Loudieg

Loudieg
Straed Pondi.
Anv gallaouek	Loudia, Lódeyac
Anv gallek (ofisiel)	Loudéac
Bro istorel	Bro-Sant-Brieg
Melestradurezh
Departamant	Aodoù-an-Arvor
Arondisamant	Sant-Brieg
Kanton	Loudieg (pennlec'h)
Kod kumun	22136
Kod post	22600
Maer Amzer gefridi	Gérard Huet 2014-2020
Etrekumuniezh	Loudieg Kumuniezh - Kreiz Breizh
Bro velestradurel	Bro Kreiz Breizh
Lec'hienn web	Ti-kêr
Poblañsouriezh
Poblañs	9 652 ann. (2020)
Stankter	120 ann./km²
Douaroniezh
Daveennoù lec'hiañ	48° 10′ 40″ Norzh 2° 45′ 14″ Kornôg
Uhelderioù	kreiz-kêr : 162 m bihanañ 73 m — brasañ 245 m
Gorread	80,24 km²
Loudieg

Loudieg a zo ur gumun eus Breizh e departamant Aodoù-an-Arvor, e-kreiz ar vro. Pennlec'h Kanton Loudieg eo.

Douaroniezh

Lec'hiet eo Loudieg e Kreiz-Breizh, etre an hentoù N164 (Roazhon-Brest) ha D700 (Sant-Brieg-Pondi). 30 mn diouzh Sant-Brieg hag 1 eur diouzh Roazhon.

Anv

Stummoù kozh

Kavout a reer ar stummoù-mañ: Locduiac (etre 1066 ha 1082), Lodeac (e 1149), Lodoach (e 1223), Lodeac (e 1239, e 1264), Parrez ha burgus Lodeiac (e 1263), Lodoiac (e 1269, e 1280), Loudeac (e 1271), Lodoyac (e 1286), Lodeac (e 1296), Lodehac (e 1369), Loudeac (e 1396). Ar stumm melestradurel a-vremañ a zeu war wel e 1427 (Dielloù Liger-Atlantel, B 2979).

Brezhoneg

Lodaog pe Lozaog,  gant tud zo, e brezhoneg^{(Daveoù a vank)}.

Ardamezioù

En glazur e deir gwerzhidenn en argant ; e gab en gul, karget gant teir mailhenn en aour.

Istor

XI^vet kantved

• War-dro 1059: meneg kentañ eus "Loudeac" e karta diazez prioldi ar Groaz Santel e Josilin.

XIII^vet kantved

• 1263: Loudieg zo lakaet da barrez.

XV^vet kantved

• 1491: arme Bro C'hall a voe ac'hubet Loudieg ganti.

Dispac'h Gall

• Gant al lezenn eus an 26 a viz C'hwevrer 1790 e voe lakaet Loudieg da benn ur bann.

XX^vet kantved

Brezel-bed kentañ

• Diazezet e voe an Ospital Milourel Klokaus Niv 78 e Loudieg e-pad ar Brezel-bed kentañ; gloazidi a oa erruet e miz Gwengolo dija, ha krouet e voe an ospital d'an 2 a viz Here 1914; serret e voe e dibenn miz Du 1917.
• E 1917 e voe degemeret repuidi, 63 Gall ha 62 Velgiad e Loudieg; e mizioù Meurzh hag Ebrel 1918 e teuas pemp repuad all eus departamantoù gall Oise ha Somme abalamour d'an dagadenn alaman bet boulc'het e miz Meurzh.
• 220 gwaz hervez monumant ar re varv (d.le. 3,83% eus ar boblañs e 1911) er gumun, met 251 hervez monumant Santez-Anna-Wened, a gollas o buhez abalamour d'ar brezel.

Eil brezel-bed

• D'an 28 a viz Ebrel 1941 e kouezhas un nijerez (Hampden I marilhet AD834 ha kodet VN-?) eus ar Royal Air Force e Quilliant, nepell eus Loudieg. Daou nijour eus he laz a varvas. Douaret e voent e bered ar gumun. Unan all a voe serret d'an Alamaned, unan all a zeuas a-benn da achap.
• dieubet e voe Loudieg d'an 3 a viz Eost 1944 gant lu ar Stadoù-Unanet.

Monumantoù ha traoù heverk

Bered ar gumun

• 

  Bezioù al Lu gall

• 

  Bez ur soudard eus an trevadennoù

• 

  Bez ur soudard eus an trevadennoù

• 

  Bezioù izili eus ar Rezistañs

• Beziet eo bet enni soudarded eus ar brezelioù-bed hag izili eus ar Rezistañs

• 

  Bezioù ar C'hommonwealth

Bro	Niver a dud
Rouantelezh-Unanet	2 (Royal Air Force)
Hollad	2

• Bezioù ar C'hommonwealth: daou nijour marvet e miz Ebrel 1941, e-pad an Eil brezel-bed, pa gouezhas o c'harr-nij nepell eus Loudieg.

Melestradurezh: ar Vaered

• 

  An ti-kêr

Amzer	Anv	Strollad	Micher
13.06.1976 - ...	Pierre Étienne
2001 - ...	Gérard Huet	Hep Strollad	Kelenner

Emdroadur ar boblañs abaoe 1962

Niver a annezidi

Luc'hskeudennoù

• 

  Iliz katolik Sant Nikolaz

• 

  Pont-es-Bigots

Tud

Tud bet ganet eno

• 1895 : Jeanne Malivel, arzourez.
• 1901 : Yann Sohier, skolaer ha difenner ar brezhoneg er skol.

Ardamezeg ar familhoù

	de Kaërbout / de Kerbout Aotrounez la Vallée	En gul e dri ezev en argant, 2, 1

Gevelliñ

Bro	Kêr	Abaoe
Alamagn	Büdingen	1983

Liammoù diavaez

• Lec'hienn ofisiel kêr Loudieg
• (br) Loudieg war GeoBreizh.com