Sant-Petersbourg

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Санкт-Петербург Sankt-Peterbourg
Banniel	Skoed
Riez	Rusia
Gouarner	Georgiy Poltavchenko
Rannvro armerzhel	Gwalarn
Bann kevredel	Gwalarn
Soubiekt	Sant-Petersbourg
Daveennoù lec'hiañ	59° 57' 00" Norzh 30° 19' 00" Reter
Gorread	1 439 km²
Poblañs	5 225 690 ann. (2016)
Stankter	3 631,47 ann./km²
Kod pellgomz	007 812
Kod post	190000—199406
Deiz-ha-bloaz	27 a viz Mae
Internet	gov.spb.ru

Sant-Petersbourg pe Sankt-Peterbourg (Санкт-Петербу́рг, Sankt-Peterbourg e rusianeg, stumm berr ha pobl : Пи́тер, Piter), a zo ur gêr vras eus gwalarn Rusia. War delta ar stêr Neva emañ, er reter da bleg-mor Finland war ar Mor Baltel. Eil kêr bobletañ Kevread Rusia eo gant 5 281 579 a dud e 2017, goude Moskov. Ur greizenn vras greanterezh, enklask, kelenn ha sevenadur eo. Eil porzh rusian war ar Mor Baltel eo, goude Primorsk.

Lakaet e oa bet savet gant ar tsar Pêr Veur er bloaz 1703. Fellout a rae dezhañ sevel ur gêr nevez ha modern a vefe « ur prenestr digor war Europa » evit lakaat Rusia da vezañ unan eus riezoù bras ar c'hevandir. Kêr-benn impalaeriezh Rusia e oa eus 1712 betek an Dispac'h e Rusia e 1917. Anvet e oa Petrograd (Петрогра́д) etre 1914 ha 1924, ha Leningrad (Ленингра́д) etre 1924 ha 1991 araok kaout e anv orin en-dro da heul ur referendom.

Brudet eo Sant-Petersbourg gant he savadurioù hep o far eus an XVIII^vet kantved. He c'hened hag he c'hanolioù niverus o deus lakaet anezhi da vezañ lesanvet « Venezia an Norzh ». War roll Glad bedel ar bed an UNESCO emañ abaoe 1990.

Douaroniezh

Savet eo bet war delta geuniek an Neva, e lost Pleg-mor Finland war ribl ar Mor Baltek.

Monumentaoù, mirdioù ha traoù heverk

• Mirdi ar Peniti
• Kreñvlec'h Pêr-ha-Paol
• C'hoariva Mariinski
• Nevski prospekt
• Ar marc'heger arem

Istor

• Eil brezel bed: Seziz Leningrad a voe hirañ emgann ar brezel.

Tud dibar

Ganet e Sant-Petersbourg

• Vladimir Poutin, prezidant Kevread Rusia.
• Eugene Znosko-Borovsky, mestrc'hoarier echedoù , skrivagner ha kelennour
• Sophie Rostopchine, kontez Ségur (1799-1874), skrivagnerez
• Sacha Guitry (1885-1957), skrivagner ha filmaozer gall
• Dmitri Medvedev (1965- ), kentañ ministr Kevread Rusia
• Svetlana Kuznetsova (1985-), c'hoarierez tennis

Marvet e Sant-Petersbourg

• Pêr ar Braz (1672-1725), diazezer ar gêr
• Katelin II (1729-1796), impalaerez
• Aleksandr Sergeyevitch Pouchkin (1799-1837), skrivagner
• Fiodor Dostoyevski (1821-1881), skrivagner
• Piotr Ilitch Tchaikovski (1840-1893), sonaozer
• Grigori Raspoutin (tro-dro 1869-1916), starets breud warnañ
• Bobby Farrell (1949-2010), kaner strollad Boney M

Beziet e Sant-Petersbourg

• Jean Victor Marie Moreau, jeneral breizhat.

Kêrioù gevellet

Gevellet eo Sant Petersbourg gant :

• Isfahan (Iran)
• Manchester (Bro-Saoz)
• Haifa (Israel)

Skeudennoù

• 
  Kartenn bannoù Sant-Petersbourg
• 
  Iliz-Veur Sant Nikolaz ar Vartoloded
• 
  Ar c'hKunstkammer, savet e 1719 evit lakaat a bep seurt traoù dedennus dastumet gant an impalaer Pêr I ar Meur. Mirdi koshañ Bro-Rusia an hini eo.
• 
  Iliz-Veur Sant-Salver-war-ar-gwad-skuilhet
• 
  Ur pezh a-douez miliadoù a reoù all e Mirdi ar Peniti
• 
  Sant-Petersbourg - XIX^vet kantved
• 
  Plasenn ar Palez
• 
  Nikolaz I^añ
• 
  Kartenn 1910
• 
  Ar c'hroazer Avrora
• 
  Tachenn Meurzh
• 
  Ar straed Goroc'hovaya
• 
  Ar c'hoariva Aleksandrinski war blasenn Ostrovski
• 
  Kartenn (1888)
• 
  Beg enez Vasilievski