Bannieloù aroueziañ war vor

Eus Wikipedia
Sauter à la navigation Sauter à la recherche
Jednoliterowe sygnaly MKS.JPG

Kod Etrebroadel an Arouezioù (ICS / International Code of Signals) a reer eus ur reizhiad arouezioù hag a ro tro da forzh pe vag er bed da eskemm kemennadennoù gant forzh pe lestr all.
E miz Gwengolo 1965 e voe degemeret en Aozadur ar Broadoù Unanet gant an IMCO/OMCI (Inter-Governmental Maritime Consultative Organization/Organisation Maritime Consultative Intergouvernementale). [1]

Savet eo diwar 26 arouez al lizherenneg latin hag an dek sifr eus 0 da 9.
Gitonioù eo al lizherennoù A ha B, bannieloù al lizherennoù C betek Z ; bannieloù dibar a anver seizennoù e yezh ar voraerion eo ar sifroù.
Ouzhpenn ar 36 arouez-se ez eus 4 all, tric'hornek o stumm, hag a dalvez da addiskouez un arouez kent pa ne vez ket a-walc'h ag arouezioù e bourzh.

Meur a zoare zo da implijout an arouezioù :

  • a lizherenn da lizherenn evit digejañ ur giminiadezh ;
  • dre ster etrebroadel pep arouez ;
  • dre vodañ arouezioù da stummañ ur ster etrebroadel anavezet gant pep lestr a-drugarez d'un teuliad hag a chom e bourzh — ar SHOM 32 eo evit Breizh ha Bro-C'hall. [2].

Ouzh un driñs e vez diskouezet an arouezioù, eus al laez d'an traoñ en ul lezel lec'h evit un arouez etre pep ger.

Kod al lizherennoù ha talvoudegezh[kemmañ | kemmañ ar vammenn]

Ouzhpenn aroueziañ ul lizherenn dre ziskouez e vez anvet pep banniel hervez kod an nijerezh trevourel, bet termenet gant an ICAO||OACI (International Civil Aviation Organization||Organisation de l'Aviation Civile Internationale).
Pep banniel a zoug ur gemennadenn dispar, pa ne vez ket savet en e unan pe vodet gant unan arall.

A ALFA ALPHA
« Splujer dindan vor ; chomit a-vaez ha mordoit gorrek. »
B BRAVO BRAVO
•••
« O kargañ, o tiskargañ pe o tougen danvez dañjerus. »
C CHARLIE CHARLIE
1. « Ya. »
2. « Diogelus e oa ar gemennadenn gent. »
D DELTA DELTA
• •
« Chomit a-vaez din, diaes eo din leviata. »
E ECHO ECHO
« Kemmet ma fenn, emaon o tont war stribourzh. »
F FOXTROT FOXTROT
• •
« Distur emaon ; deuit e darempred ganin. »
G GOLF GOLF
— —
1. « Ul loman am eus ezhomm. »
2. Pesketa : « Emaon o c’horren ma rouedoù. »
H HOTEL HOTEL
• • • •
« Loman e bourzh. »
I INDIA INDIA
• •
« Kemmet ma fenn, emaon o tont war vabourzh. »
J JULIET JULIET
— — —
1. « Chomit a-vaez ; tan-gwall e bourzh ha danvez dañjerus ganin. »
2. « Danvez dañjerus o fuañ. »
K KILO KILO
1. « Fellout a ra din mont e darempred ganeoc’h. »
2. « Komzit. »
L LIMA LIMA
• •
1. « Chomit a-sav diouzhtu. »
2. Er porzh : « Lestr e dale-porzhiañ. »
M MIKE MIKE
— —
« Paouezet eo ma bag ha n’he deus ket a herr ken. »
N NOVEMBER NOVEMBER
1. « Nann. »
2. « Nac'hus e oa ar gemennadenn gent. » [3]
O OSCAR OSCAR
— — —
« Un den er mor. »
P PAPA PAPA
— —
1. Er porzh : « An holl dud da vont e bourzh, ret d'ar vag mont kuit.
2. War vor, pesketa : « Sac’het eo ma rouedoù. »
3. War vor, dre son: « Ul loman am eus ezhomm. »
Q QUÉBEC QUEBEC
— —
« Salv eo ma bag, goulenn a ran gwir da dremen. »
R ROMEO ROMEO
Arouez argerzhadur - Ne vez ket implijet en e unan
S SIERRA SIERRA
• • •
« War-souz emaon. »
T TANGO TANGO
Pesketa : « Chomit a-vaez, emaon o pesketa a-zaou. »
U UNIFORM UNIFORM
• •
« Emaoc’h o vont war goll. »
V VICTOR VICTOR
• • •
« Sikour am eus ezhomm. »
W WHISKEY WHISKEY
— —
« Ur mezeg am eus ezhomm. »
X X-RAY X-RAY
• •
« Paouezit da embreger ha taolit pled da 'm arouezioù. »
Y YANKEE YANKEE
— —
« Emañ ma eor o stlejañ. »
Z ZULU ZULU
— — • •
1. « Ur ramoker am eus ezhomm 
2. Pesketa : « Emaon o teuler ma rouedoù. »

