Donald Trump

Eus Wikipedia
Sauter à la navigation Sauter à la recherche
Donald Trump e Aston, miz Here 2016

Donald John Trump (*New York, 14 a viz Even 1946) zo un den a aferioù stadunanat ha 45vet prezidant SUA. Ezel eo eus ar Republican Party, be'z e voe danvez kannad ar strollad war ar renk evit an dilennadegoù 2016.

En desped d'ur bersonelezh divoutin e bed politikel ar vro hag ur sell hollek dispi war e drec'h, e trec'has memestra Hillary Clinton en dilennadeg veur d'an 8 a viz Du 2016. Oadet a 70 vloaz, bez' ez eo ar prezidant koshañ ha pinvidikañ en istor ar vro. D'an 20 a viz Genver 2017 e voe kadoriet evel 45vet prezidant Stadoù-Unanet Amerika.

Donald J. Trump zo prezidant The Trump Organization, un aozadur karget da verañ e embregerezhioù gladel kement hag e embregerezhioù lies all. Disklêriet en doa e tilezje ar garg-se mar befe dilennet. E-pad e vuhez vicherel, Trump en devoa savet tourioù-bras burevioù, pretioù, kasinoioù, tachennoù golf ha savadurioù all a-leizh dre ar bed holl.

Yaouankiz[kemmañ | kemmañ ar vammenn]

Trump a voe ganet d'ar 14 a viz Even 1946, en Jamaica Estates, Queens, ur c'harter eus New York City. Bez' ez eo an eil bugel yaouankañ a-ziwar pemp. Eus ar vreudeur ha c'hoarezed ne chom nemet tri hag a zo bev c'hoazh : Maryanne, Elizabeth ha Robert. Breur henañ Trump, Fred Jr., a varvas e 1981 dre alkoolegezh, pezh a lakaas Donald Trump da zisklêriañ e oa an awen d'ar fed ne eve ket ha na vutune ket. Trump en deus orinoù german diouzh tu e dad ha re skosat diouzh hini e vamm ; ar pevar den-kozh zo a orin eus Europa ha bet ganet eno.

Skoliata[kemmañ | kemmañ ar vammenn]

Donal Trump ne oa ket paotr ar skol pa oa yaouank, ur penn-kleiz anezhañ ; anzav a ra e oa spontus gant ar gelennerien. Korn ar c'hlas a oa lesanvet DT dre ma veze alies eno, e pinijenn. Dre vezañ difoupet betek re e voe kaset gant e dad d'ur skol-soudard. Dont a reas a-benn da gavout e hent eno ha da vezañ brudet-mat dre e gamaraded skol. Unan anezho en defe bet disklêriet dezhañ « dont a ri da vezañ prezidant ! » ha Trump en defe respontet dezhañ "e c'hoantae da gas un dra veur da benn".

Yaouankiz ar chanterioù[kemmañ | kemmañ ar vammenn]

Ur wech echuet gant ar skol-soudard e yeas Donald Trump gant e dad war chanterioù bras embregerezh ar familh ; eno e veze alies o komz hag o vevañ gant ar vicherourien vunut, ar pezh a voe un elfenn hollbouezus evit e vuhez politikel.

Selloù politikel[kemmañ | kemmañ ar vammenn]

Trump a vez deskrivet alies gant selloù pe kredennoù politikel hebleg hervez ar c'houlz. Ar gazetenn Politico he devoa e zeskrivet o kaout diazezoù politikel "eclectic, improvisational and often contradictory" (liesseurt, primsavet ha dislavarus alies). Bet e oa bet o fiñval a strollad da strollad e-pad e vuhez betek bezañ kannad d'ar Reform Party hag emezelet en Democrat Party. An diazezoù politikel en deus bet kemmet zo lies, evel an hini war an taosoù, ar sioc'haniñ, pe plas ar gouarnamant da geñver ar vezegiezh.

