Enez Vreizh
Eus Wikipedia
Enez Vreizh, Britannia e latin, zo unan eus an anvioù a vez roet da Vreizh-Veur evit ober anv eus ar vro ma oa diazezet ar Vrezhoned betek aloubidigezh ar Saozon.
[kemmañ] Amzer ar Romaned
En amzer ar Romaned e oa div rann en enezenn:
- ar vro aloubet gant ar Romaned, anvet proviñs Britannia gant an alouberien,
- Kaledonia, pe bro ar Bikted, ar vro na voe ket aloubet gant ar Romaned.
[kemmañ] Rouantelezhioù Enez Vreizh
Pan eas kuit ar Romaned e 410 e voe savet rouantelezhioù brezhon nevez e proviñs roman Britannia:
- e Kembre: Gwynedd, Powys, ha re all
- en Hanternoz Kozh: Rheged, Strat Clut ha re all.
Diwezhatoc'h e teuas tud all da sevel rouantelezhioù nevez:
- e bro ar Bikted: Iwerzhoniz pe Skoted, evel rouantelezh Dal Riada;
- e reter an enezenn, Angled ha Saozon e Northumbria, Mercia, ha Wessex er c'hreisteiz.
Diwezhatoc'h c'hoazh e teuas Daned, pe Vikinged eus Danmark.
Goude ar bloavezh 1000, Normaned gant Gwilherm an Alouber.
