Republik Artsac'h

bro istorel
Deiziad krouiñ	2 Gwe 1991
Anv e yezh-vamm an den	Արցախի Հանրապետություն
Anv ofisiel	Արցախի Հանրապետություն
Anv er yezh orin	Արցախի Հանրապետություն
Anv berr	Արցախ
Yezh ofisiel	armenieg, rusianeg
Kan broadel	Azat u ankakh Artsakh
Kevandir	Azia
Kêr-benn	Khankendi
Gwerzhid-eur	UTC+04:00
Lec'hiadur	Kaokaz
Daveennoù douaroniel	39°49′2″N 46°45′2″E
Renad politikel	Republik
Office held by head of state	Prezidant Artsac'h
Penn ar Stad	Samvel Shahramanyan
Post dalc'het gant penn ar gouarnamant	Prezidant Artsac'h
Penn an aotrouniezh	Bako Sahakyan
Korf lezenniñ	Bodadeg Vroadel Artsac'h
Darempred diplomatel	Abc'hazia, Treuznistria, Osetia ar Su
Moneiz	Artsakh dram, Armenian dram
A zo stok ouzh	Armenia, Azerbaidjan
Darvoud-alc'hwez	Brezel Nagorno-Karabac'h Kentañ, Eil Brezel Nagorno-Karabac'h, 2023 Azerbaijani offensive in Nagorno-Karabakh
Deiziad divodañ	2023
Hashtag	արցախ
Banniel (deskrivadur)	banniel Artsac'h
Ardamezioù	ardamezioù Artsac'h
Douaroniezh an danvez	Q4135632
Istor	istor Nagorno-Karabac'h
Ekonomiezh an danvez	ekonomiezh Nagorno-Karabac'h
Poblañsouriezh an danvez	poblañsouriezh Nagorno-Karabac'h
Araogenn bellgomz ar vro	+37447
Niverenn bellgomz sikour	112

Republik Artsac'h (armenieg : Արցախի Հանրապետություն Artsakhi Hanrapetut'yun), pe Republik Nagorno-Karabac'h^[1] a oa ur stadig de facto e Kaokaz ar Su ha ne oa ket anavezet gant ar stadoù all, hag a sell ouzh ar vro-se evel ul lodenn eus Azerbaidjan. En em astenn a ra Republik Artsac'h war ar pezh a oa gwechall oblast emren Nagorno-Karabac'h koulz ha war douaroù a oa etre an oblast kozh-se hag Armenia er gornaoueg hag Iran er c’hreisteiz. Stepanakert eo kêr-benn Republik Artsac'h.

Armeniegerien dreist-holl a oa o chom e Nagorno-Karabac'h pa oa bet embannet dizalc’hiezh Republik Demokratel Azerbaidjan hag Armenia e 1918, goude diskar Impalaeriezh Rusia, ha brezel a voe e-pad ur pennadig etre an div vro nevez da c’houzout gant pe hini ez afe ar rannvro. Fin a voe lakaet d’an tabut pa voe savet an Unvaniezh Soviedel ha savet Oblast emren Nagorno-Karabac'h e-barzh Republik Sokialour Soviedel Azerbaidjan e 1923.
Pa’z eas an Unvaniezh Soviedel d’an traoñ e voe bec’h etre an div vro adarre. E 1991 e voe graet ur referendom en Oblast emren Nagorno-Karabac'h hag embannet dizalc'hiezh ar vroig. Brezel a savas da-heul etre Armenianed Nagorno-Karabac'h, skoazellet gant Armenia, ha Republik Azerbaidjan. Tri bloaz e padas ar brezel-se, ha pa voe graet harz-an-tan e miz Mae 1994 e oa astennet galloud republik nevez Artsac'h war ur vro kalz ledanoc'h eget an oblast kozh, peogwir e oa unanet outañ an holl zouaroù en em astenne etre Nagorno-Karabac'h hag Armenia. Eus ar c'hontreoù-se e tec'has an darn vrasañ eus an dud na oant ket Armenianed, da gaout repu er peurrest eus Azerbaidjan : 400 000 den, azeriegerien anezho peurliesañ, a oa aet kuit, ken ma kaver bremañ ouzhpenn 95% a armeniegerien e republik Artsac'h.

Ur vro veneziek eo Artsac'h, gant 1 100 metr a uhelder well-wazh.

Ur republik eo Artsac'h, gant ur prezidant hag ur parlamant ur gambr hepken ennañ. Liammet-strizh eo ouzh Armenia : ar memes moneiz o deus Artsac'h hag Armenia da skouer. Ha n’eus nemet dre Armenia e c'hell an dud eus an diavaez mont da Artsac'h.

Fin ar Republik

Kollet eo bet gant Artsac'h 3/4 eus e tiriad e Eil Brezel an Nagorno Karabac'h, ar pezh a lak hanter ar poblañs d'en em repuiñ e Armenia. Aloubet e vo an tiriad penn-da-benn e 2023 gant Azerbaidjan. Krouet e vo ur gouarnamant e harlu gant ar politikerien repuet e Yerevan goude an aloubadeg, met nac'het e vo gant ar gouarnamant Armenia, o klask tizhout ar peoc'h en diavaez. ^[2]