Make America great again[kemmañ | kemmañ ar vammenn]

Al lugan[kemmañ | kemmañ ar vammenn]

Let's Make America Great Again button.jpeg
Spilhenn Ronald Reagan e 1980
TRUMP 16 Make America Great Again sticker.jpg
Pegsun Donald Trump e 2016

Lugan Donald Trump evit dilennadegoù kannaded ar Republican Party kement hag evit dilennadeg prezidant 2016 a oa Make America Great Again ("Grit amerika meur adarre") ; damheñvel eo al lugan-se ouzh an hini implijet e-pad kampagn Ronald Reagan e 1980. Pal al lugan evit Donald Trump a oa lakaat war-raok stad truezus ar vro ha penaos e c'hoantae-eñ adsevel brud ha nerzh Stadoù Unanet Amerika.

Mennozhioù politikel 2015-2016[kemmañ | kemmañ ar vammenn]

SUA dipitus[kemmañ | kemmañ ar vammenn]

Donald Trump en deus desachet selloù dipitet war stad Stadoù-Unanet Amerika dre dagañ an emglevioù etrebroadel (North American Free Trade Agreement pe NAFTA, emglevioù an eskemmoù frank...) kablus hervezañ da vezañ rivinet ar vro ha stlapet ar vicherourien en dilabour pe er straedoù.

Enep Establishment[kemmañ | kemmañ ar vammenn]

Unan eus pennaennoù Donald Trump a oa da stourm a-enep an Establishment : an dud pinvidik a galloud a vefe mistri war ar vro, o laerezh pe o vougañ pobl Amerika. E-touez ar re-se e adkaver pennoù ar Strollad Republikan, pennoù ar strollad Demokratel, ar gazetennerien, an dud a aferioù hag an tiez-eskemm. A-enep an holl dud-se e lakaas war-raok al lugan Taking back our Country ("Oc'h adkemer hor bro").

Mennozhioù sokial[kemmañ | kemmañ ar vammenn]

Donald hag Ivanka Trump dougerez e-pad kampagn 2016

E-pad kampagn dilennadegoù 2016 ez eo bet tuet kalz Donald Trump gant e verc'h Ivanka Trump hag a zegasas dezhañ abegoù denel evel arguzennoù (Child care, ober war-dro at vugale). Goustadik e lakaas ar verc'h he zad da cheñch ali war dodennoù sokial ha tomm d'an Amerikaned vunut.

Ivanka Trump he deus bet stourmet abaoe ar bloavezh 2014 evit degas ur sell kizidik d'he zad war an dizingalded etre goproù ar maouezed ha re ar wazed. Bountet he deus war he zad evit reiñ brud ha harp d'ar maouezed a felle dezho mont etrezek penn an aozadurioù pe embregerezhioù. War ar mennad-se e tisklêrias I believe my father will take giant leaps to change that, he's somebody who walks the walk ("Me 'gred din e raio ma zad kammedoù bras evit kemmañ kement-se, eñ zo den da vont betek penn an hent").

Un doare komz dichek[kemmañ | kemmañ ar vammenn]

Unan eus diazoù politikel Donald Trump eo ar frankiz da embann ar pezh a fell dezhañ ha pa fell dezhañ. Evel-se e oa bet tapet alies e-kerzh kampagn kannaded ar Strollad Republikan kement hag e-pad kampagn an dilennadegoù 2016 evit kaozioù feuls, gouennelour pe enep-maouezed.

Komzoù Donald Trump a blij d'an dud vunut kement ha d'an dud aet skuizh gant ar pezh a anvont the politicaly correct (ar sevended politikel). Evit Donald Trump, ar fed da vezañ seven er politikerezh zo ur redi bet degaset gant an establishment (tud gouarnamant Washington, tud an Democratic Party...) gant ar pal difenn d'an dud da embann o soñjoù pe da zegas cheñchamantoù gwirion. Dre ar bennaenn-se ez eas pell ganti betek kunujennañ Hillary Clinton pe gouarnamant ar Stadoù-Unanet.

