FSB

Eus Wikipedia
Sauter à la navigation Sauter à la recherche
FSB (Servij surentez kevredadel Kengevrad Rusia)

Федеральная служба безопасности Российской Федерации

Banniel Skoed-ardamez
Banniel ha skoed-ardamez an FSB
Padelezh 12 a viz Ebrel 1995- Bremañ
Bro Flag of Russia.svg Rusia
Sujidigezh Standard of the President of the Russian Federation.svg Prezidant Rusia
Doare Spierezh

Nerzh surentez

Lec'h pennañ Loubianka, Moskov
Izili Etre 200 000 - 300 000
Pennoù Aleksandr Bortnikov
Lec'hienn internet Http://www.fsb.ru

Federal'naya sluzhba bezopasnosti Rossiyskoy Federatsii / FSB (rusianeg : Федеральная служба безопасности Российской Федерации / ФСБ) a vez graet eus ur servij kuzh eus Rusia, gant ar c'hefridi da ziwall ar surentez diabarzh.

An FSB zo hêr d'ar KGB soviedel, a oa bet roet lam dezhañ e miz Du 1991 goude taol-stad Moskov. Ar jeneral Aleksandr Bortnikov eo pennrener an FSB.

Sez an FSB a zo staliet e Loubianka, e Moskov en ez savadur bennañ ar KGB. An ofiserien a zo stummet en Akademiez an FSB e Moskov.

Kefridioù pennañ an FSB eo an enep-spierezh, surentez diabarzh ar vro hag en harzoù, enep-sponterezh, spierezh dre ar vro ha pa vez torfedoù grevus e c'hell bezañ kefridiet a-benn sikour an nerzhioù surentez rusian all.

Sez an FSB e Loubianka, Moskov

Goude ar KGB e voe krouet Servij kevredadel an enep-spierezh Rusia (Federalnaya Sluzhba Kontrrazvedki) ; d'an 12 a viz Ebrel 1995, prezidant Rusia Boris Yeltsin a sinas ul lezenn a gemene da adurzhiañ an FSK, ar pezh a zegasas krouidigezh an FSB.
E 2003 e voe brasaet galloudoù an FSB dre kendeuziñ kantañ servij ar warded d'an harzoù hag ul lod bras eus ar FAPSI (Ajañs kevredadel ar gouarnamant evit ar c'hehentiñ hag ar c'heleier), hag a voe divodet.
Daou damm a chom c'hoazh eus aozadur ar KGB hag a vez dizalc'h diouzh an FSB da geñver melestradur : an SVR (Sluzhba vneshney razvedki, servij spiañ en estrenvro) hag an FSO (Federalnaya Sluzhba Okhrany, Servij kevredadel an difenn).

Hervez lezenn kevredadel Rusia, an FSB zo ur servij milourel evel an nerzhioù lu, met an ofiserien galvet ne implijont ket unwiskoù soudard.