Wallis ha Futuna

Wallis-ha-Futuna; Wallis-et-Futuna; Uvea mo Futuna
Strollegezh tramor
	Wallis gwelet diwar nij
Banniel (diofisiel)	Skoed-ardamez
13° 17′ 0″ S, 176° 11′ 0″ W
Melestradur
Riez	Bro-C'hall
Statud; • Gwarezveli; war Wallis; • Disrann diouzh; Kaledonia-Nevez; • Strollegezh tramor	; 5 Ebrel 1887; ; 29 Gouere 1961; ; 28 Meurzh 2003
Kêr-benn ha kêr vrasañ	Matāʻutu
Yezhoù	Galleg (ofisiel); Walliseg; Futuneg
Moneiz	Franc Pacifique
Kod pellgomz	+681
Kod Internet	.wf
Douaroniezh
Gorread	142,42 km²
Pennlein	524 m
Poblañs	11 151 den (2023)
Stankter	78 den/km²
Gwerzhid-eur	UTC + 12:00
Internet	wallis-et-futuna.wf

Wallis ha Futuna (galleg : Wallis-et-Futuna ha Wallis et Futuna"; fakauveaeg ha fakafutunaeg: ʻUvea mo Futuna), ent-hir Tiriad Inizi Wallis ha Futuna (galleg : Territoire des îles Wallis et Futuna), zo un tiriad enezek polinezian e Su ar Meurvor Habask etre Tuvalu er gwalarn hag Enez Rotuma (Fidji) er c'hornaoueg, ha lodenn bennañ Fidji er mervent ; emañ Tonga er gevred, Samoa er reter ha Tokelau er biz. E dalc'h Frañs emañ an tiriad-se, hag ur strollegezh tramor (COM) eus ar Republik-se eo abaoe 2003.

Teir enezenn bennañ a ya d'ober an tiriad : Wallis (ʻUvea), Futuna hag Alofi. Inizi tanveneziek ez int. Ur gorread a 142,42 km² a zo en holl gant ur 11 558 den o chom enno e 2018. Matāʻutu eo ar gêr-benn hag ar gêr vrasañ.

Melestradur

Daoust ma'z eo stag ouzh Republik Frañs hag eo bonreizh ar V^vet Republik eo a vez lakaet da dalvezout, ez eo renet an tiriad gant roueed henvoazel, ha tri a zo anezho.