Ger-stur
Ardamezioù Azorez
Antes morrer livres que em paz sujeitos
"Kentoc'h mervel er frankiz eget bout sujidi er peoc'h"
Antes morrer livres que em paz sujeitos
"Kentoc'h mervel er frankiz eget bout sujidi er peoc'h"
Ur ger-stur zo ur frazenn verr, pe ur bomm-lavar arouezius da ziskouez mennad un den, ur stroll, un aozadur, dibabet da sturiañ buhez an dud, pe a-wechoù da gounaat an tremened hep mui. Alies e vez e latin. Graet e vez ivez ger-ardamez pa vez war ardamezioù un tiegezh pe ur vro, da skouer.
Da skouer :
- Potius mori quam foedari, ger-stur duged Breizh ;
- Liberté, Égalité, Fraternité, ger-stur ar Republik c'hall ;
- Por mi raza hablará el espíritu ("Dre ma gouenn e komzo ar spered") eo ger-stur Skol-veur broadel emren Mec'hiko, kinniget gant José Vasconcelos.
En ardamezouriezh e vez lakaet ur ger-stur war an ardamezioù, e traoñ ar skoed.