Arondisamant Felger-Gwitreg
| Arondisamant Felger-Gwitreg | |
|---|---|
 Lec'hiadur arondisamant Felger-Gwitreg e departamant Il-ha-Gwilen |
|
| Melestradurezh | |
| Riez | Frañs |
| Rannvro | Breizh |
| Departamant | Il-ha-Gwilen |
| Kod arondisamant | 351 |
| Pennlec'h | Felger |
| Stadegoù | |
| Poblañs | 168 421 ann. (2007[1]) |
| Gorread | 2 152 km² |
| Stankter | 78 ann./km² |
| Adrannoù | |
| Kantonioù | 12 |
| Kumunioù | 115 |
kemmañ  |
|
Arondisamant Felger-Gwitreg a zo anezhañ ur rann velestradurel eus Frañs, e departamant Il-ha-Gwilen hag e rannvro Breizh.
Taolenn |
Arondisamant Felger-Gwitreg [kemmañ]
Da-heul serridigezh un toullad mat a velestradurioù (Bank Frañs, skouadron archeriezh, renerezh EDF-GDF, renerezh Ar Post, kuzul an aferioù micher, lez-varn ensav...) ha dre ma'z eus re all en arvar (ospital, isprefeti, komiserdi polis) o doa goulennet maer Felger, Louis Feuvrier, ha kannad pastell-vro Felger, Thierry Benoit, soutenet gant gant kannad-maer Gwitreg, Pierre Méhaignerie, e vefe brasaet arondisamant Felger dre lakaat arondisamant kozh Gwitreg e-barzh[2] hag ivez e vefe kenstrollet an div lez-varn ensav e-lec'h serriñ anezho evit kreñvaat hini Roazhon.
Sinet e voe diferad-prefeti krouidigezh arondisamant Felger d'an 28 a viz Kerzu 2009[3]. Talvezout a ra ar grouidigezh-se abaoe ar 1añ a viz Here 2010.
Kantonioù [kemmañ]
Rannet eo arondisamant Felger-Gwitreg e 12 kanton :
- Kanton Argantreg-ar-Genkiz ;
- Kanton Entraven ;
- Kanton Felger-Norzh ;
- Kanton Felger-Su ;
- Kanton Gwerc'h-Breizh ;
- Kanton Gwitreg-Kornôg ;
- Kanton Gwitreg-Reter ;
- Kanton Kastell-Bourc'h ;
- Kanton Louvigneg-an-Dezerzh ;
- Kanton Rester ;
- Kanton Sant-Albin-an-Hiliber ;
- Kanton Sant-Brizh-Gougleiz.
Daveoù [kemmañ]
- ↑ (fr) INSEE, poblañs lezennel arondisamantoù Il-ha-Gwilen, 2007
- ↑ (fr) Pennad war ma.ville.com
- ↑ ARRETE Portant modification des limites territoriales d’arrondissements de FOUGERES et RENNES du 28 décembre 2009
