Pêr I (Rusia)

Eus Wikipedia
Mont da : merdeiñ, klask
Pêr Gentañ
Pêr en e yaouankiz.

Pyotr Alexeyevich Romanov (e ruseg : Пётр I Алексеевич Pyotr I Alekse`yevich, Пётр Великий Pyotr Veli`kiy), anvet ivez Pêr Gentañ pe Pêr ar C’hentañ, a voe tsar e Rusia e dibenn ar XVIIvet kantved ha deroù an XVIIIvet. Ren a reas adalek 1682 betek e varv, ha betek 1696 war un dro gant e vreur klañvidik, Ivan V.

Treiñ a reas ar vro war-du ar C'huzh-Heol, aloubiñ a reas broioù war-du ar c'hreisteiz, hag eus ur rouantelezh e reas un impalaeriezh, hag ur galloud a-bouez en Europa.

E vuhez[kemmañ]

Mab e oa d'an tsar Aleksei Mic'hailovich (Aleksei Iañ) hag e eil gwreg, Nataliya Kyrillovna Naryshkina, ha ganet e oa bet e Moskov. E wreg kentañ Maria Miloslavskaya he devoa roet pemp mab hag eizh merc'h, met ne oa nemet daou vab (Feodor hag Ivan) a oa bev c'hoazh pa voe ganet Pêr. Mervel a eure Aleksei I e 1676 hag e vab henañ Feodor a gemeras ar galloud war e lerc'h.

C'hwec'h vloaz e renas Feodor III, ha mervel a reas divugel. Bec'h a savas neuze etre an tiegezhioù Naryshkin ha Miloslavskyi. Ivan a oa da vezañ tsar, met klañv e veze dalc'hmat, ha diwezhat e spered. Se zo kaoz eo Pêr, ur bugel a 10 vloaz, a voe dibabet da impalaer gant an Duma (Boyar Duma), kuzul an noblañsed, hag e vamm da rejantez. Met Sophia Alekseyevna, ur verc'h da Alexei eus e bried kentañ, a gemeras penn un emsavadeg Streltsy (begenn rejimantoù Rusia).

En he raok
Fedor III
Impalaer Rusia
1682 - 1721
War he lerc'h
Katelin Iañ