Pondi
Eus Wikipedia
| Kumunioù Breizh | |
|---|---|
| Pondi | |
 |
|
| Departamant | Mor-Bihan |
| Bro hengounel | Bro Gwened |
| Arondisamant | Arondisamant Pondi |
| Etrekumuniezh | Kumuniezh kumunioù Bro Pondi |
| Bro 'Voynet' | Bro Pondi |
| Pastell-vro votiñ | |
| Kanton | Kanton Pondi (pennlec'h) |
| Kod INSEE | 56178 |
| Kod post | 56300 |
| Maer Amzer gefridi |
Jean-Pierre Le Roch 2008-2014 |
| Gorread | 619 ha = 6 2 km² |
| Hed ha led | |
| Uhelder | keitat : 60 m bihanañ : 48 m brasañ : 192 m |
| Poblañs hep kontoù doubl | 13 518 (2006) |
| Stankter | war-dro 544 |
Pondi, pe Pondivi, a zo ur gumun hag ur gêr e departamant ar Mor-Bihan e Breizh. Anv melestradurel evit poent : Pontivy.
Taolenn |
Istor [kemmañ]
VIIvet kantved [kemmañ]
- Hervez ar richenn e oa bet krouet Pondi gant ar manac'h sant Ivi er VIIvet kantved.
XVIIIvet kantved [kemmañ]
- Emsavadeg ar Bonedoù ruz e 1675: digolloù a voe paeet gant parrezioù Noal-Pondi (8 000 Lur), Malgeneg (1 500 lur), Stival (500 lur) ha Bizhui-an-Dour (400 lur) d'an Aotrou de la Pierre ha da tud all eus Pondivi goude an distrujoù bet graet e kêr e-pad an emsavadeg [1].
Dispac'h Gall [kemmañ]
- Gant al lezenn eus an 23 a viz Eost 1790 e voe lakaet Pondi da benn ur bann, eizh kanton ennañ: Baod, Bizhui-an-Dour, ar Gemene, Klegereg, Logunec'h, Noal-Pondi, Pluniav ha hini Pondi [2].
XIXvet kantved [kemmañ]
- D'an 9 a viz Du 1804 e oa anvet Pondi "Napoléonville" war urzh an diktatour ha danvez-impalaer Napoleone Buonaparte. Hennezh a soñje gantañ e oa Pondi ur gêr a c'hellje bezañ pouezus-tre ma vije kleuzet kanolioù evit al listri-brezel a c'hellfe treuziñ Breizh pell diouzh re ar Saozon a oa mistri war ar mor : kanol ar Blavezh ha kanol Naoned-Brest.
Krouet e oa bet diouzhtu ur c'harter nevez gant ur blasenn-armoù, un isprefeti, ur c'hazarn hag ul lise. - 1864: tizhet eo Pondi gant an hent-houarn.
- Krouet e voe kumun Ar Sorn d'ar 1añ a viz Meurzh 1869 diwar lodennoù eus tiriadoù kumunioù Bizhui, Gwern, Malgeneg, Pondi ha Stival [3] [4].
XXvet kantved [kemmañ]
- Tremen 3 000 repuad deuet eus hanternoz Bro-C'hall a oa e Pondi e miz Even 1940[5].
- D'an 18 a viz Even 1940 e tegouezhas al lu alaman e Pondi[6].
- Ti-post: e miz Gouere e voe kemeret 150 000 Lur en ti-post gant tud eus ar Rezistañs [7].
- Pondi a voe dieubet d'ar 4 a viz Eost 1944 [8].
- D'an 23 a viz Mae 1945 e voe kavet korfoù marv tri den eus ar gumun e-tal gwikadell Porzh-Loeiz. Er Rezistañs e oant; fuzuilhet e oant bet gant al lu alaman [9].
Brezhoneg [kemmañ]
Ya d'ar brezhoneg [kemmañ]
- D'ar 4 a viz Eost 2004 e oa bet votet ar garta Ya d'ar brezhoneg gant kuzul-kêr ar gumun.
