Padrig (sant)

Eus Wikipedia
Mont da : merdeiñ, klask
Sant Padrig

Padrig , pe Maewyn Succat (war-dro 385-461), zo ur sant brezhon ha roman, avielour ha sant broadel Iwerzhon. Lidet e vez d'ar 17 a viz Meurzh e kement bro ma'z eus Iwerzhoniz war an douar.

Istor[kemmañ]

Ganet e vije Maewyn Succat en un tiegezh brezhon ha roman war-dro 385 e Bannaven Taberniae (pe Banna Venta Berniae), nepell diouzh Carlisle en Cumbria.

E dad e oa Calpurnius, a laboure er velestradurezh, da zastum arc'hant an tailhoù, hag a oa diagon. Beleg e oa e dad-kozh. E vamm-gozh a deue eus Galia, eus kostez Teurgn, ha kar e oa da Martinus Teurgn.


En 405, hervez ar vojenn, pa oa en e 16 vloaz, e voe skrapet Maewyn Succat gant morlaeron iwerzhonat, ha Niall « e nav gouestlad» aoa unan anezho, haga werzhas anezhañ evel sklav. E-pad c'hwec'h vloaz e voe bac'het en ur gaoued e-kichen koad Fochoill, en Kontelezh Maigh Eo. Mesaer e oa evit ur penntiern iwerzhonat. Neuze eo e kavas Doue.