Mindrailherez

Mindrailherez

Soudarded alaman oc'h adkargañ ur vindrailherez MG42
Krouidigezh	1862
Lec'h krouidigezh	Stadoù-Unanet Amerika
Doare arm	Enep troadegiezh Enep kirri-nij Arm emgefreek
kemmañ

Mindrailherez a vez graet eus un arm emgefreek gant ur gambr o tegemer kartouchennoù bihanoc'h o c'halibr evit 20 milimetr (reizhiad metrek, pe .50 meutad er sistem imperial). An armoù damheñvel met kambret evit bannadelloù tevoc'h a vez anvet kanolioù emgefreek.

Pal kentañ ar mindrailherezioù a zo reiñ ur galloud-tan galloudusoc'h ha pelloc'h evit an armoù hiniennel, gant un niver a dennoù kalz uheloc'h hag hiroc'h.

Donedigezh ar vindrailherez war an tachennoù-emgann a vez gwelet evel ur sin eus ar Reveulzi greantel o tont etrezek bed ar brezel.

Bez e voe ar Gatling ar c'hentañ mindrailherez. Hervez hec'h ijiner e c'helled ober labour hanter-kant fuzuilh ganti (gant 400 bolod tennet dre vunutenn, ha 1 200 bep munutenn d'an uhelañ met en un doare teorikel). Dav e oa d'ar servijer mindrailherez treiñ un dornigell evit tennañ ganti.

Peurliesañ e vez graet un diforc'h etre ar mindrailherezioù pounner (kalibr .30 pe uheloc'h) hag ar mindrailherezioù enep-troadegiezh. Evit ar re bounnerañ ez eo dav kaout daou pe dri den evit o implijout : unan evit tennañ, un eil evit cheñch ar c'hanol goude ur mare (war un MG42, pep 10.000 bolod), hag a-wechoù, un trede den evit dougen ar bolodoù.

Istor[kemmañ | kemmañ ar vammenn]

Ar c'hentañ mindrailherezioù a voe savet e kreiz an XIX^vet kantved. Diazez ar mindrailherezioù a oa an niver uhel a dennoù diouzh renk ha dreist-holl ar mekanikerezh tennañ. Kroget e oa gant ar Gatling gun e 1862, a voe degemeret en United States Navy. Ar re savet war he lerc'h a chome reoù nerzhiet dre an daouarn o treiñ un dornigell. Ar c'hemm a zeuio gant ijinadenn Hiram Maxim, ar Maxim gun. An Doktor Gatling a glasko krouiñ mindrailherezioù oc'h implijout kefluskerioù tredan ; implijet e vez c'hoazh hiziv-an-deiz an doare-se e lod eus ar mindrailherezioù a-vremañ evel an M134 Minigun.

Ledan eo hag ez eo bet implij ar ger mindrailherez. Hervez ar ster teknikel a-vremañ e vez graet mindrailherez eus "un arm emgefreek penn da benn a garg, tenn hag adkarg keit ha ma vez pouezet an draen betek ma vefe echuet gant ar bolodoù pe ma vefe paouezet da bouezañ war an draen." Gant an termeniñ-se e vez lakaet a-gostez ar c'hentañ mindrailherezioù hag a oa reoù dre zornell evel ar volley guns pe ar Gatling.

Armoù kentañ gant tennoù lies[kemmañ | kemmañ ar vammenn]

An armoù kentañ gant meur a denn a anavezer a oa reoù savet da vare ar Grennamzer. Ar re-se a veze graet ribauldequin anezho. Ar c'hentañ armoù gant ur c'hanol nemetken a c'helle tennañ meur a denn hep ne vefe rediet adkargañ anezhe bewech a voe ar revolver savet en Europa e-fin ar XV^vet kantved. Unan anezho a zo un arm-skoaz savet e Nürnberg, Alamagn, e-tro 1580. Unan all a zo un akebut, savet gant Hans Stopler eus Nürnberg e 1597.

Diaes e oa sevel armoù a c'helle tennañ diouzh renk gant kanolioù hir d'ar mare-se. Ret e voe gortoz ijinadenn ar gouriz tennoù evit ma teufe da vezañ posubl. Ar mousked Kalthoff pe ar fuzuilh Cookson a oa bet savet met e bihan niver er XVII^vet kantved.