- D'an 21 a viz Kerzu 2007 e oa bet roet d'ar gumun al label Ya d'ar brezhoneg live 2.
Deskadurezh [kemmañ]
- Klasoù divyezhek a zo eno abaoe 1984.
- E distro-skol 2009 e oa enskrivet er skolioù divyezhek 11,2% eus bugale ar gumun evit a sell ouzh ar c'hentañ derez ha 1,5% er skolaj [10].
- E distro-skol 2010 e oa enskrivet er skol Diwan hag er c'hlasoù divyezhek 182 skoliad (10,1% eus skolidi ar gumun evit a sell ouzh ar c'hentañ derez), 18vet kêr e Breizh pemp departamant e 2009-2010 [11].
Redadeg 2010 [kemmañ]
|
E miz Mae 2010 e echue ar Redadeg e Pondi.
Monumantoù ha traoù heverk [kemmañ]
|
|
- Kastell ar Roc'haned
- Kastell ar Gêr nevez
- Iliz Itron Varia ar Joa, XVIvet kantved
- Iliz Sant Meriadeg, e kêriadenn Stival, XVIvet kantved
- Chapel ar Gelenneg
- Chapel Santez-Trefin
- Karterioù kozh gant tiez XVvet-XVIvet-XVIIvet kantved
- Porzh
Tud brudet [kemmañ]
Tud bet ganet eno [kemmañ]
- Ferdinand Le Drogo, marc'hhouarnour breizhat, kampion Bro-C'hall e 1927 ha 1928, 10 a viz Here 1903.
- Jos ar Penven pe Jef ar Penven c'hoazh, sonaozour breizhat, 3 a viz Du 1919.
Douaroniezh [kemmañ]
|
Treuzet eo Pondi gant ar stêr Blavezh.
Emdroadur ar boblañs 1793-2007 [kemmañ]
Melestradurezh [kemmañ]
Gevelliñ [kemmañ]
Tavistock (Bro-Saoz, Devon)
Wesseling (Alamagn, Nordrhein-Westfalen)
Napoleonville (Stadoù-Unanet, Louisiana)
Ouelessebougou (Mali)
Liammoù diavaez [kemmañ]
- (br) (fr) Lec'hienn ofisiel Ti-Kêr Pondivi
- (fr) Pontivy Cite Internationale
- (br) Pondi war lec'hienn Geobreizh
Dave ha notennoù [kemmañ]
- ↑ Yvon Garlan ha Claude Nières, Les Révoltes bretonnes de 1675 - papier timbré et bonnets rouges, Éditions Sociales, Pariz, 1975 (e galleg), pajennoù 159 ha 160
- ↑ Jean-Louis Debauve, La Justice révolutionnaire dans le Morbihan, e ti an aozer, Pariz, 1965
- ↑ Robert Bouvier, Bernard Le Montagner, Alain Revoy ha Dominique Reynaud, Histoire de la Poste dans le Morbihan, Embannadurioù Liv'Editions, Ar Faoued, 2006, p.14
- ↑ Cassini-EHESS
- ↑ "Le Télégramme", 18 a viz Even 2010
- ↑ Archives départementales du Morbihan, Le Morbihan en guerre 1939-1945, 2009, pajenn 23
- ↑ Robert Bouvier, Bernard Le Montagner, Alain Revoy ha Dominique Reynaud, Histoire de la Poste dans le Morbihan, Embannadurioù Liv'Editions, Ar Faoued, 2006, p.297
- ↑ Archives départementales du Morbihan, Le Morbihan en guerre 1939-1945, 2009, pajenn 130
- ↑ René Le Guénic, Morbihan - Mémorial de la Résistance, 1998, pajennoù 315-316
- ↑ Ofis ar Brezhoneg
- ↑ Ofis ar Brezhoneg
- ↑ Cassini hag EBSSA
