Emgann Dunnichen

Eus Wikipedia
Mont da : merdeiñ, klask
Emgann Dunnichen
Pictish Stone at Aberlemno Church Yard - Battle Scene Detail.jpg
Deiziad: 20 mae 685
Lec'h: Dunnichen, Skos
Disoc'h: trec'h ar Bikted
Emgannerien
Northumbria Fortriu
Pennoù-brezel
Ecgfrith Northumbria Bridei III
Niver a emgannerien
Dianav Dianav
Tud lazhet
Dianav Dianav

Emgann Dunnichen pe Emgann Nechtansmere (gouezeleg Dùin Neachdain, kembraeg kozh: Linn Garan) a c'hoarvezas etre ar Bikted hag Angled Northumbria d'an 20 a viz Mae 685 e-kichen Nechtansmere. Trec'h e voe ar Bikted ma voe kollet un darn vras eus o galloud gant tud Northumbria en hanternoz Preden .

Oc'h en em astenn war du an norzh edo Northumbria ha gant hec'h arme e oa bet aloubet Dinedin, kêr-benn gozh Gododdin war-dro 638, hag e-pad an tregont vloaz war-lerc'h o devoa sujet rouantelezhioù Strat Clut, Dal Riada ha Fortriu.

E 685 ec'h aloubas Ecgfrith Northumbria douaroù ar Bikted, da virout outo a breizhañ ar Su, war a seblant, pe da rediañ o roue Bridei da anavezout e aotrouniezh adarre. Kejañ a rejont d'an 20 a viz Mae e-kichen Dunnichen, er pezh a oa un rannvro c'heuniek strewet gant kalz leunioù d'ar mare-hont. Nebeut-tre a ouzer diwar-benn an emgann met lazhet e voe Ecgfrith ha distrujet e voe e arme. Kollet e voe he levezon war an norzh gant Northumbria goude-se ha biken ne voe gouest ken da aotrouniañ ar rouantelezhioù a yeas da ober Bro-Skos.