Vladimir Poutin

Eus Wikipedia
Mont da : merdeiñ, klask
Vladimir Poutin
Vladimir Poutin
11vet Prezidant gouarnamant Rusia
Er galloud
Er galloud adalek 31 Kerzu, 1999
A-raok : Viktor Zoubkov
War-lerc'h Er galloud
7 Here, 1952
Leningrad (hiziv Sankt Peterbourg)
Strollad politikel
Relijion Reizhkredennour rusian

Vladimir Vladimirovitch Poutin (Влади́мир Влади́мирович Пу́тин e rusianeg) a zo un den a stad rusian bet ganet d'ar 7 a viz Here 1952 e Leningrad (Sankt Peterbourg bremañ). Prezidant Kevread Rusia e voe etre 2000 ha 2008, a-raok dont da vezañ "prezidant ar gouarnamant" (kentañ ministr), anvet gant Dimitri Medvedev aet da brezidant war e lerc'h. Addilennet eo bet da brezidant e 2012 evit ur resped 6 vloaz.

E vuhez[kemmañ | kemmañ ar vammenn]

Labourat a ra evit ar c'hKGB adalek ar bloavezhioù 1970. Dimeziñ a reas da Lioudmila Alexandrovna Chkrebneva e 1984. Div verc'h o deus : Maria ganet e 1985 e Leningrad ha Ekaterina ganet e 1986 e Dresden. Bet int o chom e Dresden, en Alamagn ar Reter, etre 1985 ha 1990. Distreiñ a reas Vladimir Poutin d'an Unaniezh Soviedel da geñver Adunanidigezh Alamagn e 1990. Kregiñ a reas e red-micher politikel neuze, e-barzh ti-kêr Leningrad, bet anvet Sant-Petersbourg en-dro. Dont a reas da vezañ unan eus kuzulierien ar prezidant Boris Yeltsin. Gant hermañ e voe lakaet e penn an FSB e 1998.

Prezidant da c'hortoz Kevread Rusia e voe etre an 31 a viz Kerzu 1999 hag ar 7 a viz Mae 2000, goude bezañ bet dilezet e garg gant Boris Yeltsin . Dilennet e voe da brezidant da vat d'ar 7 a viz Mae 2000 en dro gentañ. Addilennet eo bet da brezidant e 2004. Lakaat a reas e pleustr ur politikerezh adsevel armerzh ar vro ha adreizhañ ar stad evit bezañ kreñv en-dro.

E 2008 e tifennas ar Vonreizh outañ da vont war ar renk evit chom prezidant. Harpañ a reas Dmitri Medvedev da vont en e lec'h eta. D'ar 7 a viz Mae 2008 e voe anvet da brezidant ar gouarnamant (kevatal ouzh kentañ ministr) gant hemañ bet dilennet da brezidant war e lerc'h. Mont a reas ivez e penn strollad Rusia Unanet. Manifestadegoù bras a zo bet e kêrioù bras ar vro e 2011 a-enep e zoare da sturiañ ar stad. Mont a reas war ar renk adarre e 2012 evit bezañ prezidant en-dro, gant skoazell ar prezidant Dmitri Medvedev ar wech-mañ. Mont a reas ar maout gantañ en-dro gentañ, d'ar 4 a viz Meurzh 2012, gant ouzhpenn 63% eus ar mouezhioù. Reiñ a reas arsellerien an OSCE da c'houzout e voe bet floderezh avat.

Embann a reas Poutin hag e wreg Lyoudmila Chkrebneva d'ar 6 a viz Even 2013 war ar chadenn Rossiya 24 e tibriedont an eil diouzh egile.

Liamm diavaez[kemmañ | kemmañ ar vammenn]