Bulad-Pestivien

An iliz katolik.

Anv gallek (ofisiel)

Bulat-Pestivien

Melestradurezh

22023

22160

Maer
Amzer gefridi

Olivier Charles
2020-2026

Etrekumuniezh

Gwengamp-Pempoull Arvor-Argoad Tolpad-kêrioù

Bro velestradurel

Bro Kornôg Kreiz Breizh

Lec'hienn web

http://www.bulat-pestivien.fr

Poblañsouriezh

Poblañs

415 ann. (2020)^[1]

Stankter

13 ann./km²

Douaroniezh

Daveennoù
lec'hiañ

48° 25′ 46″ Norzh
3° 19′ 46″ Kornôg / 48.4294444444, -3.32944444444

Uhelderioù

kreiz-kêr : 200 m
bihanañ 189 m — brasañ 307 m

Gorread

31,23 km²

Bulad-Pestivien

Bulad-Pestivien (['byːlat pis'tiːən]) zo ur gumun e Breizh e kanton Kallag, e Kerne-Uhel hag e kornôg departamant Aodoù-an-Arvor.

Douaroniezh[kemmañ | kemmañ ar vammenn]

War lez ar stêr Blavezh emañ Bulad-Pestivien.

Kumunioù amezek

Kallag ; Plougonveur ; Pont-Melvez ; Mael-Pestivien ; Sant-Servez.

Anv[kemmañ | kemmañ ar vammenn]

Régis de Saint-Jouan : Penstyffyen, 1368 ; Pestivien, 1670 ; Buzlat, 1620 ; Bulat-Pestivien, 24.11.1876.
Bernard Tanguy : Pestivien, 1306, 1330 ; Pestiffien, ~ 1330 ; castrum de Pestivien, 1354 ; Penstffyen, 1368 ; Pestiffien, 1405 ; paroisse de Pestivien, 1465 ; chapelle Nostre-Dame de Buzglat, 1465 ; Buzlat, 1588, 1620 ; Bulat, 1670.
Talvoudegezh : Penn ar stivien (an eiennoù)
Diasur evit Bulat

Ardamezioù[kemmañ | kemmañ ar vammenn]

Brizhet etre argant ha sabel (familh Pestivien, aet da get e 1776).

Istor[kemmañ | kemmañ ar vammenn]

XX^vet kantved[kemmañ | kemmañ ar vammenn]

Brezel-bed kentañ

71 gwaz a gollas o buhez abalamour d'ar brezel hervez monumant ar re varv, d.le. 4,05 % ag ar boblañs hervez an niveradeg bet graet e 1911^[2].

Eil Brezel-bed

Mervel a reas daouzek den eus ar gumun abalamour d'ar brezel^[2].

Trevadennoù

Brezel Indez-Sina: ur soudard a varvas e 1946.

Monumantoù ha traoù heverk[kemmañ | kemmañ ar vammenn]

2003

Ur wezenn-derv e “Tronjoly”, ouzhpenn 1 000 bloaz a-hervez.

An iliz Itron-Varia

Diavaez

Ankoù o rambreal, ouzh an iliz (XIV^vet kantved)
Ankoù o yudal,
ouzh an iliz

Diabarzh

Gwerenn livet ardamezioù Breizh gant aeled
Ar Werc'hez
Aoter ar Werc'hez
Sant-Josef
Santez Barba ?
Santez Marc'harid
Lutrin
An nor war biñs an tour

Chapel Sant-Bleaz Pestivien

Chapel Santez Anna Radeneg

Delwenn Santez Anna e-kichen ar feunteun

Feunteun ar C'hog.

Feunteun ar c'hog (XVI^vet kantved)

Feunteun ar Seizh Sant.

Feunteun ar Seizh Sant (1683)

Feunteun ar Werc'hez (1718).
Maner Bodiliav (XV^vet-XVI^vet kantved) : Mirdi Manerioù Breizh.
Monumant ar re varv.