Ar vindrailherez Maxim hag ar C'hentañ Brezel-bed[kemmañ | kemmañ ar vammenn]

Ar c'hentañ vindrailherez emgefreek a voe ijinet e e 1884 gant Sir Hiram Maxim. Ar vindrailherez Maxim a implije nerzh distro ar bolodoù bet tennet evit tennañ an hini war-lerc'h e-serr nerzh an dorn o treiñ un dornell. Evel-se e oa kalz uheloc'h an niver a dennoù evit na oa re ar vindrailherezoù evel an Nordenfelt pe ar Gatling. Gant an ijinour Maxim e oa bet ouzhpennet ivez un doare yenaat dre zour, gant ur pod nepell diouzh kanol ar vindrailherez. Kalz uheloc'h e oa temperadur ar mindrailherezoù nevez emgefreek evit na oa ar re dre zorn.

Ar vindrailherez Maxim a voe implijet buan dre ar bed. Kavet e voe e pep tu ar re engouestlet er C'hentañ Brezel-bed gant doareoù kemmet a nebeut hervez ar vro. An doare ma oa bet savet ar vindrailherez-se a oa unan na implije ket kalz soudarded, a oa aesoc'h ha staliañ evit na oa an Nordenfelt hag ar Gatling. E-pad ar C'hentañ Brezel-bed e oa bet diskouezet anat nerzh galloudus ar mindrailherezoù. E 1912, e oa bet pourvezeiet d'an United States Army peder mindrailherez dre rejimant troadegiezh. A-benn 1919 e oa 336 mindrailherez dre rejimant. Gant ar sifroù-se e weler sklaer ar plas a oa bet kemeret gant familh an armoù-se war an tachennoù brezel.

Mindrailherezoù ponneroc'h a voe savet diaezezet war ar Maxim evel ar vindrailherez Vickers hag un toullad armoù all hervez ar broioù hag a-feur ma pade ar brezel. An Hotchkiss machine gun a voe unan eus ar re-se diazezet en XX^vet kantved. Pistolennoù-mindrailher a voe krouet ivez evel an MP 18 alaman da skouer, ar Madsen, ar Chauchat pe al Lewis gun. Ar re-se a voe implijet un tamm e dibenn ar brezel. An armoù nevez-se a oa da vezañ implijet e plas ar mindrailherezoù, a oa ponneroc'h, da vare an argadennoù war-zu fozioù-brezel an enebourien. Evel ar c'hanolierezhe e teuas ar mindrailherezoù da vezañ ur spont bras evit soudarded an troadegiezh.^[1]

Unan eus pazennoù modernat ar vindrailherez a-raok met dreist-holl e-pad ar brezel a voe ouzhpennadur un adkargañ emgefreek war-zu an armoù dorn, o tegas krouidigezh ar bistolennoù dam-emgefreek evel ar Borchardt (e-tro 1890), pistolennoù emgefreek ha goude-se ar pistolennoù-mindrailher (evel ar Beretta 1918).

Ar c'hentañ wech ma voe ouzhpennet mindrailherezoù war ar c'hirri-nij a voe e-pad ar C'hentañ Brezel-bed. A-raok e oa bet dija blenerien oc'h implijout fuzuilhoù. Ur gudenn deknikel e voe raktal. An efedusañ evit un arm en ur c'harr-nij gant ur blenier nemetken a oa lakaat anezhi dirazañ. Aesoc'h e oa evit tennañ met ar gudenn a oa da renkañ evit na vefe ket tennet war ar rod-viñs. An diskoulmoù kentañ d'ar gudenn-se, ouzhpenn kaout chañs, a oa bet kirri-nij gant ar rod-viñs en a-dreñv d'ar c'harr-nij evel ar Vickers F.B.5, Royal Aircraft Factory F.E.2 pe c'hoazh an Airco DH.2. Un diskoulm all a oa bet gant ar vindrailherezoù war an askellioù evel war an Nieuport 10 pe Nieuport 11. Evel-se ne oa ket tenn ebet a c'helle tizhout ar viñs. Un diskoulm all a oa bet implij biñsoù metal evel ar re lakaet war ar Morane-Saulnier L. Dre se ne oa ket ken grevus ma oa tennoù o tizhout ar viñs.

