Burkina Faso

Eus Wikipedia
Burkina Faso
Burkina Faso
Banniel Burkina Faso ardamezioù Burkina Faso
Banniel ardamezioù
Ger-stur : "Unité, Progrès, Justice"  (galleg)
"Unvaniezh, Araokadur, Justis"
Kan broadel: Une Seule Nuit   (galleg)
Un nozvezh hepken
anvet ivez Ditanyè (kan an trec'h)
Lec'hiadur Burkina Faso
Lec'hiadur Burkina Faso
Kêr-benn
(ha kêr vrasañ)
Ouagadougou
12°20′N 1°40′W
Yezh(où) ofisiel Galleg
Gouarnamant Republik hanter brezidantel
 - Prezidant Ibrahim Traoré
 - Kentañ ministr Apollinaire Joachim Kyélem de Tambèla
Dizalc'hded  
 - Deiziad 5 Eost 1960 
Gorread
 - Hollad 274.000 km² (74vet)
 - Dour (%) 0,1%
Poblañs
 - istimadur 2020 21.510.181 ()
 - niveradeg 2006 14.017.262
 - Stankter 58/km² (137vet)
PDK (PGP) 2020 (istimadur)
 - Hollad $45,339 miliard (117vet)
 - Keidenn $2.207 (163)
FDD  (2019) 0.452 (izel) (182vet)
Moneiz Lur CFA (XOF)
Gwerzhid-eur (UTC)
Kod kenrouedad .bf
Kod pellgomz +226

Burkina Faso zo ur stad eus kornôg Afrika, e diazad ar stêr Volta. Emañ etre Mali er c’hornôg, Niger er reter, Benin er gevred, ha Togo, Ghana hag Aod an Olifant er c’hreisteiz. Ouagadougou eo ar gêr-benn hag ar gêr vrasañ. Talvezout a ra anv ar vro kement ha "bro an dud onest".

A-gozh eo annezet ar vro, pa gaver roudoù eus mab-den enni ken abred ha 7000 kent J.K. Er XVvet kantved e teuas da vezañ ul lodenn eus an Impalaeriezh Songhai, unan eus galloudoù bras ar rannved-se, daoust da enebiezh ar bobl Mosi a oa o chom eno. E dibenn an XIXvet kantved e tremenas rouantelezh Mosi Ouagadougou dindan beli Bro-C'hall.

E dalc'h Bro-C'hall e voe betek 1960, dindan an anv Volta-Uhel, diwar anv ar stêr Volta a dremen dre ar vro. Dizalc'h e teuas Volta Uhel da vezañ e 1960, hag e miz Eost 1984 e voe advadezet Burkina Faso gant ar prezidant Thomas Sankara. Met homañ a voe drouklazhet e 1987 ha kemeret e voe ar galloud dre ur putsch gant Blaise Compaoré a voe prezidant ar Republik betek 2014. Goude bloavezhioù diaes eo deuet bremañ ar vro da vezañ un demokratelezh. Chom a ra unan ar re baourañ er bed avat.

Ezel eo Burkina Faso eus Unaniezh Afrika, Kumuniezh Armerzhel Stadoù Kornôg Afrika hag Aozadur ar C'hevelerezh Islamek.

Douaroniezh[kemmañ | kemmañ ar vammenn]

Un hin drovanel he deus Burkina Faso. Daou goulz-bloaz a zo : hini ar glaveier, etre Mae/Mezheven ha Gwengolo, hag ar c'houlz-bloaz sec'h e-kerzh ma c'hwezh an harmattan, un avel tomm ha sec'h a zeu eus ar Sahara.

Lammoù-dour Karfiguela,
mervent ar vro.

Goloet eo al lodenn vrasañ eus ar vro gant an argompezenn, gant ul leur plad ha livet alies en okr gant al laterit a zo ennañ. Er Mervent ez eus un torosad kragek lec'h ma kaver beg uhelañ ar vro, an Tenakourou (749 m).

E-barzh tri diazad emañ stêrioù ar vro dreist-holl : hini ar Volta, hini ar g-Komoe hag hini an Niger.

Rannoù melestradurel[kemmañ | kemmañ ar vammenn]

Abaoe 2001 eo rannet Burkina Faso e 13 rannvro :

Rannvroioù Burkina Faso

Deskadurezh[kemmañ | kemmañ ar vammenn]

An muiañ niver a dud zo analfabetek e Burkina Faso. An analfabetegezh a sko muioc'h ar merc'hed. Hervez al lezenn eo ret skoliata ar vugale etre 6 ha 13 bloaz.

Peder skol-veur foran a zo.


Commons
Commons
Muioc'h a restroù diwar-benn

a vo kavet e Wikimedia Commons.