Mor-Bihan
 |
Labour ’zo d’ober c’hoazh a-raok peurechuiñ ar pennad-mañ. Ma fell deoc’h reiñ un tamm skoazell, krogit e-barzh. Mar karfec’h reiñ hoc’h ali ha netra ken, grit ’ta e pajenn ar gaozeadenn. |
Departamant ar Mor-Bihan a zo un departamant eus Frañs e Su Breizh.
Taolenn |
Melestradurezh[kemmañ]
- Prefeti : Gwened
- Isprefetioù : An Oriant; Pondi
- 3 arondisamant
- 42 ganton
- 261 gumun
- Prezidant ar C’huzul Departamant : Joseph-François Kerguéris
Orin an anv[kemmañ]
Pa oa bet krouet departamant ar Mor-Bihan e 1790 e voe darbet dezhañ bezañ anvet Côtes-du-Sud (Aodoù-ar-C'hreisteiz), peogwir e oadres a-dal d'an departamant all Côtes du Nord.
A-benn ar fin e voe anvet Morbihan diwar anv ar Mor Bihan, anv brezhonek ar pleg-mor a gaver er c'hreisteiz da gêr Gwened. Ar Mor Bras a vez graet eno eus ar Meurvor Atlantel hag ar Mor Bihan eo al lenn-vor, morlenn pe pleg-mor.
Istor[kemmañ]
Dispac'h gall[kemmañ]
E 1790 eo bet anvet Departamant ar Morbihan an darn-vuiañ eus eskopti Gwened hag ar gêr-mañ a zo chomet he fennlec'h ivez.
XXvet kantved[kemmañ]
Roll ar brefeded 1936-1946[1][kemmañ]
| Prantad | Anv |
|---|---|
| 1936 - Gouere 1941 | Henri Piton |
| Gouere 1941 - 14 a viz Du 1941 | Robert Cousin |
| 14 a viz Du 1941 - 28 a viz Here 1942 | Paul Grimaud |
| 28 a viz Here 1942 - 24 a viz Genver 1944 | Pierre Marage |
| 24 a viz Genver 1944 - 4 a viz Eost 1944 | Roger Constant |
| 4 a viz Eost 1944 - 1946 | Jacques Onfroy |
Douaroniezh[kemmañ]
- Poblañs : 643 873 annezad (1999)
- Stankter: 94 annezad/km²
- Gorread : 6 823 km²
Ur rann eus rannvro Breizh eo ar Mor-bihan. Bevennet eo gant departamantoù Penn-ar-Bed er c'hornôg, Aodoù-an-Arvor er norzh, an Il-ha-Gwilen er reter, al Liger-Atlantel er gevred, hag ar Meurvor Atlantel er su.
Meur a aber a gaver war aodoù ar Mor-Bihan, hag anvet e vezont stêr e bro-Gwened. E-leizh a inizi a zo er pleg-mor en deus roet e anv d’an departamant : Enizenac'h hag An Arzh eo ar re vrasañ anezho.
Er-maez d’an aodoù ez eus pemp enez bras a-walc’h, peder anezho a zo annezet :
- Dirak ar pleg-mor emañ Meabann e-lec’h m’eo difennet mont en abeg d’ar mirva evned a zo eno.
- E mervent bae Kiberen :
- War-dal An Oriant : Enez Groe
Hañv-goañv e vez klouar-tre an hin. Lec’hioù 'zo e-giz Ledenez Kiberen pe ar Gerveur a zo brav-eston o hin (mikro-hin).
Brezhoneg[kemmañ]
Evel Aodoù an Arvor, departamant ar Mor-Bihan a zo divyezhek. Komzet vez brezhoneg er c'hornog ha gallaoueg (pe gallo) er reter.
Niver a vrezhonegerion :[kemmañ]
- ouzhpenn 48 000 brezhoneger en tu-hont da 18 vloaz en departamant-mañ (diwar an enklask Etude de l'histoire familiale savet gant EBSSA e 1999)
- 3183 skoliad a oa er skolioù Diwan hag er skolioù divyezhek brezhoneg-galleg en distro-skol 2005 :
- 451 skoliad er skolioù Diwan e-barzh 6 skol hag ur skolaj ;
- 1803 skoliad e klasoù divyezhek an deskadurezh kristen ;
- 929 skoliad e klasoù divyezhek an deskadurezh Stad;
- 36 kumun a zo ur skol Diwan pe ur skol zivyezhek enno. 3,8% eus bugale an departamant a zo skoliataet en div yezh er c'hentañ derez [2].
Gwelet ivez[kemmañ]
- Ar Mor Bihan.
- Bannoù ar Mor-Bihan
- Arondisamantoù ar Mor-Bihan
- Kantonioù ar Mor-Bihan
- Kumunioù ar Mor-Bihan
- Kuzulierion jeneral ar Mor-Bihan
Liammoù diavaez[kemmañ]
Notennoù ha daveennoù[kemmañ]
- ↑ Archives départementales du Morbihan, Guide des sources des archives publiques contemporaines sur la seconde guerre mondiale et la reconstruction dans le Morbihan, pajenn 49 , Gwened, Mae 2010
- ↑ Ofis ar brezhoneg
