Bann

Eus Wikipedia
Mont da : merdeiñ, klask

Ur bann gall a oa ur rann velestradurel eus an departamantoù eus Bro-C'hall, etre ar c'hanton hag an departamant, hag ur bastell-votiñ. Krouet e voe ar bannoù gant al lezenn eus an 23 a viz Eost 1790.

Melestradurezh[kemmañ | kemmañ ar vammenn]

  • E penn ar bann e veze ur c'huzul gant daouzek ezel. Dilennet e veze ar guzulierion gant dileuridi ar geodediz oberiant. Unan anezhe a oa lakaet da brokulor-sindik, karget da lakaat divizoù ar c'huzul e pleustr, ha pevar all a yae d'ober renerezh ar bann [1].

Relijion gatolik[kemmañ | kemmañ ar vammenn]

  • Votet e veze evit lakaat ur beleg da berson en ur barrez eus ar bann diouzhtu pa vanke unan [2].

Justis[kemmañ | kemmañ ar vammenn]

  • Ul lez-varn a voe krouet e pep pennlec'h bann (e bann Henbont e voe lakaet al lez-varn en Oriant koulskoude) gant an dekred eus an 23 a viz Eost 1790 [3].

Lamet ar bannoù[kemmañ | kemmañ ar vammenn]

  • Gant Bonreizh Bloaz III (22 a viz Eost 1795) e voe lamet ar bannoù; bodet e veze kuzulioù-kanton (ne chome tamm emrenerezh ebet gant kumunioù ar c'hanton). Savet e voe an arondisamantoù da gemer lec'h ar bannoù e miz C'hwevrer 1800.

Notennoù ha dave[kemmañ | kemmañ ar vammenn]

  1. Kristof Jezegoù, Hor Bro e-pad ar Revolusion (p. 16), Ti-moullañ Ar Bobl, Karaez, 1915
  2. Kristof Jezegoù, Hor Bro e-pad ar Revolusion (p. 19-20), Ti-moullañ Ar Bobl, Karaez, 1915
  3. Jean-Louis Debauve, La Justice révolutionnaire dans le Morbihan, e ti an aozer, Pariz, 1965