Catuvellauni
- Ur pennad zo ivez diwar-benn Catuvellauni Galia.
Catuvellauni eo anv ur ur bobl vrezhon a veve e kreisteiz Enez Vreizh, a-raok donedigezh ar Romaned.
Roudoù eus ar bobl-se a weler er pezhioù moneiz bet kavet war o lerc'h hag er menegoù a gaver e skridoù latin. Anv anezho a ra an istorour roman Cassius Dio ha menegiñ a ra o stourm ouzh an aloubadeg roman er bloaz 43. Unan eus keodedoù roman Enez Vreizh e oant ivez, hervez Douaroniezh Ptolemaios en Eil kantved. Diazezet e oant neuze el lec'h m'emañ bremañ kontelezhioù Hertfordshire, Bedfordshire hag ul lodenn eus Cambridgeshire, en-dro da gêr Verulamium (St Albans bremañ).
En-dro dezho e oa ar pobloù Iceni ha Corieltauvi en norzh, Trinovantes er reter, Dobunni hag Atrebates er c'hornôg, ha Regnenses ha Cantiaci er c'hreisteiz.
Anv[kemmañ | kemmañ ar vammenn]
cf Rivet & Smith :
- Klaudios Ptolemaios, II, 3, II : CATYEUCHLANI, KATYAECHLANI
- Cassius Dio, LX, 20, 2 : CATUELLANI
- RIB 1962, eus Moger Hadrian, war-dro 369 : CIVITATE CATUVELLAUNORUM TOSS(O)DOP
Savet e vije o anv diwar an elfennoù *catu- (=emgann) hag *uellauno- (=rener, gourc'hemenner). Talvezout a rafe kement ha "pennoù brezel"[1].
Tierned[kemmañ | kemmañ ar vammenn]
- Cassivellaunus, war-dro 54 kent JK
- Tasciovanus, war-dro 20 kent JK – 9
- Cunobelinos ( 9 – 40)
- Togodumnus
- Caratacos
Pobl all[kemmañ | kemmañ ar vammenn]
Ur bobl all a oa anvet Catuvellauni ivez e Galia.
Levrioù talvoudus[kemmañ | kemmañ ar vammenn]
- A.L.F Rivet & Colin Smith : The Place-names of Roman Britain. Batsford Ltd. 1979. Édition 1982.
Notennoù[kemmañ | kemmañ ar vammenn]
- ↑ Xavier Delamarre, Dictionnaire de la langue gauloise, Errance, 2003, p. 311
| |||||