Arouezioù div lizherenn enno[kemmañ | kemmañ ar vammenn]

Kemennadennoù resis a c'heller kas dre implijout 2 lizherenn ; kantadoù anezho zo er SHOM 32, pa glasker plediñ gant kement darvoudenn hag a c'hellje c'horvezout pa vezer o verdeiñ.
Setu amañ un nebeud anezho.

AC ALPHA CHARLIE « Dilezel a ran ma lestr. »
BR BRAVO ROMEO « Goulenn a ran ur viñsaskell diwar vall. »
CL CHARLIE LIMA « Kinniget em eus sikour, met nac'het eo bet.»
DX DELTA X-RAY « Emaon o vont d'ar strad. »
EP ECHO PAPA « N'ho kwelan mui. »
FO FOXTROT OSCAR « Chom a rin en o kichen. »
GZ GOLF ZULU « An holl dudzo bet saveteet. »
HD VICTOR DELTA « Ha gallout a ran treuzkas an dud saveteet d'ho pourzh ?. »
IO INDIA OSCAR « Ne'm eus splujer ebet. »
JK JULIET KILO « Emaon sko er gourlen. »
KC KILO CHARLIE « Liñvet eo ma stradoù. »
LI LIMA INDIA « Buanaat a ran. »
MY MIKE YANKEE « Dañjerus eo chom a-sav. »
NH NOVEMBER HOTEL « E-maez pep dañjer emaoc'h. »
OI OSCAR INDIA « Ne'm eus radar ebet. »
PQ PAPA QUEBEC « Kit tostoc'h d'an aod. »
QU QUEBEC UNIFORM « Berzet eo eoriañ. »
RL ROMEO LIMA « Lazhit hoc'h ijinoù diouzhtu. »
SD SIERRA DELTA « N'on ket prest da vont kuit. »
TH TANGO VICTOR « Merdeit gant evezh. Emaoc'h o trivañ war-du ma rouedoù. »
UQ UNIFORM QUEBEC « Gortozit a-vaez d'ar porzh. »
VO VICTOR OSCAR « Ha skorn zo bet war ho hent ? »
WL WHISKEY LIMA « Ar skorndorrer a baouez da labourat e-pad an nozvezh. »
XP X-RAY PAPA « Emaon difiñv en ul latar stank. »
YM YANKEE MIKE « Piv zo ouzh ma gervel ?. »
ZE ZULU ECHO « Deuit da hed arouezioù gweledel. »

Kod ar sifroù[kemmañ | kemmañ ar vammenn]

Seizennoù int, evit o diforc'hañ diouzh gitonoù ha bannieloù al lizherennoù.

0 NADAZERO ZERO
1 UNAONE UNAN
2 BISSOTWO DAOU
3 TERRATHREE TRI
4 KARTEFOUR PEVAR
5 PANTAFIVE PEMP
6 SOXISIX C'HWEC'H
7 SETTESEVEN SEIZH
8 OKTOEIGHT EIZH
9 NOVENINE NAV

Ar bannieloù ZA a ziskouezer evit lavarout « C'hoant am eus da gehentiñ ganeoc'h. ».

