Ouyezd Kurdistan
Krouet e oa bet Oblast Emren Karatchay, ebarzhet en Unaniezh Soviedel, d'ar 26 a viz Ebrel 1926.
Ouyezd Kurdistan (anvet ivez en un doare nann-ofisiel Kurdistan Ruz diwar ar c'hurdeg Kurdistana Sor; en azerbaidjaneg Qızıl Kürdistan; e ruseg Красный Курдистан) a oa bet ur rann eus an Unaniezh Soviedel krouet e 1923 hag aet da get c'hwec'h vloaz war-lerc'h e 1929.
Laçın (kurdeg: Laçîn) e oa ar sez melestradurel.
Krouet e oa bet Ouyezd Kurdistan gant an Unaniezh Soviedel d'ar 7 a viz Mezheven 1923 dindan an anv ofisiel Ouyezd Kurdistan (ruseg: Курдистан уе́зд), o klask bezañ gwelet mat gant ar Gurded/ezed o vevañ en tu-hont d'ar bevennoù, en Iran ha Turkia.
Laket e oa bet ar c'hourmandieg da yezh ofisiel an takad-se ha diorren a rae ar sevenadur kurdek a-hed ar maread ma padas ar vroig.
Dismantret e oa bet Ouyezd Kurdistan d'an 8 a viz Ebrel ha d'an 30 a viz Mae 1930 e oa bet savet Okroug Kurdistan en e lec'h, met dismantret e oa bet ivez d'e dro d'ar 23 a viz Mezheven 1930 gant aon rak an enebiezh etrebroadel a c'hellfe sevel diwarnañ.
E diwezh ar bloavezhioù 1930 e oa bet kaset holl Gurded URSS, ken diouzh an ez-okroug kurdek ha diouzh Jorjia e 1944, da Azerbaidjan, Armenia ha Kazakstan.
E 1992, goude ma oa bet aloubet Laçın gant Armenia da-geñver brezel Nagorno-Karabac'h, e oa bet disklêriet Republik Kurdek Laçîn en Armenia gant ur strolladig tud gant Waqil Mustafayev en o fenn, met ne gasas da netra dre ma oa aet kuit an holl Gurded, tec'het ac'halese betek lec'hioù all eus Azerbaidjan da glask repu enne.
Gwelit ivez[kemmañ | kemmañ ar vammenn]
Liammoù diavaez[kemmañ | kemmañ ar vammenn]
Oblastoù Emren an Unaniezh Soviedel
| |
.svg)
|
OE Adigeya • OE Tchetchenia (1922-1936) • OE Tchetchenia-Ingouchetia (1944-1957) • OE Tcherkesia (1928-1957) • OE Tchouvachia (1920-1925) • OE Gorno-Altai • OE Gorno-Badac'hchan • OE Ingouchia (1924-1936) • OE Juzevek • OE Kabardin-Balkar (1921-1936) • OE Kalmoukia (1920-1935) • OE Kara-Kirgizia (1924-1926) • OE Karatchay (1926-1936) • OE Karatchay-Tcherkesia (1922-1926, 1957-1991) • OE Karakalpak (1925-1932) • OE C'hakasiya • OE Komi-Zirya (1922-1929) • Ouyezd Kurdistan (1923-1929) • OE Mari (1920-1936) • OE Moldavia (1924) • OE Nagorno-Karabac'h • OE Osetia an Norzh (1924-1936) • OE Osetia ar Su • OE Touva (1944-1961) • OE Oudmourtia (1920-1934) Takadoù Emren Polonek: TEP Dzierzynszczyzna (1932-1935) • TEP Marchlewszczyzna (1926-1935) |