Kanada

Eus Wikipedia
(Adkaset eus Kanadian)
Sauter à la navigation Sauter à la recherche
Canada
Kanada
Banniel Kanada skoed-ardamez Kanada
Banniel skoed-ardamez
Ger-stur : "A Mari Usque Ad Mare"  (Latin)
Kan broadel: O Canada
Lec'hiadur Kanada
Kêr-benn Ottawa
45°24′N 75°40′W
Kêr vrasañ Toronto
Yezh(où) ofisiel Saozneg, Galleg
Gouarnamant rouantelezh vonreizhel ha Demokratelezh parlamantel
 - Kentañ ministr Justin Trudeau
Gorread
 - Hollad 9.984.670 km² (2vet)
 - Dour (%) 8,92
Poblañs
 - istimadur 2019 37 589 262 ()
 - Stankter 4/km² (228)
PDK (PGP) 2010 (istimadur)
 - Hollad $1.330 trilion ([[Roll ar broioù dre o PDK (PGP)|]])
 - Keidenn $39.057 ([[roll ar broioù dre PDK (PGP) dre zen|]])
FDD  (2010) Green Arrow Up Darker.svg 0,888 (uhel) (8vet)
Moneiz Dollar Kanada (CAD)
Gwerzhid-eur (UTC-3.5 da -7)
Kod kenrouedad .ca
Kod pellgomz +1

Kanada (Canada e saozneg ha galleg) a zo ur vro eus Amerika an Norzh, en hanternoz d'ar Stadoù-Unanet (hag ivez a-reter dezho gant stad Alaska). Bevennet eo gant ar Meurvor Habask er c'hôrnog, Meurvor Arktika er gwalarn-sterenn hag er biz hag ar Meurvor Atlantel er biz-reter. Ottawa, e proviñs Ontario, eo ar gêr-benn, hogen Toronto eo ar gêr vrasañ. An eil bro vrasañ eus ar bed eo. Saozneg ha galleg eo ar yezhoù ofisiel.

Ur monarkiezh vonreizhel ha kevreadel eo hag un demokratelezh parlamantel. Dollar Kanada eo he moneiz.

Poblañsː[kemmañ | kemmañ ar vammenn]

Daoust d'ar vro bezañ bras-tre n'eo ket ken poblet se. 37 589 262 a dud zo o chom eno e 2019. E 1867 ne oa ket nemet 3,4 milion.

Er c'hêrioù bras e vev an darn vrasañ eus an dud evel e Montréal, Vancouver, Toronto ha Calgary.

An istorː[kemmañ | kemmañ ar vammenn]

Meuriadoù Indianed a zo bet o chom eno abaoe pell. Kavet eo bet roudoù ragistorel kozh a 26500 bloaz e norzh Yukon ha kozh a 9500 bloaz e su Ontario. Er XVIvet kantved e oa kaset Jakez Karter, ur breizhad e servij Roue Frañs da zizoleiñ douaroù ur bed dianav. E 1534 e erruas e Gaspezia. Goude distreiñ da Vreizh e teuas en-dro ar bloaz war-lec'h da zizoleiñ muioc'h c'hoazh ar vro.

Tamm-ha-tamm e teuas ur bern tud eus Bro-C'hall da chom ha da ober kenwerzh.

Diwezhatoc'h e teuas ar Saozon ivez ha brezel oa etreze. Tapout a rejont muioc'h-muiañ a c'halloud. Setu perak e vez komzet saozneg ha galleg du-hont.

Geografiezh ha hinː[kemmañ | kemmañ ar vammenn]

Ur bern koadeier zo ha dreist-holl lennoù. Ar vro he deus ar muiañ a lennoù er bed eo ha reoù bras zo evel al Lenn Uhelañ, Lenn Ontario, Lenn Huron ha Lenn Meur an Arzh. Menezioù zo ivez anvet ar Roc'helloù. Hanternoz ar vro n'emañ ket pell diouzh ar Pol Norzh. Setu perak e c'hell ar goañvoù bezañ kriz-tre (betek -45°) ha kouezhañ stank a ra an erc'h (ur geidenn a 3 m 37cm e Kebek). E-pad an hañv eo ar c'hontrol, gellout a ra an gwrezverk pignat betek 35° pe c'hoazh 40°.

Sportoùː[kemmañ | kemmañ ar vammenn]

Sportoù broadel ar C'hanada a zo an hoke war ar skorn ha war ar geot. Basket, base-ball, curling, soccer a vez graet kalz ivez. Ar VTT a zo diwanet eno.

Loened ar C'hanadaː[kemmañ | kemmañ ar vammenn]

Ur bern arzhed a vez kavet eno: an arzh Kermode, ar grizzli, an arzh gwenn hag an arzh du. Bleizi, koyoted, orignaled, kariboued, kougared, avanked ha gedon a gaver kalz ivez.

Proviñsoù ha tiriadoù Kanada[kemmañ | kemmañ ar vammenn]

Dek proviñs ha tri ziriad a zo :

Kartenn bolitikel Kanada

Ar stadoù kevreet-mañ a ya d'ober stad kevreadel Kanada.

Tud brudet[kemmañ | kemmañ ar vammenn]




Traffic cone.png
Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