Ar Gerveur

Kartenn ar Gerveur.

Ar Gerveur (henvrezhoneg: Gwedel, diwar ar galianeg: Vindilis) a zo un enezenn hag ur c'hanton eus departamant ar Mor-Bihan. Enezenn vrasañ Breizh eo, 90 km² dezhi.

Kumunioù

Peder c'humun an enez a glot gant kumunioù kanton ar Gerveur:

• Bangor
• Lokmaria-ar-Gerveur
• Porzh-Lae
• Saozon

Istor

XX^vet kantved

Eil brezel-bed: nijerezioù B-17 eus aerlu SUA (United States Army Air Forces) a gouezhas er Gerveur pe e donvor an enezenn:

• d'an 23 a viz Du 1942, unan kodet BN-U, lazhet e voe an dek nijour a oa en he bourzh;
• d'ar 1 a viz Mae 1943, daou garr-nij er mor nepell eus ar Gerveur, lazhet e voe seitek nijour, an tri nijour all a voe tapet d'an Alamaned;
• d'an 28 a viz Even 1943, unan er mor nepell eus ar Gerveur; lazhet e voe pemp nijour, ar pemp nijour all a voe tapet d'an Alamaned;
• d'ar 4 a viz Gouere 1943, unan e donvor an enezenn, lazhet e voe an dek nijour.

Liamm

• Kanton ar Gerveur

Porched Breizh – Adkavit pennadoù ha rummadoù Wikipedia a denn da Vreizh.