Aostralia

Eus Wikipedia
Mont da : merdeiñ, klask
Commonwealth of Australia

Kenglad Aostralia
Banniel Aostralia Ardamezioù Aostralia
Banniel Ardamezioù
Ger-stur: Advance Australia Fair
Kan broadel: "Advance Australia Fair"
Lec'hiadur Aostralia
Kêr-benn Canberra
35°15′S 149°08′E
Kêr vrasañ Sydney
Yezh(où) ofisiel hini ebet (saozneg er fedoù)
Gouarnamant Monarkiezh parlamantel
 - Rouanez Elizabeth II
 - Kentañ ministr Malcolm Turnbull
Gorread
 - Hollad 7,686,850 km² (6)
 - Dour (%) 1
Poblañs
 - istimadur 2011 22,607,571 ()
 - Stankter 2,6/km²
FDD  (2010) Green Arrow Up Darker.svg 0.937 (Uhel) (2)
Moneiz Dollar aostralian (AUD)
Gwerzhid-eur (UTCeus +8 da +11½)
Kod kenrouedad .au
Kod pellgomz +61

Aostralia (Australia e saozneg), Kenglad Aostralia (Commonwealth of Australia) hervez hec'h anv riez, a zo ur vro en Emisferenn ar Su er Gevred da Azia. Endelc'her a ra ar c'hevandir bihanañ a zo er bed ha meur a enezenn e Meurvor Indez, e Meurvor ar Su hag ar Meurvor Habask. Ar broioù amezek dezhi eo Indonezia, Timor ar Reter ha Papoua Ginea-Nevez en norzh, Inizi Salomon, Vanuatu ha tiriad Kaledonia-Nevez (Kanaky) er biz ha Zeland-Nevez er gevred.

E-pad 40 000 bloaz ne oa nemet Aostralianed a-orin (an Aborijened) o vevañ er c'hevandir a-bezh. Gweladennet e oa an tiriad gant pesketaerien eus an inizi tost, met ne dizhas an enezenn vras ergerzherien ha marc'hadourien europat nemet er XVIIvet kantved. E 1770 ec'h embannas Breizh-Veur he gwirioù war ar vro goude dilestridigezh James Cook, met tizhet e oa bet Botany Bay gant Louis de Saint-Allouarn en e raok hep na voe embannet an dalc'h en anv ar roue gall Loeiz XV. E 1788 e stalias Breizh-Veur un drevadenn anvet "Kembre-Nevez"' evit kas ar c'haleourien di. Kement a gresk a voe e niver ar boblañs ken e krouas ar Saozon trevadennoù roueel all a-hed an XIXvet kantved.

E 1901 e voe savet kevread Aostralia dre unanidigezh 6 trevadenn bodet dindan an anv Commonwealth of Australia (Kenglad Aostralia) staget ouzh Rouantelezh Breizh-Veur. Ur gouarnamant dibar a zo bet staliet gant ur renad-parlamant hag ur vuhez politikel demokratel. Tizhet en deus ar boblañs 20,4 milion a dud, an darn-vuiañ anezho a zo o vevañ er c'hêrioù bras, an holl anezho war an aodoù. Ar c'hêrioù pennañ a zo Sydney, Melbourne, Brisbane, Perth hag Adelaide.

Gerdarzh an anv[kemmañ | kemmañ ar vammenn]

Dont a ra ar ger Aostralia eus al latin australis = eus ar c'hreisteiz. Kredet e veze er Grennamzer e c'hellje bezañ ur c'hevandir bennak er Su da Azia, met den ne ouie e pelec'h e oa.

Banniel[kemmañ | kemmañ ar vammenn]

*Gwelet Banniel Aostralia

Banniel Aostralia

Banniel Aostralia a oa bet dibabet gant ur genstrivadeg aozet e 1901, hag adveret a-c'houde, e 1909. Ar steredenn vras seizh barr dindan an Union Jack ne oa nemet c'hwec'h barr en orin, a arouez ar c'hwec'h stad (Aostralia ar C'hornôg, Aostralia ar Su, Queensland, Sukembre-Nevez, Tasmania ha Victoria) hag ar seizhvet barr a arouez an tiriadoù (Tiriad an Norzh, Tiriad ar C'hêr-benn...). Ar pemp steredenn da zek eur rik a arouez Kroaz ar Su, ur steredeg eus oabl hanterzouar ar Su.

Douaroniezh[kemmañ | kemmañ ar vammenn]

Aostralia gwelet eus an egor

Stadoù ha tiriadoù[kemmañ | kemmañ ar vammenn]

Ur vro gevreadel eo Aostralia, gant seizh stad emren ha tiriadoù ouzhpenn.

Liammoù diavaez[kemmañ | kemmañ ar vammenn]


Commons
Muioc'h a skeudennoù diwar-benn

a vo kavet e Kerandafar.