Emdroadur ar boblañs abaoe 1962[kemmañ | kemmañ ar vammenn]

Niver a annezidi

Melestradurezh[kemmañ | kemmañ ar vammenn]

Pell amzer eo bet an tiegezh de Kerouartz, perc'henned vras ar barrez, o terc'hel an ti-kêr.

Tud[kemmañ | kemmañ ar vammenn]

Eno emañ ar skrivagner Yann Gerven o chom.
Maud Guillois (korollerez).
Timothée Le Bour (soner).
Ronan Le Dissez (soner).
Thomas Lotout (soner).
Anne Auffret, kanerez kantikoù brezhonek ha kan-ha-diskan, zo bet savet er barrez.
Sabine Kergoed, skolaerez ha kanerez kan-ha-diskan, zo bet savet er barrez.

Ardamezeg[kemmañ | kemmañ ar vammenn]

	Bodilio En argant e seizh melionenn geotet, 3, 3, 1.
	Chapelle (de la) En gul e dreustell en erminoù.
	Koadgoureden En gul e groaz koñchek en argant.
	Pestivien Brizhet etre argant ha sabel.

Brezhoneg[kemmañ | kemmañ ar vammenn]

Bulad-Pestivien o prientiñ Redadeg 2008

Ar Brezhoneg er Skol[kemmañ | kemmañ ar vammenn]

1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol^[3].

Deskadurezh[kemmañ | kemmañ ar vammenn]

E 2006 e oa bet nac'het gant an enseller akademiezh digeriñ ur c'hlas divyezhek er gumun. A-benn ar fin e oa bet digoret ur c'hlas divyezhek e miz Gwengolo 2007.
E distro-skol 2022 e oa 37 skoliad enskrivet er c'hlasoù divyezhek (100 % eus skolidi ar gumun evit a sell ouzh ar c'hentañ derez)^[4].

Kelenn d'an oadourien[kemmañ | kemmañ ar vammenn]

Stajoù brezhoneg a oa bet aozet gant Breuriezh Sant Erwan e dibenn ar bloavezhioù 1960 e skol al leanezed, gant Armañs ar C'halvez ha Yann Talbot. Unan bennak zo bet gant Skol an Emsav er bloavezhioù 1970 ivez gant Mark Kerrain ha Tangi Louarn.

Krennlavar[kemmañ | kemmañ ar vammenn]

Goude pardon Bulad, Eus pep toull e teu kouhad (kaouad).

Pardon ha foar ar c'hezeg[kemmañ | kemmañ ar vammenn]

Ul lec'h pirc'hirinded eo Bulad abaoe an XIII^vet kantved. Ur pardon a vez bep bloaz d'an dibenn-sizhun goude an 8 a viz Gwengolo (Gouel ginivelezh ar Werc'hez Vari). Kregiñ a ra da nav eur noz ha boas ez eur da guitaat an iliz e-kreiz an Oferenn da-heul ar pardoner (ar beleg pennoferenner) da brosesioniñ betek lec'h an Tantad, a vez enaouet neuze. Da c'houde ez eer en-dro d'an iliz da genderc'hel gant an Oferenn. N'eus nemet e Bulad e vez graet er mod-se. Ur foar ar c'hezeg a vez ivez, d'al Lun goude ar pardon, abaoe 1747. Lakaet e vez delwenn Gwerc'hez Bulad war ziskouez en iliz e-pad ar pardon. En oferennoù e vez kanet kantikoù brezhonek, en o zouez : Itron Varia Vulad evel-just, Da Feiz hon Tadoù Kozh...
D'ar Gwener da noz : oferenn (al lodenn vrasañ anezhi e brezhoneg), tantad, tan artifis, soubenn evit ar birc'hirined ha bal disko
D'ar Sadorn : oferenn vras, soubenn evit ar birc'hirined, lein (merenn) en div ostaleri eus ar barrez, chapeled e brezhoneg ha gousperoù
D'al Lun : oferenn ha foar ar c'hezeg, marc'had bras, kirri kozh war blasenn ar skol, merenn en div ostaleri eus ar barrez hag e-kichen sal ar festoù