Mennad ar Self-made man[kemmañ | kemmañ ar vammenn]

Gant Donald Trump e voe implijet kalz e-pad kampagn dilennadegoù 2016 skeudenn ar Self-made man hag a oa dres e hini abaoe e yaouankiz. Implijet eo bet ar skeudenn-se evit degas ar spi d'ar voterien e vefe tu da reiñ lañs en-dro da ekonomiezh Amerika gant pep hini o kaout ur chañs da dennañ gounid adal e obererezhioù ur wech e-penn ar vro.

Program politikel 2017[kemmañ | kemmañ ar vammenn]

Donald Trump zo bet rediet da zisplegañ sklaeroc'h ar pezh en devoa c'hoant da ober pa vefe prezidant ar Stadoù-Unanet. Ma vez ul lodenn eus e vennozhioù hag a zo chomet ar memes re (sioc'hanañ, enbarzhidi..), lod all zo cheñchet pe deuet da vezañ anatoc'h evel bezañ a-du gant an dimeziñ heñvelreizh, reiñ lañs da chanterioù bras pe digreskiñ an taosoù.

Politikerezh etrebroadel[kemmañ | kemmañ ar vammenn]

Pal pennañ Donald Trump zo reiñ galloud en-dro da SUA met hep kemer perzh e brezelioù ar bed. Goulennet en deus digant Europa ma vefe gouest d'en em zifenn e-unan dre bostañ muioc'h a arc'hant el luioù. Goulennet en deus gant e guzulierien milourel penaos freuzañ buan ar Stad Islamek. Evit Siria d'an nebeutañ en deus disklêriet e vezo ret da SUA labourat donoc'h gant Rusia Vladimir Poutin.

Ne ouier ket resis peseurt politikerezh a vezo kaset da benn gant Donald Trump da geñver Iran, met seblantout a ra e savo ar goulenn da advarc'hata ar feur-emglev a oa bet sinet da geñver an nukleel.

Mec'hiko[kemmañ | kemmañ ar vammenn]

E-pad kampagn an dilennagoù stadunanat e oa bet embannet sklaer gant Donald Trump e felle dezhañ talañ ouzh an envroañ amreizh. Pal pennañ e gomzoù a oa Mec'hiko. Savet e oa ar soñj ennañ da sevel ur voger war an harzoù etre an div vro. Al lugan Built the wall ("Savit ar voger") a vez klevet e genoù harperien Donald Trump a-raok, hag abaoe, m'a'z eo bet dilennet da brezidant. D'ar 5 a viz Ebrel 2018 en deus roet an urzh d'ar Gwarda broadel stadunanat da vont etrezek an harzoù, da c'horotz ma vefe echuet sevel ur voger [1].

Goude an dilennadeg[kemmañ | kemmañ ar vammenn]

Ur wech dilennet Donald Trump da 45vet prezidant Stadoù Unanet Amerika e oa chomet sabatuet darn eus ar gazetennerien pe dielfennerien politikel kement ha pennoù an Democratic Party.

Whitelash[kemmañ | kemmañ ar vammenn]

Hervez Van Jones e-pad un abadenn tabut dielfennañ ar votadeg 2016 war CNN d'an 8 a viz Du 2016 e vije bet ur whitelash a zegasas Donald Trump da brezidant. Hervezañ, an dud wenn hag a votas evit Donald Trump a glaskas talañ ouzh nerzh ha pouezh brasoc'h-brasañ ar minorelezhioù en o c'heñver er gevredigezh amerikan.

346 Gward broadel eus Florida kaset da harpañ an archerien e-pad kadoridigezh Donald Trump d'an 21 a viz C'hwevrer 2017

This was a whitelash against a changing country. It was a whitelash against a black president, in part, and that's the part where the pain comes. And Donald Trump has a responsibility tonight to come out and reassure people that he is going to be the president of all the people who he insulted and offended and brushed aside."

