Gallia Cisalpina

Eus Wikipedia
Mont da : merdeiñ, klask
Kartenn eus Galia gozh. Gallia Cisalpina er reter, en hanternoz Italia a vremañ.
Gallia Cisalpina a voe rannet gant Augustus etre teir rannvro, ha ne voe ket anezhi ken: Regio VIII Aemilia, Regio IX Liguria ha Regio XI Transpadana. Ar Regio X Venetia et Histria a voe staget ouzh Illiricum.
Kartenn eus Gallia Cisalpina
Pobloù Gallia Cisalpina

Gallia cisalpina eo anv latin ar broviñs roman a oa dindani kompezenn ar Po, en hanternoz Italia a vremañ, betek ar stêrioù Arnus ha Rubico er c'hreisteiz.

Bevennet e oa

  • er c'hornôg gant an Alpoù
  • en norzh gant an Alpoù ha gant al lennoù bras e-harz ar menezioù
  • er reter gant Trieste
  • er c'hreisteiz gant ar sterioù Rubico hag Arnus hag an Appenninoù ligurat.


Anv[kemmañ]

Anvet e oa bet e-giz-se gant ar Romaned abalamour ma oa etre an Alpoù ha Roma. Enebet e veze ouzh Gallia Transalpina (en tu all d'an Alpoù, d'ar Romaned). Graet e veze ivez Gallia Transpadana, pe Gallia Citerior anezhi e latin. Lesanvet e veze ivez ar broviñs-se Gallia togata dre ma veze gwisket togaoù gant e annezidi romanekaet hag enebet e veze e-giz-se ouzh Gallia Comata, "Galia vlevek", a oa al lodenn dieub eus Galia e lec'h ma oa bet dalc'het d'an dilhad kelt.

Poblet e oa gant Galianed. Meur a veuriad a oa. Da skouer ar Voied (Boii e latin), al Lingoned (Lingones), ar Senoned (Senones), an Insubred (Insubres), hag ar Genomaned (cenomani).

Statud[kemmañ]

Perc'hennet e oa gant ar Romaned abaoe 222 kent J.-K.[1].

Krouet e oa bet ar broviñs-mañ gant ar Republik roman e 81 kent J.-K. ha gouarnet e oa gant ur propretor. Renet e veze abaoe he c'hêrbenn Mutina (Modena hiziv). Staget e oa ouzh Italia war-dro 42/43 kent J.-K..

Istor[kemmañ]

E 73 kent J.-K., Spartacus e pilas lejion Gaius Cassius Longinus, gouarnour roman ar broviñs.

Ganet eo bet ar barzh Virgilius e Gallia Cisalpina.

Notennoù[kemmañ]

  1. Mommsen, Histoire romaine, des commencements de Rome jusqu'aux guerres civiles, troet diwar an alamaneg gant C. A. Alexandre, Laffont, 1985, pajenn 414

Gwelet ivez[kemmañ]

Liammoù diavaez[kemmañ]