Aber

An aber eo al lodenn hini izelañ ha ledanañ eus ur stêr, e-lec'h ma teu ar mor enni, setu perak e vez izeloc'h pe uheloc'h an dour diouzh ma vez tre pe lanv.

N'eo ket heñvel ar gwel war an aber hervez liveoù al lanv. Leun-chouk gant an dour pa ya al lanv en e live uheloc'h ha peuzgoullo ha lec'hidek d'an izelvor. Peurliesañ ez eus aberioù brasoc'h hag hiroc'h war an aodoù roc'hellek ha p'eo bras al liveoù diwar tro al lanv.

Ur pouez bras a ya gant an aberioù e-keñver o rolloù armerzhel hag ekologiezhel.
E penn uheloc'h an aberioù e kaver alies ar perzhier pennañ (skouerioù niverus e Breizh). War o genoù emañ staliet perzhier ivez. Meur a gêr a vez staliet war daou du un aber.
War riblennoù an aber hag e-barzh an aber e-unan, e kaver takadoù gleb, lec'hioù buhezek eus ar gwellañ. Eno e vev amprevaned, buzhug, laboused hag meur a grigner. Eno e vev pesked ha kregin ha ur roll dibar o deus an takadoù gleb evit ar beskerezh.

Stêranvadurezh

Kavet e vez ar ger aber en un nebeud anvioù stêrioù e Bro-Leon hag e Bro-Gerne, ha muioc'h c'hoazh e Kembre. Un toullad anvioù a gaver e Bro-Skos ivez.

Breizh

• an Aber e Kraozon,
• an Aber-Benniget (a-wechoù an Aber-Benead),
• an Aber-Ac'h.
• an Aber-Ildud
• ul lec'h anvet an Aber etre Rosko ha Santeg

Kembre

• Aber a gaver e kalz anvioù-lec'hioù, met kember eo ar ster alies p'e gaver en douaroù, evel en Aberhonddu;
• Aber a lavarer dre verrdro eus lec'hioù zo:
  • Aberystwyth hag Abergwyngregyn;
• Hir eo roll an anvioù-lec'hioù all: Aberdâr, Abernant,...

E Skos

• Aberchalder

Traoù

• Aber (kelaouenn) :ur gelaouenn sevenadurel embannet gant ar skrivagnerez vrezhonek Pierrette Kermoal ha tud Preder.

E galleg

Kavout a reer aber e lec'hanvadurezh c'hallek Bro-Leon (Pays des Abers), met ria a vez lavaret eus aberioù all Breizh.

Pennadoù kar

• Kember
• Kemper