Belgia

Unaniezh Europa
Koninkrijk België Royaume de Belgique Königreich Belgien
Banniel Belgia Skoed ardamez
Ger-stur Eendracht maakt macht (nl) L'union fait la force (fr) Einigkeit macht stark (de)
Yezhoù ofisiel	nederlandeg, galleg, alamaneg
Kêr-benn	Brusel
Statud politikel	Rouantelezh vonreizhek
Dizalc'hiezh embannet anavezet	(diouzh an Izelvroioù) 4 a viz Here 1830 19 a viz Ebrel 1839
Roue	Fulup Belgia
Kentañ Ministr	Bart De Wever
Gorread -En holl -% dour	32 545 km² 6,2%
Poblañs - 2024 war-dro - Stankter ar boblañs	11 763 000 383/km²
Moneiz	Euro (EUR)
Kan broadel	Brabançonne
Devezh ar vro	21 a viz Gouere
Kod war ar Genrouedad	.be
Kod pellgomz	32

Ur stad eus Europa eo Belgia (e nederlandeg : België, galleg: Belgique, alamaneg : Belgien) pe, hervez e anv leun, Rouantelezh Belgia. E kornaoueg ar c’hevandir emañ, etre Mor an Hanternoz er gwalarn, an Izelvroioù en norzh, Alamagn ha Luksembourg er reter, ha Frañs er su hag er mervent.

Anvet e oa Belgia Rouantelezh an Izelvroioù ha Dugelezh-veur Luksembourg er XVvet- XVIIvet kantved, dindan an anv Izelvroioù, ar rannvro a glote gant un tiriad un tamm mat brasoc’h eget ar Beneluks a-vremañ, rak rannvroioù tro-dro da gêrioù evel Lille, Arras, Douai, Valenciennes, Montmédy, pe c’hoazh Thionville a oa ul lodenn anezho. Julius Caezar en doa savet Gallia Belgica, gant Trèves da gêrbenn.

Ur greizenn genwerzh, sevenadurel ha politikel e oa eus fin ar Grennamzer betek ar XVIIvet kantved ha liesetnel. Eus ar XVIvet kantved betek ar reveulzi belgiat e 1830, pa voe savet disrann diouzh an Izelvroioù, tiriad Belgia a voe tachenn emgann un toullad krogadoù. Diplomatek e oant peurvuiañ, etre galloudoù european a bep seurt, evit-se e voe graet talbenn emgannoù Europa anezhi. Da vare ar reveulzi industriel e kemeras perzh Belgia hag e voe eil galloud industriel ar bed, goude Bro-Saoz, e-pad tost ur c’hantved. Derc’hel a reas meur a drevadenn en Afrika, Angola da skouer.

Eil hanterenn an XXvet kantved a voe merket gant bec’hioù etre Flamaned ha Walloned, abalamour d’an div yezh ha da ziorren ekonomikel dizingal an div rannvro. Diwar ar c’hudennoù-se ez eus savet meur a adreizhadenn veur.

Kumuniezhoù ha rannvroioù

Teir c'humuniezh a ya d'ober Belgia Kumuniezh nederlandek Belgia Kumuniezh c'hallek Belgia Kumuniezh alamanek Belgia Kumuniezhoù ██ Kumuniezh flandrezek Belgia //// Tachenn divyezhek ██ Kumuniezh c'hallek Belgia ██ Kumuniezh alamanek Belgia

Teir rannvro a ya d'ober Belgia Flandrez Wallonia Brusel-Kêr-benn Rannvroioù ██ Rannvro Flandrez / bro nederlandek ██ Brusel-Kêr-benn / bro divyezhek ██ Rannvro Wallonia / bro c'hallek hag alamanek

Yezhoù

Teir yezh ofisiel zo e Belgia : alamaneg, flandrezeg, ha galleg.

Tud dibar

• Marc'hhouarnerion velgiat:
  • Philippe Thys
  • Rik Van Steenbergen
  • Rik Van Looy
  • Eddy Merckx
  • Herman Van Springel
  • Johann Museeuw

• C'hoarierion echedoù velgiat:
  • Edgard Colle
  • Mic'hail Gourevitch
  • George Koltanowski
  • Alberic O'Kelly de Galway
• Rouaned Belgiz:
  • Boduognat (roue d'ar Nerviz)
  • Catuvolcos (roue d'an Ambiz)
  • Commios (roue d'an Atrebatiz)
  • Alberzh Iañ a Velgia
  • Alberzh II a Velgia
  • Baldoen Iañ a Velgia
  • Leopold Iañ a Velgia
  • Leopold II a Velgia
  • Leopold III a Velgia
  • Fulup a Velgia

Notennoù ha daveennoù

Monarkiezhoù ar Bed

Afrika: Eswatini° • Lesotho • Maroko* 

Azia: Arabia Saoudat°  • Bahrein* • Bhoutan° • Brunei° • Emirelezhioù Arab Unanet^ • Japan • Jordania* • Kambodja^ • Koweit* • Malaysia^  • Nepal • Oman° • Qatar° • Thailand 

Kenglad ar Broadoù (Commonwealth): Antigua ha Barbuda • Aostralia • Bahamas • Barbados • Belize • Grenada • Jamaika • Kanada • Papoua Ginea-Nevez • Rouantelezh Unanet • Saint Kitts ha Nevis • Santez-Lusia • Sant Visant hag ar Grenadinez • Inizi Salomon • Tonga • Tuvalu • Zeland-Nevez 

Monarkiezhoù european all: Belgia • Danmark • an Izelvroioù • Liechtenstein* • Luksembourg • Monako* • Norge • Spagn • Sveden • Vatikan (Sez Santel)°^

° monarkiezh absolut, * monarkiezh damvonreizhel, ^ monarkiezh dre zilennadegoù