St Albans (Hertfordshire)

Eus Wikipedia
Sauter à la navigation Sauter à la recherche
Disambiguation.svg Ur pennad St Albans zo ivez.
Iliz-veur St Albans
Ardamez Saint Alban's. En glazur, e lammell en aour

St Albans (distaget [snt ˈɔːlbənz] e saozneg) zo ur gêr e kreisteiz kontelezh Hertfordshire, e Bro-Saoz, war-dro 35 km diouzh kreiz Londrez. Emañ e tolead-kêrioù City and District of St Albans. Ar gêr vras kentañ e oa war an hent roman kozh a gase eus Londrez d'ar gwalarn, ar Watling Street. Ur greizenn genwerzh a bouez eo bet e-pad pell, met deuet eo da vezañ ur bannlev eus Londrez.

An anv[kemmañ | kemmañ ar vammenn]

Kent donedigezh ar Romaned e veze graet Verlamion (pe Verulam) eus ar gêr gant ar bobl vrezhon Catuvellauni. Da vare ar Romaned e veze graet Verulamium anezhi. Da vare an Angled-ha-Saozon, pa oa bet savet un abati eno, e oa deuet da vezañ Verlamchester pe Wæclingacaester[1], ha goude-se e oa bet kemeret ganti an anv norman a St Albans.

Sant Alban a oa ur merzher kristen, an hini kentañ en Enez Vreizh, ha dibennet e voe e war-dro 308, dindan ren an impalaer Diocletianus, en doa gourc'hemennet lakaat d'ar marv an holl gristenien a oa en Impalaeriezh Roman.[2] Savet e voe un abati, hervez ar richenn, el lec'h ma oa bet lakaet ar sant d'ar marv ha diwar anv an abati, Abati Sant Alban, e teu anv modern ar gêr.

Gerdarzh[kemmañ | kemmañ ar vammenn]

  • pezhioù moneiz Tasciovanus (war dro 20 - 10 kent J.-K.) : VER-, VERL-, VERO-, VERLAMIO, VIR-
  • enskrivadur eus mare Agricola, war dro 79, kavet e 1955 e bruzun, ha lennet : CIVITAS CATU(VEL)LAUNORUM, pe RES PUBLICA VER(ULAMIENSIUM) pe MUNICIPIUM (VER)ULAMIUM.
  • Tacitus, Annales XIV, 33 : Municipio VERULAMIO
  • Ptolemee II, 3, II : OUROLANION ( = UROLANIUM), ur polis (= kêr) ar Gatuvellauni
  • AI 4713 (Iter II) : VEROLAMIO
  • AI 4768 (Iter VI) : VEROLAMI
  • AI 4798 (Iter VIII) : VEROLAMO
  • Disanv Ravenna 10650 : VIROLANIUM
  • Bede : Werlameceaster, c. 890; Uaeclingacaestir; Waeclingaceaster
  • -------------------
  • KCD 672 : Waetlingaceaster, 900;
  • BCS 264 : aecclesia sacti Albani, 782
  • Crawf : sancte Albanes stow, 1007
  • Domesday Book : Villa S. Albani
  • Anglo-Saxon-Chronicle : (aet) Sancte Albane, 1116

Hervez E. Ekwall, an anv saoznek a dalv kement hag : "ar c'hastell roman ar Waeclingas (pe poblad ar 'Wacols')".

Notennoù[kemmañ | kemmañ ar vammenn]

  1. Tom Williamson, The Origins of Hertfordshire, Manchester: Manchester University Press. p. 64. ISBN 071904491X
  2. Legendary Tales of the Ancient Britons, 1864, L. Menzies, diwar Kronikennoù latin Jafrez Menoe.


Levrionnezh[kemmañ | kemmañ ar vammenn]

  • Eilert Ekwall : The Concise Oxford Dictionary of English Place-Names. Clarendon Press. Oxford. 1936 ... 1980
  • A.L.F. Rivet & Colin Smith : The Place-Names of Roman Britain. B.T. Batsford Ltd. London. 1979 - 1982

Liammoù diavaez[kemmañ | kemmañ ar vammenn]


Commons
Muioc'h a skeudennoù diwar-benn

a vo kavet e Kerandafar.