Ar sifr a ziskouezer da heul ZE a resisa ar yezh :

ZE0 : en izelvroeg
ZE5 : en italianeg
ZE1 : e saozneg
ZE6 : e japaneg
ZE2 : e galleg
ZE7 : e norvegeg
ZE3 : en alamaneg
ZE8 : e ruseg
ZE4 : e gresianeg
ZE9 : e spagnoleg

Bannieloù erlerc'hiañ[kemmañ | kemmañ ar vammenn]

Pa ne vez nemet ur rumm arouezioù e bourzh ne c'heller ket diskouez meur a wech an hevelep banniel en ur bomm ; gant banielloù erlerc'hiañ e reer neuze.

Bannieloù erlerc'hiañ
Erlerc'hier 1 Erlerc'hier 1 Evit addiskouez ar banniel kentañ.
Erlerc'hier 2 Erlerc'hier 2 Evit addiskouez an eil banniel.
Erlerc'hier 3 Erlerc'hier 3 Evit addiskouez an trede banniel.
Erlerc'hier 4 Erlerc'hier 4 Evit addiskouez ar pevare banniel.
Skouerioù
SN1M SIERRA NOVEMBER Erlerc'hier 1 MIKE « SNSM »
TRUM4 TANGO ROMEO UNIFORM MIKE Erlerc'hier 4 « TRUMM »
NA13 NOVEMBER ALPHA Erlerc'hier 1 Erlerc'hier 3 « NANN »
BAR32D BRAVO ALPHA ROMEO Erlerc'hier 3 Erlerc'hier 2 DELTA « BARRAD »

Kod AFNA[kemmañ | kemmañ ar vammenn]

Ouzhpenn lizherenneg etrebroadel an arhentañ mor e ra AFNA gant ar c'hod ATP 1A (Allied Tactical Publication n°1-A) evit pellgehentiñ etre listri-brezel.
A-wechoù e vez feurmet pe zeoget listri gant AFNA ; dre ma 'z eo ATP 1A ur c'hod dangel evit an difenn e rank al listri brezel pellgentiñ gant al listri all dre ar c'hod etrebroadel. Ur seizenn arbennik, anvet « seizenn ar c'hod » – Answer e saozneg – a vez gorreet kent ar gemennadenn neuze, evit merkañ e rank bout lennet e SHOM 32 e-lec'h ATP 1A.

Signalflagga - Gladan-Falken - Ystad-2015.jpg
ANS ANS Answer « Respont » / Code « Kod »
0 ICS Zero.svg
1 ICS One.svg
2 ICS Two.svg
3 ICS Three.svg
4 ICS Four.svg
5 ICS Five.svg
6 ICS Six.svg
7 ICS Seven.svg
8 ICS Eight.svg
9 ICS Niner.svg
CORPEN CORPEN « Hent kemmet »
DESIG DESIG Designation « Dezanvadur »
DIV DIV Division « Rann »
EMERG EMERG Emergency « Mall »
FLOTILA FLOTILA Group « Strollad / Flodilh. »
FORM FORM Formation « Furmadur. »
INT INT Interrogation « Goulenn »
NEGAT NEGAT Negative « Nann »
PORT PORT Port « Babourzh »
PREP PREP Prepare « Prientit »
SCREEN SCREEN Screen « Skramm »
SPEED SPEED Speed « Tizh. »
SQUAD SQUAD Squadron « Skouadrenn »
STATION STATION Station « Arsav »
STBD STBD Starboard « Tribourzh »
SUBDIV SUBDIV Subdivision « Isrann »
TURN TURN Turn « Troit »

Notennoù[kemmañ | kemmañ ar vammenn]

  1. Adanvet IMO/OMI (International Maritime Organization/Organisation Maritime Internationale) e 1982.
  2. (fr) SHOM 32
  3. Ne c'hall al lizherenn-mañ bout kaset nemet dre ziskouez pe dre son ; ret eo implijout an arouez « NO » evit e gas dre vouezh pe dre skingomz.