E-kreiz ar bloavezh 1915, e oa bet kavet un doare mekanikerezh klotadur etre ar vindrailherez ha troioù an rod-viñs. Al Luftstreitkräfte (Korfad impalaeriel nij alaman) eo en devoa krouet ar mekanikerezh-se, ar wech-mañ e oa dibosubl tennañ war ar rod-viñs. Ar Gevredidi n'o devoa ket krouet ur mekanikerezh evel-se betek ar bloavezh 1916 hag e-pad al lajad amzer-se e oa bet spontus evit ar vlenerien kirri-nij brezel. Graet e oa bet Fokker Scourge eus ar mare-se, goude ma voe gwelet ar c'hentañ Fokker Eindecker, ar c'hentañ karr-nij alaman gant ar mekanikerezh-se o tizhout an tachennoù emgann.

Etre an daou vrezel hag Eil Brezel-bed[kemmañ | kemmañ ar vammenn]

A-feur ma rede an amzer e oa bet gwelaet ar mindrailherezioù. Mare ar C'hentañ Brezel-bed en doa degaset un implij bras eus an arm-se ha neuze gwelladennoù lies. Mindrailherezioù lijer a oa bet savet evel harp-tan d'ar strolladoù-stourm. Un ezhomm a oa ma vefent hezoug met gant ur galloud-tennañ uhel ha kreñv.

Gant ma oa gwelaet an danvezioù diazez goude ar c'hentañ Brezel-bed, ar mindrailherezioù lijer a oa bet tu gwelaat a-benn bezañ hezoug muioc'h c'hoazh. An tresoù evel re ar Bren o devoa kemeret plas ar mindrailherezioù kosoc'h evel al Lewis gun evit tan-harp ar skouadrennoù troadegiezh. Anatoc'h-anatañ e oa an diforc'h etre ar vindrailherezioù etre evel ar M1919 Browning hag ar re bonner evel an M2 Browning. An tresoù nevez a zilaoske ar podoù dour evit yenaat ar mindrailherezoù, re ziaes e oa da genderc'hel gant ar sistem-mañ evit an armoù hezoug. Kalz aesoc'h e oa bet implijout kanolioù a veze tennet hag eskemmet gant reoù nevez.

Ar mare etre an daou brezel-bed a voe an hini o welout mindrailherezoù gant rolloù ledan, evel gant an MG34 alaman. Ar mindrailherezoù nevez-se a c'helle bezañ implijet evel reoù lijer pe etre, met diaes e oa sevel leun anezho, hag an arbennigourien a voe rediet da adwelet an doare ma oant savet evit talañ ouzh ar gudenn-se, evel gant krouidigezh an MG42. Ar vindrailherez-se a oa simploc'h, marc'hamatoc'h da broduiñ, gant un tenn galloudusoc'h ha primoc'h. Kemer a reas plas an MG34 en holl implijoù nemet evit ar re war ar c'harbedoù. Ne oa ket aes kaout un MG42 dre ma oa ret cheñch alies ar c'hanol.

Brezel Yen[kemmañ | kemmañ ar vammenn]

An taolioù arnodiñ graet war an MG42 er Stadoù-Unanet Amerika o devoa diskouezet splann e oa ret kaout mindrailherezioù gwelloc'h gant an nerzhioù lu stadunanat. Rankout a rafe bezañ damheñvel ouzh an M2 Browning, a gemere plas an M1919. Implij ar re MG42 tapet e fin ar brezel ne oa ket posubl. Neuz an arm na roe ket an tu da vezañ implijet gant tennadennoù berr adal ar skoaz evel ar BAR. Goude labourioù hir e voe savet ar vindrailherez M60. Implijet e voe evit ar wech kentañ war tachennoù emgann Brezel Vietnam.

En dazont[kemmañ | kemmañ ar vammenn]

Ar mindrailherezioù a vez anezho hiziv-an-deiz a zeu a-benn da dizhout ar c'hefridioù a vez fiziet enne, ar pezh a laka an nevezadurioù da vont goustadik war-raok.

Endroadur[kemmañ | kemmañ ar vammenn]

Ar vindrailherez Gatling
Mindrailherez Saint-Étienne doare 1907, Bro-C'hall.
Mindrailherez Maschinengewehr 08 implijet gant Alamagn e-pad ar C'hentañ brezel-bed
Lejionerien gant un Hotchkiss doare 1914 e Maroko e 1920
Mindrailherez rusian Maxim e 1930