Karr

Ur bajenn disheñvelout eo homañ, da lavarout eo ur roll pennadoù hag a zo damheñvel o anv. Bremañ e c'hallit dibab ennañ ar pennad emaoc'h o klask. Mard oc'h bet degaset amañ dre ul liamm diabarzh en ur pennad e c'hallit kemmañ al liamm evit m'ho kaso war-eeun d'ar bajenn emaoc'h o klask.

Karr (karroù pe kirri el liester) zo ur ger brezhonek a vez graet eus meur a dra. Dre vras eo ur c'harbed, ur rod pe muioc'h dezhañ, da sachañ pe da zougen traoù pe tud.

Disheñvelet e vez ar c'hirri hervez o ment, pe niver ar rodoù warne, niver ar brec'hioù outo, pe an doare da sachañ anezho.

Sachet e vezont gant loened peurvuiañ, kezeg pe ejened dreist-holl, ezen, chas pe loened all a-wechoù ivez zoken. A-wechoù avat e vezont sachet gant tud, evel ar garrigell. Abaoe diwezh an XIX^vet kantved ez eus kirri sachet gant keflusker dre enleskiñ, a vez graet kirri-tan pe kirri-dre-dan anezho, abalamour ma tevont treloskoù kondon.

Karroù a bep seurt

Karr-argad
Karr-biskoulenn
Karrigell, anvet "karr-bout" ivez
Karr-boutin
Karr-kañv
Karr-nezañ, n'eo ket ur c'harr, nag ur c'harbed
Karr-nij

Gerioù deveret

Ur marc'h-karr, pe ur vatezh-karr zo binvioù da zougen brec'hioù ar c'harr.

Skeudennoù

Ur c'harr er Cevenas.
Ur c'harr hag un denn e Santiago de Cuba, e Cuba.
Karr ha milin-avel er National Ranching Heritage Center e Lubbock (Texas), SUA.
Ur rod prenn rezennaouet ha kelc'hiet gant houarn.
Karr koad en Aostralia.
Karr sinaat sachet gant un tarv - Tierniezh Sui (581-618).
Mormoned en o hent etrezek Salt Lake City, SUA, war-dro 1840

Porched an treuzdougerezh – Gwelit ar pennadoù hag ar rummadoù diwar-benn an treuzdougerezh.