Lestr-spluj

Eus Wikipedia
Mont da : merdeiñ, klask
Gwel ul lestr-spluj nukleel argad amerikan klas Virginia, eus ar bloavezhioù 2000.

Ul lestr-spluj, pe splujerez, zo ul lestr a c'hall splujañ ha dilec'hiañ e teir mentad, war-c'horre ha dindan an dour. Disheñvel eo evel-se diouzh ar bigi hag al listri all a chom war-c'horre an dour ha diouzh ar batiskafoù na zilec'hiont nemet a-serzh.

Ar pep brasañ eus al listri-spluj zo listri brezel. Al listri-spluj sivil a vez implijet dreist-holl evit an enklask e moroniezh hag industriezh an eoul-maen. Implijet e vez listri-spluj a-wezhioù en touristerezh pe an treuzdougen dre vor, met ral a wezh[1].

Donder splujañ brasañ[2] ul lestr-spluj brezel zo un nebeud kantadoù a vetroù. Eus ur c'hant metr bennak e-pad an Eil Brezel-bed ez eo tremenet da 300 pe 400 metr evit ar pep brasañ eus al listri-spluj a vremañ. Gouest eo al listri-spluj enklask moroniezh da ziskenn betek meur a viliad metr.


E Breizh[kemmañ]

An U-660, U-boot alaman war c'horre an dour, e 1942.
Ul lestr-spluj ag ar morlu gall e diazlec'h listri-spluj Kerroman, en Oriant

Listri-spluj an arme c'hall e Breizh a zo diazezet en Enez-Hir. Serret eo diazlec'h an Oriant, a oa bet savet e-pad an Eil Brezel-bed gant an Alamaned, evel hini Sant-Nazer.

Notennoù[kemmañ]

  1. Bro-Alamagn avat he deus implijet an treuzdougen dre listri-spluj evit pourvezioù strategel e-pad ar brezel
  2. Ar soubadur brasañ erbedet eo. Kalz brasoc'h eo an donder splujañ flastradur ; evit a sell al listri-spluj brezel, an donder splujañ brasañ erbedet zo an 2/3 eus an donder ma vefe flastret.
Wiktionary-logo-br.png
Sellit ouzh ar ger lestr-spluj er
wikeriadur, ar geriadur frank.

Commons
Muioc'h a skeudennoù diwar-benn

a vo kavet e Kerandafar, ar sanailh ma vez klenket dafar ar Wikipedia.

Anchor.svg Porched ar Mor – Sellit ouzh pennadoù Wikipedia a denn da bed ar mor.