Mathieu Bablet
Mathieu Bablet (Grenoble, 9 a viz Genver 1987) zo ur senariourour hag un treser bannoù-treset skiant-faltazi hag ur skeudennaouer war an hevelep tachenn.
Buhez[kemmañ | kemmañ ar vammenn]
Goude e vachelouriezh e studias an arzoù pleustrek en ENAAI (Enseignement aux Arts Appliqués & à l’Image) e Chambéry, ma voe diplomet e 2008.
Diouzhtu war-lerc'h ec'h aozas e vandenn-dreset kentañ, La belle mort, a ginnigas e 2011 d'an ti-embann Ankama Éditions e Roubaix ; eno e voe embannet gant an aozer bannoù-treset Guillaume "Run" Renard dre e adti-embann Label 619[1]. Un adembannadur kresket a voe e 2017[2].
E 2012 e tresas Mathieu Bablet an istor Vol express 666 en eil levrenn ar stirad DoggyBags skrivet gant G. Renard. Er bloaz 2015 e tresas un istor all, Disparitions en série dans la cité ghetto de Kowloon en eizhvet albom ar stirad DoggyBags.
E miz Mae 2013 e teuas er-maez albom kentañ Adrastée, skrivet ha treset gantañ, hag a c'hoarvez en Henc'hres (ma oa Ἀδράστεια Adrásteia un nymfenn) ; e 2014 e voe embannet an eil albom, hag e miz Gwengolo 2016 an oberenn glok en un albom hepken. En hevelep miz e teuas a-zindan ar wask un albom all skrivet ha treset gant M. Bablet, Shangri-La[3].
E miz Mezheven 2017 e teuas er gouloù un niverenn e-maez rummad eus ar gelaouenn Pilote gouestlet d'an haroz bannoù-tredet S-F Valérian, enni ur pennad gant M. Balbet.
Adalek ar bloaz 2018 e voe Mathieu Bablet rener ar stirad S-F ha moliac'h Midnight Tales, ma voe senarioour, ha ma tresas istorioù ivez[4] ; pevar albom a voe embannet betek miz Here 2019.
E miz Eost 2020 e teuas er-maez an albom Carbone & Silicium, un istor S-F bepred, skrivet ha treset gant M. Bablet. Miz a-raok e oa bet ragembannet 25 plankennad eus Carbone & Silicium, a-gevret gant 14 plankennad eus Horseback 1861[5] gant David Hasteda (senarioour) ha Nikho (treser), e 7vet albom ar stirad Free Comic Book Day – France.
E miz Mezheven 2021 e reas Mathieu Bablet ur B-T, Metropolis, en enor d'ar mangaka Osamu Tezuka (1928-1989) en eil albom ar stirad Tezucomi e ti Delcourt ; e miz Gwengolo ec'h aozas 11 plankennad, Premier de cordée, evit kentañ niverenn ar gelaouenn Métal Hurlant (rummad nevez).
E miz Du 2022 e voe embannet The Midnight Order, ennañ 21 istor ma voe M. Bablet senarioour (8), senarioour ha treser (7) pe dreser hepken (5).
Oberennoù[kemmañ | kemmañ ar vammenn]
- Senarioour ha treser
- 2011 : La belle mort (ISBN 978-2-35910-175-1).
- 2013 : Adrastée /1 (ISBN 978-2-35910-403-5).
- 2014 : Adrastée /2 (ISBN 978-2-35910-404-2).
- 2016 : Adrastée – Intégrale (ISBN 978-2-35910-987-0) • Shangri-La (ISBN 978-2-35910-969-6).
- 2017 : La belle mort [+ 9 flankennad] (ISBN 979-10-33504-56-6).
- 2020 : 25 plankennad eus Carbone & Silicium e Free Comic Book Day – France /7 (ISBN 979-10-33512-40-0) • Carbone & Silicium (ISBN 979-10-335-1196-0).
- 2021 : Metropolis, e Tezucomi /2 (ISBN 978-2-413-04011-8)[6] • Premier de cordée, e Métal Hurlant, rummad nevez, niverenn 1, Le futur, c'est déjà demain, Gwengolo 2021 pp. 60-70[7].
- Treser
- 2012 : Vol express 666 e DoggyBags /2(ISBN 978-2-359-10259-8).
- 2022 : golo embannadur collector an albom S-F Moon Deer (senario ha tresadennoù gant Yoann Kavege) (ISBN 978-2-9569915-2-6)[8].
- Kenlabour
- 2017 : pennad er gelaouenn Pilote gouestlet da Valérian, pp. 26-28[9].
- 2018 : Midnight Tales /1 (ISBN 979-10-335-0541-9) • Midnight Tales /2 (ISBN 979-10-335-0553-2).
- 2019 : Midnight Tales /3 (ISBN 979-10-335-0969-1) • Midnight Tales /4 (ISBN 979-10-335-0981-3).
- 2022 : The Midnight Order (ISBN 978-2-8102-0253-9).
Enorioù[kemmañ | kemmañ ar vammenn]
- 2021 : Prix BD Fnac France Inter evit Carbone & Silicium[10].
Liammoù diavaez[kemmañ | kemmañ ar vammenn]
- (fr) Lec'hienn ofisiel. Kavet : 23/02/2023.
Notennoù[kemmañ | kemmañ ar vammenn]
- ↑ (fr) Radiofrance. Kavet : 24/02/2023.
- ↑ (fr) Actua BD. Kavet : 24/02/2023.
- ↑ Diwar al lec'h heñvelanvet er romant Lost Horizon (1933 gant ar skrivagner saoz James Hilton (1900-1954) ez eo bet dibabet anv an istor.
- ↑ (fr) Place gre.net. Kavet : 24/02/2023.
- ↑ Deuet er-maez e miz Gwengolo 2020 (ISBN 979-10-33500-05-6)
- ↑ (fr) Bédéthèque. Kavet : 24/02/2023.
- ↑ (fr) Les humanoïdes associés. Kavet : 24/02/2023.
- ↑ (fr) Bédéthèque. Kavet : 24/02/2023.
- ↑ (fr) Dargaud. Kavet : 24/02/2023.
- ↑ (fr) France Inter, 06/01/2021. Kavet : 24/02/2023.