Da Feiz hon Tadoù Kozh

Eus Wikipedia
Sauter à la navigation Sauter à la recherche
Perrot - Bue ar Zent - pajenn 907.jpg

Da Feiz hon Tadoù Kozh zo ur c'hantik brezhonek, anavezet en Eskopti Kemper ha Leon dreist-holl, savet gant ar beleg leonat Loeiz Jozeb Mari Abyann (1876-1932), war don ur c'hantik gallek anvet Sainte Religion. En amzer-se e oa kure an oberour e Goulien (Bro ar C'hab), e-kerzh ar votadegoù-kêr e 1904, ha brudet e-kerzh ar stourm a-enep lezenn disparti ar Stad hag an Iliz, e 1905.

Anavezet mat eo e-touez ar gatoliked vrezhonek ha kanet e vez en ilizoù, evit an obidoù hag er pardonioù dreist-holl[1]. Anavezet-mat eo e Leon hag ivez e Kernev, e Bro ar C'hab dreist-holl (lesanvet “Bro “Da Feiz hon Tadoù kozh”)[2]). Ken anavezet eo dre eno ma veze kanet evel ur seurt kan broadel breizhek (da geñver ar stourm a-enep raktres kreizenn nukleel Plougoñ da skouer)[3].

Arouez al liamm etre ar feiz hag ar yezh eo. Test eo eus ur mare ma oa ar feiz katolik o ren e Breizh-Izel, ha dreist-holl betek dibenn ar bloavezhioù 1950, pa veze leun an ilizoù bep Sul.

Pozioù Da Feiz hon Tadoù Kozh[kemmañ | kemmañ ar vammenn]


Da Feiz hon Tadoù Kozh
Loeiz Jozeb Mari Abyann, 1904

Diskan :
Da feiz hon tadoù kozh, ni pôtred Breiz-Izel

Ni zalc'ho mat atao;

'Vit feiz hon tadoù koz hag en-dro d'he banniel,

Ni holl en em stardo.

Feiz karet hon tadou, morse ni n'ho nac'ho,

Kentoc'h ni a varvo, Kentoc'h ni a varvo, kentoc'h ni a varvo!


1. D'ar c'hrouadur bihan, e kichenig e gavell.

E lakait ur vamm vat, en deiz evel en noz;

Er boan hag en anken, hi a daol buan eur zell

War groaz santel Jezuz, he soñj er baradoz.


2. D'ar pôtr, d'ar plac'h yaouank, c'hwi ziskouez hent ar furnez,

C'hwi lavar : "It gantañ, hep krenañ dirak den;

Bezit, tud yaouank Breizh, bezit e-pad ho puhez,

Atav gwir gristenien, treitourien birviken !


3. D'an den kozh, gwenn e benn, e korn an tan azezet

O skuilh daeloù a geuz war e amzer gentañ

War-lerc'h kalz a boanioù, c'hwi lavar, Salver karet,

Er baradoz e vo eürusted evitañ


4. D'an den diwar ar maez, kenkoulz ha d'an den a vor

C'hwi a ro nerzh-kalon da stourm er boan atav

Gouzout a reont, en neñv e kavint holl dor zigor :

Ar vuhez vo bet tenn ; d'an drubuilh, kenavo !


Ar c'hantik[kemmañ | kemmañ ar vammenn]

Liammoù diavaez[kemmañ | kemmañ ar vammenn]

Daveennoù ha notennoù[kemmañ | kemmañ ar vammenn]

  1. http://www.kan-iliz.com/da-feiz-hon-tadou-kozh/
  2. lec'hienn ar C'hab
  3. Ibidem.