Midway Atoll (distagadur saoznek: [ˈmɪdweɪ]), anvet ivez Enez Midway pe Inizi Midway, en hawaiianeg eo Pihemanu Kauihelani an anv leun (Pihemanu eo anv berr an enez) a zo un atoll eus norzh ar Meurvor Habask, e-kichen penn gwalarnañ enezeg Hawaii. Emañ war-dro un drederenn eus ar c'heit a zo etre Honolulu, e Hawaii, ha Tokyo, e Japan. 6,2 km² eo gorread hollek an inizi-se perc'hennet gant Stadoù-Unanet Amerika, hag un "tiriad diaoz ha diembarzhet" eo. Eno e c'hoarvezas e miz Mezheven 1942, Emgann Midway, ur pezh mell emgann mor etre armeadoù ar Stadoù-Unanet ha Japan.
Pelec'h emañ Midway er Meurvor Habask (rontig melen).
