Banniel

Iskevrennad eus	banniel pe ardamezioù, banner
Implij	signalling device
Danvez implijet	gwiad
Studiet gant	bannielouriezh
Staget ouzh	gwern vanniel
Stumm	skouergorneg, tric'horn, karrez
Arouezenn Unicode	🏴󠁦󠁲󠁲󠁥󠁿

Ur banniel zo un tamm lien, skouergonek peurvuiañ, a dalvez da arouez d’ur vro, d'ur stad, d’ur strollad tud, d’un aozadur...

Bannielouriezh a reer eus studi ar bannieloù. E Breizh ez eus ur gevredigezh anvet Bannieloù Breizh a studi bannieloù Breizh, re he broioù, he c’hêrioù...

Istor

Ar bannieloù kentañ a oa gwiadoù a-liv a veze lakaet er vann e-pad an emgannoù, da ziskouez ardamezioù mistri an armeoù, en Europa, e Japan, e Sina. Ar Romaned ne raent ket gant bannieloù, met gant arouezioù metal bihan, gwintet war gwernioù (loened evel an erered, an arzhed...). Hiziv an deiz e kaver bannieloù graet gant paper pe gant plastik, met peurvuiañ e vezont graet gant lien c’hoazh.

Ar bannieloù koshañ a anavezer hag a vije c’hoazh en implij hiziv a gaver en Europa. Bez e oa warno livioù aes da welet ha lunioù aes da anavezout a bell, evel banniel Danmark, ruz ha warnañ ur groaz wenn. Ar ruz zo ul liv splann a weler mat hag aes da ober (graet e veze gant gwad alies gwechall). Skouerioù all eus bannieloù kozh, warno al liv ruz, a gaver en Europa, evel hini Aostria (ruz ha gwenn) pe hini Katalonia (ruz ha melen). Er Grennamzer, ha betek hiziv, e veze graet kalz gant "livioù" klasel an ardamezouriezh (ruz ha glas, ha gwer er broioù muzulman ; ha kalz nebeutoc’h gell) mesket gant an daou "vetal" (gwenn/arc’hant ha melen/aour). Nevesoc’h zo, ne vez ket heuliet ar reolennoù kozh kement, ha livioù divoasoc’h a gaver evel an orañjez, da skouer war banniel India) ha lunioù divoaz ivez (kelc'hioù, tric'hornioù…) pe un niver brazik a livioù disheñvel (da skouer bannieloù Bangladesh, Sechelez, Kreizafrika…)

An "Dannebrog", banniel broadel Danmark, unan eus bannieloù koshañ ar bed.

Gwechall e talveze ar bannieloù da aroueziañ pennoù armeoù. Pa greskas pouez ar stadoù kreizennet, diwar-goust an aotrouien, e talvezas mui-ouzh-mui ar bannieloù da aroueziañ ar stadoù-se. Hiziv an deiz eo anavezet mat ar bannieloù broadel, met bannieloù zo a dalvez ivez da aroueziañ strolladoù tud, aozadurioù, mennozhioù…

War ar bannieloù modern o devez al livioù talvoudegezhioù anavezet : Ar ruz eo arouez ar gomunourien hag ar sokialourien alies. Stadoù komunour, pe bet komunour, a implij bannieloù ruz (Unaniezh soviedel, Sina) hag e broioù muzulman zo e kaver al liv-se ivez (Aljeria, Turkia, Maroko). E Reter Europa e kaver alies livioù "hollslavek" en implij : ruz, glas, gwenn. Hag en Afrika e kaver livioù anvet "hollafrikan" : ruz, melen, gwer. Er broioù arab e vez implijet alies al livioù gwer, gwenn, du ha ruz. Broioù Skandinavia o deus implijet arouez ar groaz, tra ma kaver alies ur greskenn loar hag ur steredenn war bannieloù stadoù turkek pe ar re zo bet dindan beli an Durked.

Ral eo e vefe div stad o defe bannieloù heñvel, met c’hoarvezout a ra a-wechoù, da skouer Monako hag Indonezia.

Banniel Bro-C'hall (lesanvet an Triliv) hag hini ar Stadoù-Unanet o deus awenet kalz tud e broioù all da dresañ bannieloù diwar o skouer.

Seurtoù bannieloù

Bannieloù broioù

Bannieloù aozadurioù

Bannieloù strolladoù tud

Bannieloù all

Bannieloù aroueziañ war vor

Bannieloù renket hervez o livioù hag o lunioù

Levrlennadur

Les drapeaux bretons de 1188 à nos jours, Philippe Rault, Coop Breizh, 1998, 2000, 2006

Liammoù diavaez

Commons

Muioc'h a restroù diwar-benn

Banniel

a vo kavet e Wikimedia Commons.