020

Sevenadur

• Gouelioù Etrekeltiek an Oriant ("Emvod ar Gelted")

Sport

Mell-droad

• FK an Oriant

Marc'hhouarnerezh

• 13 a viz Gouere 1939 : 4^e tennad-hent Tro Bro-C'hall etre Brest hag an Oriant ; trec'h eo Raymond Louviot.
• 14 a viz Gouere 1939 : 5vet tennad-hent Tro Bro-C'hall etre an Oriant ha Naoned ; trec'h eo Amédée Fournier.
• 10 a viz Gouere 1956 : 6vet tennad-hent Tro Bro-C'hall etre Sant-Maloù hag an Oriant ; trec'h eo Fred de Bruyne (Belgia).
• 11 a viz Gouere 1956 : loc'hañ a ra 7vet tennad-hent Tro Bro-C'hall eus an Oriant war-du Añje (Maine-et-Loire).
• 1añ a viz Gouere 1960 : 6vet tennad-hent Tro Bro-C'hall etre Sant-Maloù hag an Oriant ; trec'h eo Roger Rivière.
• 2 a viz Gouere 1960 : loc'hañ a ra 7vet tennad-hent Tro Bro-C'hall eus an Oriant war-du Añje (Maine-et-Loire).
• 3 a viz Gouere 1968 : 6vet tennad-hent Tro Bro-C'hall etre Dinarzh hag an Oriant ; trec'h eo Aurelio González Puente (Spagn).
• 4 a viz Gouere 1968 : 7vet tennad-hent Tro Bro-C'hall etre an Oriant ha Naoned ; trec'h eo Franco Bitossi (Italia).
• 9 a viz Gouere 1977 : 8vet tennad-hent Tro Bro-C'hall etre Añje (Maine-et-Loire) hag an Oriant ; trec'h eo Giacinto Santambrogio (Italia).
• 10 a viz Gouere 1977 : 9vet tennad-hent Tro Bro-C'hall etre an Oriant ha Roazhon ; trec'h eo Klaus-Peter Thaler (Republik Kevreadel Alamagn).
• 12 a viz Gouere 1982 : 9vet tennad-hent Tro Bro-C'hall etre an Oriant ha Pluveleg (a-benn d'an eur dre skipailh) ; trec'h eo Ti-Raleigh (Izelvroioù).
• 30 a viz Mezheven 1985 : 2^l tennad-hent Tro Bro-C'hall etre an Oriant ha Gwitreg ; trec'h eo Rudy Matthijs (Belgia).
• 14 a viz Gouere 1998 : 3^e tennad-hent Tro Bro-C'hall etre Rosko hag an Oriant ; trec'h eo Jens Heppner (Alamagn).
• 15 a viz Gouere 2002 : 9vet tennad-hent Tro Bro-C'hall etre Lannarstêr hag an Oriant (a-benn d'an eur) ; trec'h eo Santiago Botero (Kolombia).
• 9 a viz Gouere 2006 : 8vet tennad-hent Tro Bro-C'hall etre Sant-Meven hag an Oriant ; trec'h eo Sylvain Calzati.
• 5 a viz Gouere 2011 : 4^e tennad-hent Tro Bro-C'hall etre an Oriant ha Mur ; trec'h eo Cadel Evans (Aostralia).

Liammoù etrebroadel

Gevelliñ

Bro	Kêr	Abaoe
Bro-Saoz	Wirral	1958
Alamagn	Ludwigshafen	1963
Iwerzhon	Galliv	1975
Latvia	Ventspils	1975
Galiza	Vigo	1981

Karta vignoniezh

Bro	Kêr	Abaoe
Tchekia	České Budějovice	1997

Kevelouri

Bro	Strollegezh	Abaoe
Senegal	Cayar
India	Kochi
Vietnam	Proviñs Kien Giang

Liammoù diavaez

• (br) an Oriant war lec'hienn Geobreizh