Bro-Skos

Labour zo d'ober c'hoazh a-raok peurechuiñ ar pennad-mañ. Ma fell deoc'h reiñ un tamm skoazell, krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.

Scotland (Saozneg ha skoteg)
Alba (Gouezeleg Skos)

Banniel Skos Skoed Skos
Ger-stur: Nemo me impune lacessit (brezhoneg: Den ne'm dae hep droug)
Skos en Europa
Skos er Rouantelezh-Unanet
Yezhoù	Saozneg, Gouezeleg Skos (ofisiel: akta 2004), Skoteg
Kêr-benn	Dinedin
Kêr vrasañ	Glaschu
Kentañ Ministr	Alex Salmond
Gorread - En holl - % dour	Eil renk RU 78,782 km² 1.9%
Poblañs - En holl (2010) - Skankter	Eil renk RU 5,222,000 65/km²
Unanidigezh	843 gant Kenneth I
GDP (PDG)  • En holl  • dre zen	2002 war a greder. $130 a viliardoù $25,546
Moneiz	Lur saoz (£) (GBP)
Takad eur  - Eur hañv (DST)	GMT (UTC+0) BST (UTC+1)
Sant-paeron	Sant Andrev
Kan broadel	Hini ebet degemeret da vat
Bleunienn vroadel	Askol
Domani Internet TLD	.uk
Kod pellgomz	44

Skos pe Bro-Skos, pe c'hoazh Alba diwar hec'h anv gouezelek, a zo ur vro geltiek e lodenn norzh Breizh-Veur. Ul lodenn eus ar Rouantelezh Unanet eo, a-gevret gant Bro-Saoz, Kembre ha Hanternoz Iwerzhon.

En norzh hag er c'hornôg da Vro-Skos emañ ar Meurvor Atlantel, er reter dezhi emañ Mor an Hanternoz, er c'hreisteiz emañ Bro-Saoz hag er mervent emañ Mor Iwerzhon. 78.772 km² eo gorread Bro-Skos, ha sevel a ra he foblañs da 5 222 000 a dud (e 2010). En tu-hont d'an douar bras ez eus 790 enezenn bennak. Dinedin eo ar gêr-benn, Glasc'ho ar gêr vrasañ. Aberdeen ha Dundee eo an div gêr bouezusañ war-lerc'h, dirak Stirling, Perth, hag Inverness.

Ouzhpenn saozneg e vez komzet gouezeleg, en inizi ar c'hornôg dreist-holl, ha skoteg, ur yezh kar d'ar saozneg. Robert Burns, barzh brudetañ Bro-Skos, a skrive e skoteg.

Istor

Rouantelezh Skos a voe ur Stad dizalc'h betek 1707. Er bloavezh-se e voe sinet ur feur-emglev da unaniñ Rouantelezh Bro-Saoz ha Bro-Skos, evit krouiñ Rouantelezh Unanet Breizh Veur. Gant an unaniezh-se ne voe ket kemmet reizhiad lezennel Bro-Skos, zo chomet, betek hiziv, disheñvel diouzh an hini a dalvez e Bro-Saoz, e Kembre hag e Hanternoz Iwerzhon. Dre ma voe miret gant Bro-Skos he lezennoù dezhi, ur reizhiad skol hag ur relijion disheñvel diouzh ar peurrest eus ar Rouantelezh Unanet eo chomet dibar he fersonelezh hag he sevenadur betek bremañ.

En XIX^vet kantved e krogas tud da c'houlenn dizalc'hted Bro-Skos diouzh Bro-Saoz hag e dibenn an XX^vet kantved e voe graet berzh gant ar mennozhioù-se. En eil lodenn eus ar c'hantved tremenet e voeo tapet nerzh, tamm-ha-tamm, gant ar Scottish National Party (SNP, "Strollad Broadel Bro-Skos"), a c'houlenn dizalc'hted Bro-Skos. Abaoe 1999 ez eus ur parlamant emren evit Bro-Skos. E miz Meurzh 2007 e voe tapet ar brasañ niver eus ar sezioù ennañ gant an SNP hag e miz Mae 2011 eo bet gounezet ar muiañ-niver dreistel gant ar strollad-se (69 sez diwar 129).

Rannadurioù melestradurel

• Gwelet ar pennad gouestlet da Rannadurioù Bro-Skos

Evit a sell ar gouarnamant lec'hel ez eo rannet Bro-Skos e 32 dakad anvet Council Area e saozneg ha Comhairle e gouezeleg. Gouarnet int gant un aotrouniezh-unan anvet Council (kuzul) e saozneg evit 31 anezho ha Comhairle, e gouezeleg, evit unan anezho.

Lakaet int bet da dalvezout e 1996.

Etre 1975 ha 1996 e oa rannet Bro-Skos e rannvroioù, hag ar rannvroioù-se a oa rannet e distrigoù.

Etre 1889 ha 1975 e oa rannet ar vro e kontelezhioù, kontelezhioù kêrioù, e burghoù bras ha burghoù bihan.

Sellit ouzh ar ger Bro-Skos er
wikeriadur, ar geriadur frank.

Keltia

Breizh • Iwerzhon • Kembre • Kernev-Veur • Enez-Vanav • Bro-Skos

Gwelout ivez : Ar Gelted - Ogham - Yezhoù keltiek - Rouantelezhioù brezhon - Enez Vreizh - Galia

Labour zo d'ober c'hoazh a-raok peurechuiñ ar pennad-mañ. Ma fell deoc'h reiñ un tamm skoazell, krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.