Pikted

Mein pikt Aberlemno

Ar Bikted a oa pe ur bobl, pe un toullad pobloù pe meuriadoù, en hanternoz Enez Vreizh da vare an Impalaeriezh roman, en hanternoz da broviñs roman Britannia ha da voger Hadrian.

Gerdarzh

Picti a veze graet anezhe e latin, ma soñjed e talveze kement ha «tud livet» (evel a skrive Beda Venerabilis). An anv-se a veze graet gant tud proviñs Britannia, ha gant an Angled ha Saozon goude, eus tud Lowlands Bro-Skos a-vremañ etre an Patrom:IIIde kantved ha kreiz an IX^vet kantved. Bec'h o deveze ar Romaned gant pobloù an hanternoz, ar re a oa o chom en tu all da voger Hadrian. War a seblant e veze lakaet livaj war o dremmen gant ar vrezelourien.

Picti e oa ivez ar g-Caledonii an anv roet d'an dud a oa o chom uheloc'h er menezioù Grampians, hag alies d'an holl bobloù a oa o chom er menezioù, evel ma oant meneget gant ar jeneral roman Julius Agricola en 80.

Lakaat a reer an anv Pikted war holl bobloù Kaledonia evel pa vije bet un orin hag ur sevenadur heñvel dezho. Met ken nebeut a ouzer ken n'haller ket degemer hep un tamm disfiz ar vartezeadenn-se. Se ne vir ket ouzh ul lennegezh faltazius puilh skrivet diwar-benn orin ar Bikted.

Goulennoù

N'ouzer ket kalz a dra diwar-benn ar Bikted. Moarvat e tegouezhas ar Bikted a-raok ar Vrezhoned.

Met n'o deus ket peawel gant pobl ar Biktoned e Galia, nemet marteze ar wrizienn *pict-, met n'eo ket sur eo keltiek anv tud Enez Vreizh.

Daou dra all a chal spered ar glaskerien:

• petra e oa o yezh ha pegen keltiek e oa?
• penaos ez ejont da get?

Rak mont a reas ar Bikted da get pa vedo Skos o sevel er Grennamzer, war-dro an IX^vet kantved, enteuzet moarvat gant ar Skoted.

Istor

Deuet e vije ar Bikted koshañ eus an douar-bras war-dro fin ar Ragistor, marteze war-dro ar c'hentañ milved kent JK. Kentañ meneg a gaver anezho eo gant ar prezegour brezhon Eumenius, en 297: gant an Hibernii (Iwerzhoniz), emezañ, ez int enebourien d'ar Vrezhoned.