Il-ha-Gwilen
Eus Wikipedia
Il-ha-Gwilen, pe Il-ha-Gwilun, a zo un departamant eus Frañs. Bez' ez eo unan eus pevar departamant Rannvro Breizh ha pemp departamant Breizh istorel ivez.
Krouet eo bet e 1790 diwar rannadenn proviñs Breizh etre pemp departamant, hag aet eo broioù kozh Roazhon ha Dol d'ober anezhañ, gant un tamm eus eskopti kozh Sant-Maloù.
967 588 annezad a zo ennañ hervez niveradeg an EBSSA e 2008 e 6 775 km².
Jean-Louis Tourenne, eus ar Strollad Sokialour Gall, eo prezidant Kuzul-departamant Il-ha-Gwilun abaoe 2004.
Kêrioù [kemmañ]
| Kummun | Poblañs (2008) | Arondisamant |
|---|---|---|
| Roazhon | 206 655 | Arondisamant Roazhon |
| Sant-Maloù | 48 211 | Arondisamant Sant-Maloù |
| Felger | 20 078 | Arondisamant Felger-Gwitreg |
| Gwitreg | 16 688 | Arondisamant Felger-Gwitreg |
| Saozon-Sevigneg | 15 239 | Arondisamant Roazhon |
| Bruz | 15 587 | Arondisamant Roazhon |
| Redon | 10 352 | Arondisamant Redon |
Ar prefeti a zo bet staliet e Roazhon. E Sant-Maloù, Felger, ha Redon zo staliet ar isprefetioù.
Brezhoneg [kemmañ]
An tri di :
- 4 c’humun a zo klasoù divyezhek enno (Roazhon, Sant-Maloù, Redon, ha Bruz). 0,6% eus bugale an departamant a zo enno er c'hentañ derez Ofis ar Brezhoneg.
- Bec'h e oa bet e Bruz e miz Gwengolo 2009 pa oa bet nac'het digeriñ ur c'hlas divyezhek gant an Enseller Akademiezh Jean-Charles Huchet.
- 4 c’humun a zo klasoù dihun enno (Roazhon - Sant Yann Bosco ha Sant Mikel, Gwitreg, ha Redon).
- Betek 2008 ne oa nemet ur skol Diwan en departamant e Roazhon. Digoret e oa bet an eil e miz Gwengolo 2008 e Magoer.
Gwelet ivez [kemmañ]
- Kuzulierion jeneral Il-ha-Gwilen
- Roll arondisamantoù Il-ha-Gwilen
- Roll kantonioù Il-ha-Gwilen
- Roll kumunioù Il-ha-Gwilen