Manifestadegoù[kemmañ | kemmañ ar vammenn]

12 a viz Du 2016 manifestadeg enep Trump e Washington

Manifestadegoù zo bet e lod kêrioù bras en Amerika evit enebiñ ouzh dilennadeg Donald Trump ; un hashtag "Notmypresident" zo bet krouet. E-touez ar vanifesterien edo ar ganerez Cher. Rudy Giuliani, hag a zo a-du-krenn gant Donald Trump, a respontas dre geñveriañ ar vanifesterien ouzh babigoù moumounet. [2]

"We're bringing up a generation of spoiled crybabies [...] most of the kids aren't crying. Most of the kids are going to class.""

Tabutoù lies[kemmañ | kemmañ ar vammenn]

Tabutoù lies a zo tro-dro d'ar prezidant Donald Trump.

Tabutoù reizhel[kemmañ | kemmañ ar vammenn]

Alies e vez frazennoù macho en e veg. Ouzhpenn-se ez eus bet douget klemm meur a-wech a-enep dezhañ gant maouezed en abed da dagadennoù reizhel. An aktourez pornografek Stormy Daniels zo bet paeet 130 000 $ gant Michael Cohen, alvokad personel ar prezidant, evit tevel pa oa-hi o lakaat war-raok darempredoù reizhel gant Donald Trump er bloaz 2006 pa oa dimezet dija gant ar First Lady, Melania Trump. [3]

An afer rusian[kemmañ | kemmañ ar vammenn]

Rebechet e vez da Zonald Trump ha d'e harperien bezañ bet sikouret gant Rusia dreist-holl war ar rouedadoù sokial. Un enklask justis zo bet digoret evit gouzout hag-eñ e oa bet ul liamm etre gouarnamant Rusia ha skipailh dilennadegoù Trump.

Red an armoù-tan[kemmañ | kemmañ ar vammenn]

Abaoe ma'z eo bet dilennet Donald Trump da brezidant ez eus bet meur a lazhadeg (evel hini Las Vegas) dre armoù-tan. Rebechet e vez dezhañ bezañ bet harpet gant 30 milion a zollaroù profet gant an NRA e-pad ar c'hampagn.


Commons
Muioc'h a restroù diwar-benn

a vo kavet e Wikimedia Commons.

Dielfennañ radio[kemmañ | kemmañ ar vammenn]

Oberennoù[kemmañ | kemmañ ar vammenn]

Levrlennadur[kemmañ | kemmañ ar vammenn]

Notennoù ha daveennoù[kemmañ | kemmañ ar vammenn]



Flag of the United States.svg Prezidanted ar Stadoù-Unanet abaoe 1789
(gwelet ivez : Stadoù-Unanet Amerika - Ti Gwenn)
Great Seal of the United States (obverse).svg

1789 : Washington
1797 : J. Adams
1801 : Jefferson
1809 : Madison
1817 : Monroe
1825 : J. Q. Adams
1829 : Jackson
1837 : Van Buren
1841 : W. H. Harrison

1841 : Tyler
1845 : Polk
1849 : Taylor
1850 : Fillmore
1853 : Pierce
1857 : Buchanan
1861 : Lincoln
1865 : A. Johnson
1869 : Grant

1877 : Hayes
1881 : Garfield
1881 : Arthur
1885 : Cleveland
1889 : B. Harrison
1893 : Cleveland
1897 : McKinley
1901 : T. Roosevelt
1909 : Taft

1913 : Wilson
1921 : Harding
1923 : Coolidge
1929 : Hoover
1933 : F. D. Roosevelt
1945 : Truman
1953 : Eisenhower
1961 : Kennedy
1963 : L. B. Johnson

1969 : Nixon
1974 : Ford
1977 : Carter
1981 : Reagan
1989 : G. H. W. Bush
1993 : Clinton
2001 : G. W. Bush
2009 : Obama
2017 : Trump