Terry Pratchett
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.
| Terry Pratchett | |
|---|---|
 Terry Pratchett | |
| Anv ofisiel | Terence David John Pratchett |
| Ganedigezh | 28 a viz Ebrel 1948 Beaconsfield |
| Marv | 12 a viz Meurzh 2015 |
| Yezh skrivañ | Saozneg |
| Luskad lennegel | Skiant-faltazi, Fantasy |
| Enorioù | Prizh British Science fiction Urzh an impalaeriezh saoz (1998) |
| Oberennoù pennañ | |
kemmañ  |
|
Terence David John Pratchett, ent-berr Terry Pratchett, a zo ur skrivagner saoz ganet d'an 28 a viz Ebrel 1948 e Beaconsfield (Buckinghamshire), ha marvet d'an 12 a viz Meurzh 2015.
Buhez[kemmañ | kemmañ ar vammenn]
Kentañ oberenn Pratchett e oa un danevell: The Hades Business, embannet e-barzh kelaouenn e skol p'en doa 13 vloaz. Gounezet en devoa 14 £ (lur saoz) hag adembannet e voe e 1961 e-barzh ar gelaouenn Science Fantasy. Skrivañ a reas da c'houde Night Dweller e miz Du 1965 e-barzh niverenn 156 New Worlds.
Goude ur bloaz studi war an arzoù, an istor hag ar saozneg, e krogas da labourat e 1965 evel kazetenner evit ar Bucks Free Press: « I started work one morning and saw my first body three hours later. » («Kroget e oan da labourat ur mintinvezh ha teir eur goude em eus gwelet ma c'horf marv kentañ.»). Kemer a rae kentelioù kazetennerezh ha saozneg e-pad e amzer vak.
A-drugarez d'e labour kazetenner e voe kaset da atersiñ Peter Bander Van Duren diwar-benn ul levr embannet gantañ. Van Duren a oa isrener un ti-embann bihan eus Gerrards Cross: Colin Smythe Limited. Komz a reas neuze eus ul levr en doa skrivet, The Carpet People, hag a voe embannet.
E 1970 e kuitaas Bucks Free Press evit labourat er Western Daily Press, a-raok distreiñ d'an hini kentañ e 1972 evel skoazeller war ar skridaozañ. Cheñch a reas c'hoazh ur wech e 1973, ar wech-mañ evit Bath Chronicle. E 1980 e voe karget eus daremprederezh ar Central Electricity Generating Board (burev an energiezh) war un dachenn el lec'h ma oa meur a greizenn nukleel.
Kuitaat a reas e labour er CEGB e 1987 rak merzhet en doa e c'houneze muioc'h a arc'hant gant e skridoù eget gant e labour. Adalek ar mare-se e skrivas daou levr bep bloaz.
Resev a ra Urzh an impalaeriez saoz e 1998 evit e servij d'al lennegezh, lavarout a reas kerkent d'ar mediaioù: « I suspect the 'services to literature' consisted of refraining from trying to write any. » (« Damgrediñ a ran ez eo bet roet ar servijoù-se din a-benn ampechiñ ac'hanon da skrivañ »).
D'an 11 a viz Kerzu 2007 e kemennas Pratchett e oa-eñ tizhet gant ur stumm ral eus kleñved Alzheimer. Tri miz goude, e miz Meurzh 2008, e roas ur milion a zollared d'an "Alzheimer's Research Trust". Spontet eo ne vefe budjed ar c'hlask war kleñved alzheimer nemet 3% eus hini ar c'hign-bev.
E 2009 e teu Terry Pratchett da vezañ Marc'heg Urzh an Impalaeriez Saoz. Bevañ a reas e fin e vuhez e Wiltshire gant Lyn, e wreg.
Ar pezh en deus graet[kemmañ | kemmañ ar vammenn]
|
|
