Pluveleg

Pluveleg
Kastell an Halegoed.
Anv gallaouek	Plumeléc
Anv gallek (ofisiel)	Plumelec
Bro istorel	Bro-Gwened
Melestradurezh
Departamant	Mor-Bihan
Arondisamant	Pondi
Kanton	Sant-Yann-Brevele (betek 2015) Mourieg (abaoe 2015)
Kod kumun	56172
Kod post	56420
Maer Amzer gefridi	Stéphane Hamon 2014-2026
Etrekumuniezh	Kreiz Mor-Bihan Kumuniezh
Bro velestradurel	Bro Pondi
Lec'hienn Web	(fr)www.plumelec.org
Poblañsouriezh
Poblañs	2 730 ann. (2022)
Stankter	47 ann./km²
Douaroniezh
Daveennoù lec'hiañ	47° 50′ 19″ Norzh 2° 38′ 22″ Kornôg
Uhelderioù	kreiz-kêr : 150 m bihanañ 27 m — brasañ 165 m
Gorread	58,36 km²
Pluveleg

Pluveleg a zo ur gumun eus Breizh e kanton Mourieg e departamant ar Mor-Bihan.

Anv

• Erwan Vallerie (1995) : Plomeloc, 1121; Plomeluc, 1377; Ploemelec, 1453; Plouemelles, 1516; Ploemellec, 1553; 1554; Ploumellec, 1558; Ploëmelec, 1731
• parrez Maeloc, pe Maeleg

Ardamezioù

• "En aour, e gammell en argant, hebiaet gant daou fal en glazur, hanter krouget ouzh kab, an hini gentañ ouzh dehoù, an eil ouzh kleiz, ha daredet ouzh lezioù gant pikoù "a gourtezi" : eizh war pep fal, daou war pep hanter kroug; an hanter kroug a zehou karget gant teir vrizhenn ginerminig en argant treustellet, an hini kleiz karget gant tri fesk ivez en arc'hant, an eil dreist egile"

• Sturienn : "Vive valeque"
• Aozer : R. Fachard Diwar ardamezioù XVt ha XVIIt kantv. Kammell Sant Maeleg, patron ar barrez.

Istor

XVII^vet kantved

• Emsavadeg ar Bonedoù ruz, 31 a viz Here 1675: urzhiet e voe gant Charles d'Albert d'Ailly (dug a Chaulnes) lemel kleier Chapel an Intron-Varia e Kallag ha kas anezhe da ti gouarnour Gwened, ha rediet e voe parrezianiz Pluveleg da gas kement arm a oa gante da gastell Markiz Gemadeg e Kallag.

Dispac'h Gall

• Melestradurezh: krouet e voe kumun Pluveleg e 1790; gant al lezenn eus an 23 a viz Eost 1790 e voe lakaet Pluveleg da benn ur c'hanton, hini Pluveleg gant peder c'humun ennañ: Bilioù, Gwezhennoù, Krugell ha Pluveleg; e Bann Josilin e oa; dilamet e voe kanton Pluveleg e 1801 ha lakaet Pluveleg e Kanton Sant-Yann-Brevele bet krouet gant lezenn an 8 pluviôse an IX (28 a viz Genver 1801), dezhi an titl loi portant réduction du nombre de justices de paix; lakaet e voe Pluveleg en Arondisamant Ploermael bet krouet e 1800.
• Dekred eus ar 26 a viz Du 1790 war al le ret: embannet e voe bout mennet da nac'h al le ouzh ar Roue, ar vro hag al lezennoù gant ar person, Eudon e anv, gant Lalye, ur c'hure eus ar barrez ha gant Gayet, kure trev Sant-Albin.

XX^vet kantved

Brezel-bed kentañ

• Mervel a reas 205 gwaz eus ar gumun abalamour d'ar brezel, eleze 6,86 % eus he foblañs e 1911.

Eil brezel-bed

• Mervel a reas 63 den abalamour d'ar brezel, 18 anezhe a voe lakaet d'ar marv d'an 12 a viz Gouhere 1944 e Kerihuel gant ar Milis.
• D'ar 16 a viz Mae 1945 e voe kavet korfoù marv eizh den eus ar gumun, izili eus ar Rezistañs, bet boureviet, lazhet ha mañsonet d'an 13 a viz Gouere 1944 gant al lu alaman e kreñvlec'h Pentevr e Sant-Pêr-Kiberen.

Brezelioù didrevadenniñ

Brezel Aljeria

• Mervel a reas daou vilour ag ar gumun.

Monumantoù ha traoù heverk

• 
  An alez toet.

• Alez toet "La Roche-Bigot", damzismantret.

• 
  Kastell Kallag.
• 
  Kastell an Halegoed.
• 
  Maner Kadoudal.
• 
  Kastell Kerangat.
• 
  Maner Kervio.

• Kastell Kallag.
• Kastell an Halegoed.
• Maner Kadoudal.
• Kastell Kerangat.
• Maner Kervio.

• 
  Iliz ar Galon Sakr.
• 
  Iliz Sant Maoris.
• 
  Iliz Intron-Varia.

• Ilizoù katolik ar Galon Sakr (1889-1902), Sant Maoris (1513) hag Intron-Varia (dibenn an XIX^vet kantved).
• Pemp chapel.
• Monumant ar re varv er vourc'h.
• Monumant ar re lakaet d'ar marv.

Emdroadur ar boblañs abaoe 1962

Niver a annezidi

Tud

Ardamezeg ar familhoù

	Bégaud Aotrounez al Leffaut	En argant e zaou beroked geotet kein-ouzh-kein, pigoset hag iziliet en gul, heuliet ouzh kab gant ur bempdiliaouenn en glazur hag ouzh beg gant teir c'hreskenn ivez en glazur

Sport

Marc'hhouarnerezh

• Marc'hhouarnerezh e Pluveleg
• Grand-Prix Pluveleg-Mor Bihan

Tro Bro-C'hall e Pluveleg

• 12 a viz Gouere 1982 :
  • 9vet tennad-hent Tro Bro-C'hall etre an Oriant ha Pluveleg (a-benn d'an eur dre skipailh) ; trec'h eo Ti-Raleigh (Izelvroioù).
  • 9vet tennad-hent Tro Bro-C'hall etre Pluveleg ha Naoned ; trec'h eo Stefan Mutter (Suis).
• 28 a viz Mezheven 1985 : dalc'het eo rakredadeg Tro Bro-C'hall e Pluveleg (a-benn d'an eur) ; trec'h eo ar Breizhad Bernard Hinault.
• 8 a viz Gouere 1997 : 3^e tennad-hent Tro Bro-C'hall etre Vire (Calvados) ha Pluveleg ; trec'h eo Erik Zabel (Alamagn).
• 9 a viz Gouere 1997 : loc'hañ a ra 4^e tennad-hent Tro Bro-C'hall eus Pluveleg war-du tachenn ar c'hoarioù Puy du Fou (Vañde).
• 5 a viz Gouere 2008 : 1añ tennad-hent Tro Bro-C'hall etre Brest ha Pluveleg ; trec'h eo Alejandro Valverde (Spagn).
• 12 a viz Gouere 2015 : 9vet tennad-hent Tro Bro-C'hall etre Gwened ha Pluveleg (a-benn d'an eur dre skipailh) ; trec'h eo ar skipailh amerikan BMC Racing Team.

Liammoù diavaez

• (br) Pluveleg war lec'hienn Geobreizh